Aseswr Dysgu yn y Gweithle - Trydanol, Cytundeb cyfnod penodol hyd at Rhagfyr 2029

Cyflog: £29,878 - £32,423 y flwyddyn, yn ddibynnol ar gymwysterau a phrofiad

Yn atebol i'r Rheolwr Maes Rhaglen Adeiladwaith. Gweithio fel aelod o'r tîm adeiladwaith i gefnogi ac asesu gwaith ymarferol a phortffolio dysgwyr trydanol er mwyn iddynt ennill eu cymhwyster Lefel 3.

Mae'r swydd yn golygu gweithio gyda dysgwyr yn bennaf yn y gweithle gan sicrhau bod yr hyfforddiant a'r asesu o'r safon uchaf yn gyson. Mae'r swydd yn golygu teithio i wahanol weithleoedd i gyfarfod gyda dysgwyr/cyflogwyr. Rôl aseswr yw arsylwi ar brentisiaid yn cyflawni ystod o swyddi trydanol yn y gweithle a sicrhau bod y gwaith a wneir gan y prentis/gweithiwr yn cyfarfod gyda safonau diwydiannol/proffesiynol.

Bydd yna hefyd peth gwaith asesu o fewn y coleg yn dibynnu ar strwythur y rhaglen hyfforddi.

Drwy gytundeb gyda'r Rheolwr Maes Rhaglen gellir gofyn i'r Aseswr ddarparu hyfforddiant a chyfarwyddyd i grwpiau o ddysgwyr sy'n cyflawni gweithgareddau ymarferol yn ogystal ag asesu eu gwaith ymarferol a phortffolio.

Manylion Swydd
Cyfeirnod y Swydd
CM/080/26

Cyflog
£29,878 - £32,423 y flwyddyn, yn ddibynnol ar gymwysterau a phrofiad

Lleoliad Gwaith

• Llangefni

Hawl gwyliau

• 28 diwrnod y flwyddyn, yn codi i 32 diwrnod ar ôl pum mlynedd lawn o wasanaeth di-dor (01 Medi i 31 Awst).

• Yr holl wyliau cyhoeddus arferol, i'w pennu'n flynyddol.

• Hyd at 5 diwrnod effeithlonrwydd / diwrnod y trefnwyd i'r safle fod ar gau bob blwyddyn, i'w pennu'n flynyddol.

Patrwm gweithio
37 awr yr wythnos

Hawliau Pensiwn
Cynllun Pensiwn Llywodraeth Leol

Math o gytundeb
Llawn Amser Cyfnod Penodol

Dyddiad cau
20 Tach 2026
12:00 YH(Ganol dydd)