Uwch-swyddog Cymorth Dysgu - Ysgol Gynradd Pen-y-bont

Cyflog: £25,063 - £25,942 y flwyddyn

Uwch-swyddog Cymorth Dysgu - Ysgol Gynradd Pen-y-bont
Disgrifiad swydd
37 awr yr wythnos

Yn ystod tymor yr ysgol

Mae Ysgol Gynradd Pen-y-bont yn ysgol gynradd fawr, lwyddiannus a chanddi 340 o ddisgyblion sy'n gwasanaethu cymuned Canol Pen-y-bont ar Ogwr.

Mae'r Corff Llywodraethu yn ceisio penodi Uwch-swyddog Cymorth Dysgu egnïol, llawn cymhelliant a brwdfrydig i reoli uned Feithrin ddynamig a llwyddiannus o tua 45 o ddisgyblion Meithrin a Chyn-Meithrin, gan addysgu gyda chydweithwyr yn ein Hadran Blynyddoedd Cynnar.

Bydd yr ymgeisydd llwyddiannus yn meddu ar ddealltwriaeth drylwyr o ddatblygu plant yn ystod y blynyddoedd cynnar a gallu amlwg i gynllunio, trefnu a gwerthuso cyfleoedd dysgu effeithiol iawn ar draws cwricwlwm y Cyfnod Sylfaen mewn amgylcheddau dan do ac yn yr awyr agored. Bydd yn gwybod sut i ddefnyddio amrywiaeth o dechnegau asesu yn effeithiol fel rhan annatod o'r broses hon.

Bydd angen dangos arfer rhagorol yn yr ystafell ddosbarth ac ymrwymiad cryf i sicrhau'r safonau uchaf gan bob ymarferydd yn y tîm Meithrin. Bydd yr ymgeisydd llwyddiannus yn meddu ar y gallu i ffurfio perthnasoedd gofalgar ac ymddiriedus gyda'r holl blant a'u teuluoedd.

Gallwn gynnig cymuned ysgol ofalgar gyda chyfleusterau rhagorol a thiroedd helaeth i'r ymgeisydd llwyddiannus. Mae gennym staff profiadol, cydweithredol a thîm arweinyddiaeth, gydag ymrwymiad cryf i gynnal safonau uchel a rhagoriaeth cyfle ar draws y cwricwlwm cyfan.

Mae'r ysgol yn mwynhau cefnogaeth Corff Llywodraethu ymrwymedig a hyddysg.

Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Dyddiad Cau: 05 Gorffennaf 2024
Dyddiad llunio rhestr fer: 08 Gorffennaf 2024
Dyddiad Cyfweld: 16 Gorffennaf 2024
Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person