BETH YW PENNAETH CYNORTHWYOL?
Fel Penaethiaid Cynorthwyol, ein gwaith ni yw cefnogi'r pennaeth wrth redeg yr ysgol o ddydd i ddydd, gan sicrhau ein bod yn diwallu anghenion yr holl ddysgwyr a staff.
Rydym yn ymroddedig iawn i'r proffesiwn ac yn defnyddio ein brwdfrydedd i ysgogi staff a hyrwyddo datblygiad proffesiynol. Fel aelodau o'r Uwch Dîm Rheoli, rydym yn rhannu nifer o gyfrifoldebau â'r dirprwy benaethiaid.
Yn y mwyafrif o leoliadau, rydym hefyd yn cyflawni rôl athro dosbarth. Rydym yn ymgymryd â’r ddwy rôl gydag anghenion pob dysgwr wrth wraidd y penderfyniadau rydym ni'n eu gwneud, gan annog ymddygiad a lles cadarnhaol a sicrhau bod pob dysgwr yn cael cyfle cyfartal i lwyddo.
O fewn ei'n swydd rydym yn hyrwyddo perthnasoedd cadarnhaol â staff, dysgwyr, rhieni, gofalwyr a chymuned ehangach yr ysgol i fynd i'r afael ag unrhyw faterion a sicrhau ein bod bob amser yn ymdrechu i gyflawni'r canlyniadau gorau posib.
Y CYMWYSTERAU BYDD EU HANGEN ARNOCH
Rhaid i ddirprwy benaethiaid fod â Statws Athro Cymwysedig (SAC) trwy addysg gychwynnol i athrawon (AGA) a chwblhau cyfnod sefydlu'n llwyddiannus. Gallant hefyd geisio ennill cymwysterau pellach mewn arweinyddiaeth a rheolaeth i'w cynorthwyo.