Athro/Athrawes A Chydlynydd Anghenion Dysgu Ychwanegol

Cyflog: Cyflog: Cyflog Graddfa Athro, a Thaliad Cyfrifoldeb Addysgu a Dysgu o £3,271

Athro/Athrawes A Chydlynydd Anghenion Dysgu Ychwanegol

Disgrifiad Swydd
Cyflog: Cyflog Graddfa Athro, a Thaliad Cyfrifoldeb Addysgu a Dysgu o £3,271

Dyddiad Dechrau: 1 af Ionawr 2025 neu cyn gynted â bo modd

Nifer ar y Gofrestr: 195

Mae'r Pennaeth a'r Corff Llywodraethol am benodi Athro Dosbarth a Chydlynydd Anghenion Dysgu Ychwanegol i weithio gyda'n Uwch Dîm Rheoli a holl staff addysgu’r ysgol. Rydym yn chwilio am CADY brwdfrydig, angerddol ac ymroddedig sydd yn drefnus a gofalgar tra’n cefnogi ein disgyblion, rhieni a staff.

Rydym yn chwilio am:

• Ymarferydd dosbarth rhagorol, sydd yr un mor angerddol ac ymroddedig i ddatblygiad emosiynol ac academaidd pob plentyn yn eu gofal.
• Unigolyn sy’n gallu gweithio fel rhan o dîm llwyddiannus i hyrwyddo a datblygu dysgu ac addysgu cynhwysol ar draws yr ysgol
• Sicrhau bod pob disgybl yn yr ysgol yn cael y cymorth priodol i sicrhau eu bod yn cyrraedd eu potensial drwy oruchwylio, monitro a rheoli darpariaeth Anghenion Dysgu Ychwanegol, cymorth a chynhwysiant ar draws yr ysgol.
• Arwain ADY o fewn yr ysgol a bod yn gyfrifol am ddarparu cyngor arbenigol, arweiniad, a hyfforddiant mewn ADY a chynhwysiad i holl staff Ysgol Gynradd Gymraeg Tonyrefail a thrwy hynny sicrhau bod yr holl staff yn diwallu anghenion yr holl fyfyrwyr.
• Sicrhau bod yr holl gyfrifoldebau statudol yn eu lle.

Gallwn gynnig y canlynol i chi:

• plant brwdfrydig, chwilfrydig, a chroesawgar
• staff gweithgar, ymroddedig a medrus
• rhieni a chorff llywodraethol cefnogol
• ymrwymiad i'ch datblygiad proffesiynol

Mae modd cael ffurflenni cais, a rhagor o fanylion, gan gynnwys disgrifiad swydd a manyleb y person ar gyfer y rôl drwy Wefan Recriwtio Ysgolion.

Sylwch, i wneud cais am y swydd yma mae'n ofynnol i chi lenwi'r ffurflen gais ar-lein ar Wefan Recriwtio Ysgolion. Os dydych chi ddim yn llenwi'r ffurflen gais ar-lein byddwn ni'n ystyried eich bod chi ddim wedi gwneud cais am y swydd.

Y dyddiad olaf ar gyfer derbyn ceisiadau yw 28ain o Dachwedd canol nos.

MAE AMDDIFFYN PLANT AC OEDOLION AGORED I NIWED YN GYFRIFOLDEB CRAIDD I'R YSGOL A'R CYNGOR. YN OGYSTAL Â'R CYFRIFOLDEB YMA MEWN PERTHYNAS Â DIOGELU, BYDD Y GWASANAETH DATGELU A GWAHARDD YN YMCHWILIO'N FANWL I GEFNDIR YR YMGEISYDD LLWYDDIANNUS HEFYD.

Mae'r Cyngor a'r Ysgol yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.