BETH YW SWYDDOG IECHYD A DIOGELWCH?
Rydym yn defnyddio ein gwybodaeth a’n profiad arbenigol i sicrhau diogelwch a lles yr holl ddysgwyr a staff, a chynnal safonau uchel o ran diogelu.
Rydym yn defnyddio ein sgiliau a’n gwybodaeth i leihau damweiniau ac anafiadau ac atal problemau iechyd yn y gweithle. Gallai ein gweithredoedd o bosibl achub bywydau ein cydweithwyr, neu eu hatal rhag dioddef anafiadau difrifol.
Mae ein cyfrifoldebau yn cynnwys ein gweithle ni, yn ogystal â gwerthuso rheolaeth iechyd a diogelwch mewn lleoliadau profiad gwaith, er mwyn sicrhau diogelwch dysgwyr (a’r gweithlu) yn yr amgylchedd gwaith.
Rydym yn sicrhau bod iechyd a diogelwch yn eich galluogi i gyflawni eich amcanion, heb eich rhwystro neu’ch llesteirio.
LLWYBRAU I MEWN I’R RÔL
Gall y rhain gynnwys:
- Ennill cymhwyster Iechyd a Diogelwch yn ddiweddar
- Rôl iechyd a diogelwch mewn diwydiant
- Technegydd (dolen i silwét technegydd)
SGILIAU A PHRIODOLEDDAU ALLWEDDOL AR GYFER Y RÔL
- sgiliau trefnu a chynllunio effeithiol
- sgiliau cyfathrebu cryf
- sgiliau rhyngbersonol rhagorol a’r gallu i gydweithio â phobl ar lefelau gwahanol
- y gallu i ddadansoddi problemau ac adnabod datrysiadau ymarferol
- gwybodaeth am ddeddfwriaeth iechyd a diogelwch, gan gynnwys Codau Ymarfer Iechyd a Diogelwch Llywodraeth Cymru
- hyder a gallu wrth ddefnyddio TGCh
- sgiliau Cymraeg – bydd y lefelau gofynnol yn amrywio, yn dibynnu ar y swydd, ond disgwylir ymrwymiad i’r Gymraeg ym mhob rôl (hyd yn oed os ydych ond yn datblygu eich sgiliau fel dechreuwr)
- ymrwymiad i ddiogelu dysgwyr a phobl ifanc
- ymrwymiad i gydraddoldeb, amrywiaeth a chynhwysiant.