Athro Darpariaeth Adnoddau Arbenigol - Ysgol Heulfan

Cyflog: MPR/UPR

Ynglŷn â'r Rôl
Mae Ysgol Heulfan yn Ysgol Gynradd fawr, gynhwysol sy'n darparu ar gyfer disgyblion 3-11 oed. Mae gennym ethos cryf o weithio gyda'n gilydd i fod y gorau y gallwn fod ac mae twf personol a lles wrth ein gwraidd.

Mae Y Canol yn Ddarpariaeth Adnoddau arbenigol iawn yng nghanol Ysgol Heulfan ac mae'n darparu ar gyfer disgyblion oedran Cynradd sydd ag Anawsterau Dysgu Difrifol, Anawsterau Dysgu Dwys a Lluosog ac Anhwylder Sbectrwm Awtistiaeth.

Mae'r Corff Llywodraethu yn ceisio recriwtio athro rhagorol a phrofiadol i weithio yn Y Canol ac ymuno â'n tîm creadigol ac ysbrydoledig. Mae Ysgol Heulfan wedi ymrwymo i ymarfer cynhwysol ac mae'r swydd hon yn cynnig cyfle i'r ymgeisydd llwyddiannus ddatblygu arfer arloesol mewn addysgu a dysgu ym maes Anghenion Dysgu Ychwanegol.

Bydd yr ymgeisydd llwyddiannus yn darparu addysgu a dysgu personol o ansawdd uchel i'n disgyblion sydd ag ystod o anghenion dysgu ychwanegol trwy gwricwlwm wedi'i wahaniaethu. Gan weithio'n agos gyda thîm o gynorthwywyr addysgu, asiantaethau allanol, cydweithwyr prif ffrwd a rhieni, byddant yn darparu cymorth wedi'i deilwra sy'n galluogi disgyblion i gael mynediad at ddysgu, datblygu eu sgiliau a chyrraedd eu potensial llawn.

Bydd y rôl yn cynnwys monitro ac asesu cynnydd disgyblion unigol, cydlynu Cynlluniau Datblygu Unigol ac Adolygiadau Blynyddol, rheoli ymddygiad a chael disgwyliadau uchel ar gyfer pob dysgwr.

Mae Y Canol yn darparu amgylchedd meithringar, cynhwysol a chefnogol lle mae disgyblion yn cael eu gwerthfawrogi fel unigolion ac mae dysgu yn cael ei addasu i ddiwallu eu hanghenion penodol. Rydym yn chwilio am rywun sydd wedi ymrwymo i greu profiadau dysgu cadarnhaol, meithrin perthnasoedd cryf ac ymddiriedol gyda disgyblion a'u teuluoedd, a hyrwyddo ethos o gynhwysiant ym mhob rhan o'r ysgol.

Mae'r swydd hon yn cynnig cyfle unigryw i wneud gwahaniaeth gwirioneddol i fywydau plant a theuluoedd wrth ymuno â thîm ymroddedig a blaengar Heulfan.

Yn ein tro, gallwn ninnau gynnig:
• Tîm cefnogol, croesawgar a chynhwysol lle mae eich cyfraniad yn cael ei werthfawrogi.
• Cyfle i weithio mewn darpariaeth adnoddau arbenigol sy'n cefnogi disgyblion sydd ag anghenion dysgu ychwanegol a chymhleth.
• Datblygiad proffesiynol parhaus, hyfforddiant a chyfleoedd i ddatblygu eich sgiliau a'ch profiad.
• Gweithle sy'n gwerthfawrogi cydweithredu, creadigrwydd, amynedd ac ymrwymiad i addysg gynhwysol.
• Ysgol flaengar sy'n ymrwymedig i welliant parhaus ac arloesi.
• Y cyfle i ddathlu cerrig milltir ystyrlon a gweld yn uniongyrchol y gwahaniaeth y mae eich cymorth yn ei wneud i fywydau disgyblion.
• Y cyfle i helpu disgyblion i ddatblygu sgiliau bywyd, rheoleiddio emosiynol, cyfathrebu a rhywfaint o annibyniaeth.
• Y cyfle i helpu i lunio profiadau dysgu cadarnhaol a chreu amgylchedd lle mae pob disgybl yn teimlo'n ddiogel, yn cael ei ddeall acyn gallu ffynnu.
• Rôl werth chweil lle nad oes unrhyw ddau ddiwrnod yr un fath a lle mae pob cyflawniad, mawr neu fach, yn cael ei ddathlu.

Os hoffech ymweld â'r ysgol neu gael trafodaeth anffurfiol cyn gwneud cais, cysylltwch â Kathy Jones (Pennaeth Cynorthwyol) ar 01978722050.

Mae angen gwiriad manwl gan y Gwasanaeth Datgelu a Gwahardd a chofrestriad Cyngor y Gweithlu Addysg ar gyfer y swydd hon.

Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.
Amdanom Ni
Amdanom ni - Cyngor Bwrdeistref Sirol Wrecsam

Mae Cyngor Bwrdeistref Sirol Wrecsam yn gweinyddu gwasanaethau amrywiol sy'n helpu i wella bywydau trigolion Wrecsam a'r cymunedau o'n cwmpas. Rydym yn ymrwymedig i ddarparu gwasanaethau o safon uchel drwy gydweithredu gyda phartneriaid lleol a chenedlaethol. Gyda phwyslais ar ddatblygiad cynaliadwy, lles y gymuned a chyfleoedd cyfartal i bawb, mae Wrecsam yn lle gwych i weithio, byw a dysgu.

Yn y Cyngor, rydym yn gwerthfawrogi amrywiaeth, cefnogi twf personol a phroffesiynol, ac yn darparu amgylchedd gwaith hyblyg a chefnogol. Ymunwch â ni i wneud gwahaniaeth gwirioneddol i fywydau pobl Wrecsam a thros y rhanbarth ehangach.

About Us - Wrexham County Borough Council

Wrexham County Borough Council delivers a wide range of services aimed at improving the lives of Wrexham residents and surrounding communities. We are committed to providing high-quality services through collaboration with local and national partners. With a focus on sustainable development, community wellbeing, and equal opportunities for all, Wrexham is a fantastic place to work, live, and learn.

At the Council, we value diversity, support personal and professional growth, and offer a flexible and supportive working environment. Join us to make a real difference in the lives of people in Wrexham and the wider region.