Swyddog Hyfforddiant Technegol - Awyrennau CC/2745

Cyflog: £32,304 - £49,934

Disgrifiad Swydd

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau trwy addysg, arloesedd ac ysbrydoliaeth...

Teitl y Swydd: Swyddog Hyfforddiant Technegol - Awyrennau

Lleoliad: Glannau Dyfrdwy

Math o Gontract: Llawn amser, Cyfnod Penodol (Rhagfyr 2025)

Cyflog: £32,304 - £49,934 (Mae pwyntiau UP2 ac UP3 yr uwch raddfa gyflog yn amodol ar dystiolaeth o gynnydd blaenorol i'r raddfa dâl uwch)

A oes gennych chi unrhyw brofiad yn y Sector Awyrofod sydd ag enw da am ansawdd a rhagoriaeth ac yn chwilio am her newydd?

Dechreuwch eich taith i addysg heddiw.

Os ydych chi'n meddwl bod gennych chi sgiliau peirianneg ond nad oes gennych chi brofiad addysgu, gadewch i ni eich cynorthwyo chi i ennill y cymwysterau addysgu angenrheidiol wrth rannu eich gwybodaeth a'ch profiad.

Ar hyn o bryd mae gennym ni swydd wag Swyddog Hyfforddiant Technegol Awyrofod Llawn Amser ar ein safle Glannau Dyfrdwy. Prif ddiben y swydd yw cyflwyno sesiynau ymarferol yn ein gweithdai hyfforddiant, a fydd yn cynnwys: ymgymryd â gweithgareddau ffitio awyrennau manwl, gosod ffasnyddion mecanyddol (Rhybedion, bolltau a dulliau cloi), drilio deunydd croen ysgafn a chroen trwm, cynnal a chadw sylfaenol awyrennau a thynnu ac ail-osod cydrannau. Yn y swydd hon byddwch chi'n addysgu yn ôl yr amserlen, paratoi deunyddiau dysgu, marcio gwaith myfyrwyr, cysylltu â chyrff dyfarnu a goruchwylio arholiadau yn ôl y gofyn. Yn ogystal â hyn bydd darparu arweiniad addysgol, cymorth a chwnsela i bob myfyriwr yn rhan fawr o'ch swydd gan eich galluogi chi i effeithio'n gadarnhaol ar eu taith fel myfyrwyr.

Byddem ni wrth ein bodd yn clywed yn arbennig gan unrhyw un sydd â phrofiad o Systemau Trydanol a Systemau Awyrennau ac sy'n gobeithio symud oddi wrth y diwydiant a dechrau her gyrfa newydd.

Gofynion Hanfodol

• Bod â chymhwyster Lefel 3 o leiaf mewn maes pwnc arbenigol perthnasol
• Gallu datblygu a defnyddio ystod o dechnegau addysgu a dysgu
• Gallu asesu canlyniadau dysgu a chyflawniadau dysgwyr

Mae sgiliau Cymraeg yn ddymunol ar gyfer y swydd hon.

Mae Coleg Cambria wedi ymrwymo i hyrwyddo proffil y Gymraeg.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grwp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn 'agored i niwed' yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Byddai gofyn i chi hefyd gofrestru gyda'r Cyngor Gweithlu Addysg fel Athro Addysg Bellach.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai