Darlithydd - Diwydiant Trydanol CC/2328

Proffil Swydd
Disgrifiad Swydd a Manyleb Person

Coleg Cambria: Cyflwyniad
Yng Ngholeg Cambria, ein nod yw bod yn sefydliad addysg eithriadol. Ar ôl cael arolwg canmoliaethus gan Estyn yn ddiweddar, yn ogystal â Gwobr Platinwm y Safon Iechyd Corfforaethol yn y Gwaith, rydym yn teimlo bod hyn yn ddechrau da.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a’r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy’n ehangu ac yn gwella’n gyson, ac yn cynnig y cyfle i chi herio’ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i‘n campfeydd, ein salonau a’n bwytai hyfforddi proffesiynol.

Mae ein 5 safle, sydd wedi’u lleoli mewn ardal odidog yng Ngogledd Cymru, yn ehangu ac yn datblygu’n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi’r dechrau gorau i’n myfyrwyr i’w gyrfaoedd ac yn helpu’r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu’r gwerthoedd pwysig hynny trwy ymrwymo i hyrwyddo’r Gymraeg. Rydym yn falch iawn o’r hyn rydym wedi’i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.
Crynodeb o'r Swydd
Rhagori ar ddisgwyliadau drwy addysg, arloesedd ac ysbrydoliaeth…

Teitl y Swydd: Darlithydd - Diwydiant Trydanol

Lleoliad: Glannau Dyfrdwy

Math o Gontract: Llawn Amser/Tymor Sefydlog - 1 Flwyddyn

Cyflog: £28,751- £44,442 yn dibynnu ar brofiad ac asesiad cyflog

Rydym yn chwilio am Ddarlithydd mewn gosod trydan i ddarparu cyrsiau Diwydiant Trydanol masnachol i fusnesau allanol, sefydliadau, cwsmeriaid, a dysgwyr ar draws amrywiaeth o gefndiroedd a lefelau sgiliau.

Er mwyn cael eich ystyried ar gyfer y swydd hon, mae'n rhaid i chi fod â phrofiad blaenorol a chymhwysedd ym maes gosod trydan a meddu ar lefel 3 o leiaf.

Fel darlithydd yng Ngholeg Cambria, bydd gofyn i chi ddarparu dysgu ymarferol ac yn y dosbarth i'n myfyrwyr. Byddwch hefyd yn gyfrifol am gofrestru myfyrwyr ar gyrsiau priodol ac yn darparu cyfleoedd annog, mentora a dysgu yn ogystal â sicrhau diogelwch a lles ein myfyrwyr bob amser.

Bydd gofyn i chi weithio gyda sefydliadau allanol, a chysylltu â nhw ynglŷn â'u hanghenion hyfforddi, a chyflwyno hyfforddiant achrededig a heb ei achredu. Mae rhai enghreifftiau'n cynnwys -

· Cymhwyster Lefel 3 EAL Gweithiwr Profiadol Electrodechnegol

· Dyfarniad L3 C&G mewn Gofynion ar gyfer Gosod Trydan 18fed Argraffiad

· Dyfarniad L3 C&G L3 mewn Profi Cyfnodol, Archwilio ac Ardystio Gosodiadau Trydan

Gall cyflwyniad y cyrsiau fod yn gyfuniad o gyrsiau dydd, cyrsiau byr, neu gyrsiau hirach, ar draws amrywiaeth o ddyddiau, nosweithiau, a phenwythnosau, neu unrhyw gyfuniad o hyn, yn ogystal â darparu Dysgu yn y Gwaith 1-1.

Bydd oriau cyswllt o wythnos i wythnos yn amrywio yn dibynnu ar lwyth gwaith cyfredol a gyda'r nod o ddiwallu anghenion cyflogwyr.

Byddwch yn rhan o’r adran Adeiladu Dysgu yn y Gwaith, gan weithio'n agos gyda’r Rheolwr Dysgu yn y Gwaith a'u timau, a fydd yn eich helpu a'ch cefnogi yn eich rôl. Y rheolwr atebol ar gyfer y swydd fydd y Rheolwr Dysgu yn y Gwaith.

Gofynion Hanfodol

· Bod â chymhwyster Lefel 3 o leiaf neu gyfwerth mewn pwnc sy’n berthnasol yn broffesiynol

· Cymhwyster TAR neu fod yn barod i weithio tuag ato

· Sgiliau cyfathrebu ysgrifenedig a llafar rhagorol

· Bod yn hunanysgogol a threfnus a gallu gweithio’n annibynnol gan ddefnyddio eich menter eich hun

· Rhaid i ymgeiswyr fod â thrwydded yrru ddilys a gallu trefnu eu cludiant eu hunain.

· Meddu ar neu fod yn gweithio tuag at ddyfarniad Dilysydd

· Meddu ar neu fod yn gweithio tuag at ddyfarniad Asesydd

Mae Coleg Cambria wedi ymrwymo i hyrwyddo proffil y Gymraeg.

Mae hyrwyddo’r Gymraeg yn rhan hanfodol o’n gwaith. Mae croeso i ymgeiswyr gyflwyno cais yn Gymraeg. Nid ydym yn trin cais a gyflwynwyd yn Gymraeg yn llai ffafriol na chais a chyflwynwyd yn Saesneg.

Mae Coleg Cambria yn gyflogwr ‘Hyderus o ran Anableddau’.

Mae hyrwyddo Cydraddoldeb ac Amrywiaeth yn rhan hanfodol o’n gwaith, ac mae’r coleg wedi ymrwymo i gael grwp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn ‘agored i niwed’ yn hollbwysig ac mae Coleg Cambria wedi ymrwymo’n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau’r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Byddai gofyn i chi hefyd gofrestru gyda’r Cyngor Gweithlu Addysg fel Athro Addysg Bellach.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw’r hawl i gau’r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.
Buddion
Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda’r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai