Addysga yn yr iaith ti’n ei charu.  

Mae ysgolion uwchradd Cymru angen mwy o athrawon i addysgu'r pwnc maen nhw'n ei garu yn y Gymraeg.

Der â dy ddiwylliant a dy gymuned i'r ystafell ddosbarth. Rwyt ti mewn sefyllfa unigryw i gyfrannu tuag at dargedau Cymraeg 2050 o gael miliwn o siaradwyr Cymraeg.

Dechreua ar dy yrfa addysgu yn ennill £32,400 y flwyddyn, a hyd at £49,900 fel athro dosbarth. Datblyga dy yrfa i fod yn Bennaeth er mwyn ennill hyd at £140,600 y flwyddyn.

Ac mae hyd yn oed mwy o gefnogaeth ar gael – o gyllid, dysgu proffesiynol, a chyfleoedd i wella dy sgiliau Cymraeg. Cer i'r
dudalen hon i gael gwybod mwy, yn Saesneg. 

 

SUT I DDOD YN ATHRO/ATHRAWES
 

Mae yna sawl ffordd o hyfforddi i addysgu. Dewisa’r llwybr sy'n dy siwtio di. Mae'n bosibl astudio'n llawn amser, yn rhan-amser neu ar y llwybr cyflogedig. A gelli eu hastudio i gyd trwy gyfrwng y Gymraeg.
 

Mae modd astudio ar gyfer Tystysgrif Addysg i Raddedigion (TAR) mewn prifysgolion ledled Cymru, gyda rhaglenni AGA llawn-amser ar gael drwy:

Prifysgol Bangor

Partneriaeth Caerdydd

Prifysgol Abertawe

Prifysgol De Cymru (PDC) – cynradd yn unig

Yr Athrofa (Prifysgol Y Drindod Dewi Sant, Caerfyrddin ac Abertawe)
 

Angen mwy o hyblygrwydd? Mae'r Brifysgol Agored yn cynnig TAR rhan-amser, a TAR Cyflogedig ble y gelli hyfforddi tra dy fod yn gweithio mewn ysgol.

CYMORTH ARIANNOL

Eisiau addysgu yn y Gymraeg? Gallet fod yn gymwys i dderbyn cymelliadau ariannol i dy gefnogi wrth hyfforddi:

  • £5,000 i astudio i addysgu uwchradd yn y Gymraeg, HEFYD gallai dy brifysgol gynnig eu cefnogaeth eu hunain i addysgu yn y Gymraeg
  • £15,000 i astudio i addysgu Pwnc â Blaenoriaeth uwchradd
  • £5,000 i athrawon dan hyfforddiant o gefndiroedd Du, Asiaidd ac Ethnig Leiafrifol
     

Os wyt ti’n cwblhau tair blynedd o addysgu uwchradd yn y Gymraeg, gallet dderbyn bwrsariaeth i gadw athrawon Cymraeg mewn addysg o £5,000.


Mae gwybodaeth am gyllid ar gyfer rhaglenni Addysg Gychwynnol i Athrawon (AGA) i’w gael ar wefan Cyllid Myfyrwyr Cymru.

GWELLA DY GYMRAEG WRTH I TI ADDYSGU


Mae Cymru angen unigolion angerddol i ysbrydoli'r genhedlaeth nesaf yn y Gymraeg.

Mae angen athrawon sy’n medru defnyddio’r Gymraeg ar bob lefel – yn rhugl, ychydig yn rhydlyd, yn brin o hyder, neu'n ddysgwyr – ac sy'n angerddol am ddefnyddio'r iaith pan fo’r modd.

Mae cyfleoedd i wella dy sgiliau Cymraeg tra’n addysgu, ac ysbrydoli cenhedlaeth newydd i garu'r iaith hefyd.

Dysgu Cymraeg wrth i ti addysgu:

  • Mae consortia rhanbarthol ac awdurdodau lleol yn darparu ystod o gyfleoedd dysgu proffesiynol i ddatblygu dy sgiliau Cymraeg. 

CYMWYSTERAU SYDD EU HANGEN

Er mwyn hyfforddi i addysgu yng Nghymru, mae angen y canlynol:
 

  • C mewn TGAU Mathemateg a Chymraeg neu Saesneg, neu radd sy’n gyfwerth.
  • C mewn TGAU Gwyddoniaeth ar gyfer athrawon cynradd hefyd.
  • A gradd addas o brifysgol i wneud cais am raglen TAR.
     

I addysgu yn y Gymraeg, bod yn angerddol dros yr iaith yw’r unig beth sydd ei angen arnat ti – mae cyfleoedd ar gael i bob athro/athrawes yng Nghymru wella eu sgiliau Cymraeg.

 

Gall dy brifysgol gynnig arweiniad ar gymwysterau perthnasol a chymhwysedd penodol ar gyfer AGA. 

PAM ADDYSGU YNG NGHYMRU?

Der â dy angerdd i mewn i’r ystafell ddosbarth o dan y Cwricwlwm i Gymru.

Mae Cymru angen mwy o athrawon uwchradd, yn enwedig mewn pynciau â blaenoriaeth ar gyfer recriwtio:

 

  • Bioleg
  • Cemeg
  • Dylunio a Thechnoleg
  • Technoleg Gwybodaeth
  • Mathemateg
  • Ieithoedd Tramor Modern
  • Ffiseg
  • Cymraeg
     

Mae ysgolion angen mwy o athrawon sy'n gallu siarad Cymraeg – ym mhob pwnc.

Mae yna hefyd ddigon o
gefnogaeth ar gyfer dysgu proffesiynol trwy gydol dy yrfa.

Angharad
Athrawes –Pennaeth Dwyieithrwydd
Ro’n i’n 45 pan ddysgais i’r Gymraeg – nawr dwi’n 47 ac yn ei ddysgu i eraill. Os y gallaf i ei wneud e yr oedran yma, gall unrhyw un.
Daniel
Athro – cynradd gyda chyfrifoldeb pellach am y Gymraeg fel ail iaith i ddisgyblion ac athrawon
Mae’n llawer mwy na’r iaith. Dwi’n meddwl ei fod yn Mae’n ymwneud â dathlu’r diwylliant a’r ethos sy’n mynd law yn llaw â’r Gymraeg.
Michael
Athro - Gwyddoniaeth
Mae’n bwysig dysgu fy mhwnc trwy gyfrwng y Gymraeg, i danio’r cariad hwnnw at wyddoniaeth i ddysgwyr yng Nghymru.

CAMAU NESAF
 

Cysyllta am fwy o wybodaeth ac i drafod dy opsiynau.

Digwyddiadau - Ymuna â ni mewn digwyddiad - mewn diwrnod agored prifysgol, gallwn dy helpu gyda dy gais ac i baratoi ar gyfer cyfweliad.

Dilyna Addysgu Cymru - ein hymgyrch ar gyfer athrawon uchelgeisiol yng Nghymru. With symbols for the channels

 

Facebook   X   LinkedIn   Instagram

Gwna gais am brofiad gwaith mewn ysgol leol i gael blas ar sut beth yw sefyll o flaen dosbarth. 

PWY YDYN NI?

Gall Addysgwyr Cymru dy helpu, dim ots ar ba ran o dy siwrnai wyt ti - o ymgeiswyr dan hyfforddiant i athrawon cymwysedig sy'n chwilio am swyddi gwag. Gallwn dy helpu i ddarganfod dy swydd ddelfrydol ar ein tudalen swyddi.

Cysyllta gyda un o'r tîm heddiw!

Ffonia 02920 460099

Ebostia: gwybodaeth@addysgwyr.cymru 

Am sgwrs gyda’r tîm

Mae gan Addysgwyr Cymru bopeth rwyt ti ei angen i archwilio llwybrau a chyfleoedd gyrfa o fewn addysg. Cymer olwg.

DYSGA’R  

DYFODOL  

HEDDIW. 

 

TEACH  

TOMORROW  

TODAY.