Cynorthwyydd Gofal (Nos Effro)

Cynorthwyydd Gofal (Nos Effro)

Disgrifiad o'r swydd
Cynorthwyydd Gofal (Nos Effro)

Rhan Amser

Amser Tymor yn Unig, Cyfnod penodol hyd at 31 Awst 2024

Graddfa gyflog 2: £21,029 (pro rata) / £10.90 yr awr

Noder: bydd y cyflog gwirioneddol yn seiliedig ar nifer yr oriau ac wythnosau a weithir dros weddill y flwyddyn academaidd.

Pwrpas y rôl hon yw chwarae rôl weithredol wrth gynorthwyo myfyrwyr yn darpariaeth Addysg Bellach arbenigol ar gyfer dysgwyr sy’n oedolion ifanc ac sydd ag anableddau. Cefnogir y dysgwyr i ddatblygu eu sgiliau ar gyfer annibyniaeth, eu lles corfforol ac emosiynol, sgiliau bywyd ymarferol, a’u helpu nhw i gyflawni eu hamcanion personol.

Byddwch yn cynorthwyo dysgwyr i baratoi am weithgareddau dyddiol; yn helpu gyda phob agwedd o ofal personol, gan gynnwys ymolchi a mynd i’r tŷ bach; ac yn cynorthwyo gyda rhoi meddyginiaeth iddynt yn unol â’r polisïau. Byddwch yn sicrhau bod yr amgylchedd yn ddiogel ac yn lân er mwyn sicrhau bod y risg i ddysgwyr, cydweithwyr ac ymwelwyr i Dŷ Weston yn cael ei minimeiddio. Byddwch yn cynorthwyo i gynnal a chadw dogfennaeth a chofnodi gwybodaeth am fyfyrwyr ac adroddiadau cynnydd myfyrwyr, ac yn gweithredu fel gweithiwr allweddol ar gyfer grŵp bach o ddysgwyr.

Bydd gan yr ymgeisydd delfrydol gwybodaeth am a dealltwriaeth o amrywiaeth o anableddau gwahanol, megis problemau dysgu corfforol, cyflyrau synhwyraidd, ac awtistiaeth. Bydd profiad o weithio gyda myfyrwyr sydd ag ymddygiadau heriol sy’n ymwneud ag anabledd yn fanteisiol. Mae NVQ Lefel 2 mewn Iechyd a Gofal Cymdeithasol yn hanfodol ar gyfer y rôl hon, neu mae’n rhaid i chi fod yn fodlon ennill y cymhwyster hwn yn ystod eich blwyddyn gyntaf yn y swydd, yn barod i ennill y cymhwyster Lefel 3 y flwyddyn ganlynol. Felly, mae profiad o weithio gydag anghenion gofal iechyd cymhleth a NVQ Lefel 3 mewn Iechyd a Gofal Cymdeithasol yn ddymunol.

Pecyn Gwybodaeth Swydd

Mae Coleg Penybont yn cydnabod ei gyfrifoldeb dros sicrhau diogelwch a lles pob myfyriwr. Rydym yn defnyddio proses lem i wirio addasrwydd staff a gwirfoddolwyr i weithio â phlant ac oedolion bregus. Mae’r swydd uchod yn amodol ar ddatgeliad DBS Estynedig / boddhaol ar gyfer gweithlu plant ac oedolion.

Mae Coleg Penybont yn deall gwerth darparu gwasanaethau yn Gymraeg a'r angen i dyfu ei weithlu dwyieithog. Rydym felly’n annog ceisiadau gan ymgeiswyr sy’n gallu dangos sgiliau Cymraeg da. Nodwch yn eich datganiad personol a yw’n well gennych i’ch asesiad/cyfweliad gael ei gynnal yn Gymraeg.

Rydym wrthi'n ceisio gwella cynrychiolaeth o bob rhan o'r gymuned a hyrwyddo cyfle cyfartal. Rydym yn croesawu ceisiadau gan bawb, gan gynnwys pobl o wahanol gefndiroedd a chymunedau, ac o wahanol oedrannau.

Rydym yn falch o fod yn Arweinydd Anabledd Hyderus ac rydym yn gwarantu cyfweld ag unrhyw un ag anabledd os yw eu cais yn cwrdd â'r meini prawf hanfodol ar gyfer y swydd, a'u hystyried ar eu galluoedd. Gallwn hefyd gynnig addasiadau rhesymol trwy gydol y broses recriwtio.

Noder gall fod gofyniad am gyfweliad neu asesiad ail gam.