Pennaeth Mathemateg - Ysgol Glan Y Mor

Cyflog: £30,742 - £47,340 (MPR2 - UPR3)

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 806

Sefydliad: Ysgolion

Adran: Ysgol Glan-y-Môr

Nifer y swyddi gwag: 1

Math o gontract: Parhaol Amser Llawn

Lleoliad: Llanelli, Sir Gaerfyrddin

Gradd: Athrawon Ysgol

Cyflog: £30,742 - £47,340 (MPR2 - UPR3)

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr: £24.11 - £29.30

Oriau Contract: 32.5

Dewch i ymuno â'n tîm
Yn ofynnol o Ionawr 2025, neu ynghynt os yn bosibl, ymarferydd dosbarth parhaol, llawn amser, rhagorol ac arweinydd ysbrydoledig a brwdfrydig i arwain yr Adran Fathemateg yng Nglan Y Môr ar draws yr ystod oed a gallu. Mae Glan Y Môr yn ysgol flaengar sydd wedi cofleidio'r Cwricwlwm Newydd ers tro ac felly dyma gyfle i arweinydd ac athrawes arloesol a chreadigol arwain yr adran ar yr amser cyffrous hwn.

Rydym yn chwilio am Bennaeth Mathemateg sydd â chymwysterau da, ysbrydoledig a brwdfrydig sy'n awyddus i arwain tîm ymroddedig a brwdfrydig. Mae hwn yn gyfle eithriadol i naill ai athro rhagorol sy'n chwilio am yr her o arwain adran, neu i arweinydd profedig, i weithio mewn amgylchedd sy'n ymfalchïo mewn cydweithio i uchafu potensial ei holl ddisgyblion. Byddai disgwyl i'r ymgeisydd llwyddiannus ddod ag agwedd arloesol, ddeinamig ac uchelgeisiol i'r adran a rhaid iddo ddangos:

• Hanes llwyddiannus o addysgu Mathemateg ar lefel TGAU
• Sgiliau arwain ac ysgogi cryf
• Y gallu i wneud y mwyaf o adnoddau a datblygu strategaethau ar gyfer hyrwyddo addysgu a dysgu effeithiol
• Tystiolaeth o godi cyrhaeddiad
• Gallu ar gyfer gwaith caled a pherfformiad dan bwysau

Prif rôl y pennaeth adran yw darparu gweledigaeth strategol, a sicrhau ymrwymiad i werthoedd ysgol ac adran. Dylai ymgeiswyr ffynnu ar y cyfleoedd datblygu ac arweinyddiaeth a gyflwynir, bod yn ymarferydd dosbarth rhagorol a dangos y safonau cyflwyno uchaf yn gyson. Mae'r Ysgol wedi ymrwymo i godi cyrhaeddiad ar draws pob cyfnod allweddol ac mae angen i ymgeiswyr llwyddiannus hyrwyddo'r ethos hwn a dangos dealltwriaeth gadarn o'r strategaethau sydd eu hangen i gyflawni hyn. Rydym yn gwbl ymroddedig i ddatblygiad proffesiynol parhaus ein holl staff. Byddai'r ymgeisydd llwyddiannus yn ymuno ag adran sefydledig sydd wedi cael cyfnod o welliant cyflym i lwyddiant diweddar.

Mae Ysgol Glan-y-Môr ac Ysgol Bryngwyn yn rhan o ffederasiwn sy'n ymdrechu i ddatblygu safonau a chyfleoedd rhagorol i'w holl ddisgyblion. Yn y cyd-destun hwn, byddai disgwyl i'r ymgeisydd llwyddiannus weithio ar y cyd ac yn agos gyda chydweithwyr ar draws y ffederasiwn, ond bydd wedi'i leoli yng Nglan y Môr.

Mae Glan-y-Môr wedi dangos gwelliant sylweddol dros amser a chofnododd Arolwg diweddaraf Estyn (2017) ar gyfer y ddwy ysgol fod y Perfformiad Presennol a'r Rhagolygon Gwelliant ar gyfer yr ysgol ill dau yn Ardderchog.

Mae rhagor o fanylion ar gael ar gais gan Diane Booth, Ysgol Glan-y-Môr School, Heol Elfed, Porth Tywyn, Sir Gaerfyrddin, SA16 0AL Ffôn: 01554 836119, e-bost: diane.booth@glanymor.cymru

Mae gwybodaeth am leoedd gwag yn Ysgol Glan-y-Môr ar gael ar wefan yr ysgol: www.glanymorschool.co.uk/About-Us/Vacancies ac mae gwybodaeth am yr ysgol ar gael yn www.glanymorschool.co.uk

Mae Glan-y-Môr wedi ymrwymo i ddiogelu a hyrwyddo lles plant. Bydd yr ymgeisydd llwyddiannus yn destun gwiriad DBS manylach. Mae Glan-y-Môr yn gyflogwr cyfle cyfartal.

Disgrifiad Swydd: 006170 - Head of Maths.pdf - 262KB ~~EFORM_FILE_NEW_WINDOW~~

Lefel DBS: Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad: Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 04/10/2024, 23:55

Y Buddion

Rydym yn cynnig pecyn buddion ardderchog, gan gynnwys:

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.