Pennaeth - Ysgol Morfa Rhianedd

Cyflog: Grŵp 2 L9 - L15 £66,421- £ 76,988 y flwyddyn

Ysgol Morfa Rhianedd
Ffordd Cwm, Llandudno LL30 1EG
Pennaeth mewn gofal: Miss Ffion Owen
Ffôn: 01492 577150
ebost: pennaeth@mrhianedd.conwy.sch.uk
Nifer ar y gofrestr: 134 + 29 meithrin

Yn eisiau erbyn Ebrill 2027 neu cyn gynted â phosib

PENNAETH

Cyflog: Grŵp 2 L9 - L15 £66,421- £ 76,988 y flwyddyn

Mae'r Llywodraethwyr am benodi pennaeth rhagorol, arloesol ac ymroddedig sy'n rhoi'r plentyn yn gyntaf. Mae angen arweinydd gyda dychymyg a gweledigaeth i barhau i ddatblygu'r ysgol uchel ei pharch hon. Gwahoddir ceisiadau gan benaethiaid presennol neu ymgeiswyr gyda'r cymhwyster CPCP.

Byddai'r Llywodraethwyr yn croesawu ceisiadau gan ymgeiswyr sydd â'r canlynol:
• gweledigaeth glir am ragoriaeth addysgol ac yn angerddol ynglŷn â gwella cyflawniadau disgyblion
• sgiliau cadarn o ran arwain, trefnu a chyfathrebu
• yn medru gweithio'n llwyddiannus mewn partneriaeth â'r plant, staff, llywodraethwyr, rhieni a'r gymuned
• disgwylir i'r ymgeisydd llwyddiannus fod ag ymroddiad cadarn a brwdfrydig tuag at yr iaith Gymraeg a'i diwylliant, gan ystyried hanes, naws ac ethos yr ysgol.

Mae'r gallu i gyfathrebu trwy gyfrwng y Gymraeg a'r Saesneg yn hanfodol ar gyfer y swydd yma.

Oherwydd natur y swydd byddwn yn gofyn am ddatgeliad gan y Gwasanaeth Datgelu a Gwahardd ar gyfer yr ymgeisydd llwyddiannus. Mae'n ofynnol bod yr ymgeisydd llwyddiannus yn cofrestru gyda'r Cyngor Gweithlu Addysg cyn cychwyn gweithio yn y swydd hon

Am ragor o fanylion ynglŷn â'r swydd cysylltwch gyda John Paul Jones yn yr awdurdod (01492) 574604

Dyddiad cau: Hanner nos, dydd Llun, Tachwedd 16eg 2026

Rhagwelir cynnal cyfweliadau yn yr wythnos yn cychwyn wythnos gyntaf Rhagfyr 2027

Rydym wedi ymrwymo i ddiogelu. Bydd cymwysterau a geirdaon yn cael eu dilysu. Rydym wedi ymrwymo i'n Safonau'r Gymraeg. Croesawir ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Wrth fynd ati i hyrwyddo Cyfle Cyfartal, rydym yn croesawu ymgeiswyr o bob rhan o'r gymuned. Bydd pob ymgeisydd anabl sy'n diwallu gofynion hanfodol y swydd yn cael cyfweliad. Byddwn yn darparu cyfleusterau gwaith addas ychwanegol ar gyfer ymgeiswyr gydag anabledd. Gall pobl anabl ddewis gwneud cais mewn gwahanol fformatau.

This form is also available in English