Tiwtor Sgiliau Gwaith a Bywyd (Coleg Bevan)

Cyflog: GBP 27,492.00 - 36,915.00 per year

Tiwtor Sgiliau Gwaith a Bywyd (Coleg Bevan)

Disgrifiad o'r swydd Tiwtor Sgiliau Gwaith a Bywyd (Coleg Bevan)

Llawn amser a Pharhaol

Graddfa Gyflog: £27,492 - £36,915

(Yn dibynnu ar gymwysterau a phrofiad)

Amser Tymor yn Unig

Sylwch, bydd y cyflog gwirioneddol yn seiliedig ar nifer yr wythnosau a weithiwyd yn ystod y tymor yn unig.

Mae cyfle cyffrous wedi codi yng Ngholeg Bevan!

Pwrpas y Swydd:

Cynllunio a darparu profiadau dysgu personol o ansawdd uchel i bobl ifanc ag anghenion dysgu ychwanegol cymhleth ac anableddau, sy'n cyd-fynd â'u nodau a'u dyheadau personol, gan eu galluogi i gyflawni eu potensial.

Byddwch yn cyflwyno cynnig cwricwlwm pwrpasol (cymysgedd o ddarpariaeth achrededig a heb ei hachredu), sy’n canolbwyntio ar ddatblygu ymreolaeth, annibyniaeth a datblygiad personol cyfannol dysgwyr.

Am ragor o wybodaeth, gweler y pecyn gwybodaeth swydd.

Dyddiad Cau: Dydd Mercher 3ydd Gorffennaf

Dyddiad llunio rhestr fer: Dydd Gwener 5ed Gorffennaf

Dyddiad Cyfweld: Dydd Mercher 17eg Gorffennaf 2024

Mae Coleg Bevan yn cydnabod ei gyfrifoldeb i sicrhau diogelwch a lles pob myfyriwr. Rydym yn defnyddio proses drylwyr o wirio addasrwydd staff a gwirfoddolwyr i weithio gyda phlant ac oedolion agored i niwed. Mae'r swydd hon yn amodol ar ddatgeliad DBS Manwl boddhaol ar gyfer y gweithlu plant ac oedolion. Mae angen cofrestru gyda Gofal Cymdeithasol Cymru ar gyfer rhai swyddi.

Mae’r rôl hon yn cael ei hysbysebu ar ran Coleg Bevan, cwmni cyfyngedig preifat, sy’n is-gwmni sy’n eiddo llwyr i Goleg Penybont. Mae'r contract cyflogaeth a'r telerau ac amodau cysylltiedig ar gyfer y swydd hon gyda Choleg Bevan (Rhif y Cwmni: 14720762).

Rydym yn ceisio gwella cynrychiolaeth o bob rhan o'r gymuned a hyrwyddo cyfle cyfartal. Rydym yn croesawu ceisiadau gan bawb, gan gynnwys pobl o gefndiroedd a chymunedau gwahanol, ac o oedrannau gwahanol.

Bydd gofyn i'r ymgeisydd llwyddiannus ddarparu tystiolaeth o hunaniaeth a chymhwysedd i weithio yn y DU.

Nid yw’r Coleg yn cymryd rhan yng Nghynllun Noddi Fisa’r DU felly, bydd yn rhaid i ymgeiswyr ddarparu tystiolaeth o’u Hawl i Weithio yn y DU os cynigir rôl gyda ni.

Sylwch y gallai fod angen cyfweliad neu asesiad ail gam.