Gweithiwr Cefnogi (Addysg Barhaus)

Cyflog: Grade 4 - £24,404 - £25,183 pro rata

Mae hon yn swydd cyfnod penodol am 21 awr yr wythnos tan 25 Mawrth 2026.

Gradd 4 - £24,404.00 am 21 awr yr wythnos ar 52.14 wythnos y flwyddyn sy'n cyfateb i 13,850.92 pro rata.

Mae gennym gyfle cyffrous i ymuno â'n tîm sefydledig gan gynorthwyo a gweithio ochr yn ochr ag oedolion ag anableddau dysgu, cyflyrau niwrolegol, anghenion corfforol ac emosiynol, gan gynnwys oedolion ifanc â chyflyrau dwys a lluosog, i gymryd rhan mewn cyfleoedd sy'n werthfawr, yn ystyrlon ac yn galluogi'r unigolion i barhau â'u hyfforddiant a'u dysgu i'w galluogi i ddatblygu ffordd o fyw o safon a chyflawni annibyniaeth hyd eithaf eu gallu.

Bydd y rhai sy'n cymryd rhan yn y prosiect yn bennaf yn bobl ag anableddau dwys a lluosog na all sefydliadau neu wasanaethau eraill ddiwallu eu hanghenion.

Byddwch yn gweithio mewn lleoliad amlasiantaeth ochr yn ochr â gweithwyr proffesiynol mewnol a phartneriaid allanol. Bydd angen ichi ddangos agwedd gadarnhaol a grymusol ynghyd ag agwedd barchus wrth weithio ochr yn ochr ag unigolion.

Bydd angen i'r ymgeisydd llwyddiannus yrru bws mini fel rhan o'r swydd, bydd hyn er mwyn darparu gwasanaeth cludiant i'r unigolion i'w codi o'u cartref a dod â nhw i'r ddarpariaeth.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.