Seicolegydd Addysg Cynorthwyol Dros Dro

Cyflog: Graddfa Gyflog Soulbury 2 - 5 £38,607 - £43,115

Proffil swydd
Mae gofynion y swydd wedi'u nodi isod. Mae cymwysterau, sgiliau a phrofiad hanfodol wedi'u rhestru yn y Disgrifiad Swydd/Manyleb y Person. Mae'r rhain i'w gweld yn yr adran atodiadau isod.
Manylion y swydd

Manylion y swydd

Cyfeirnod swydd REQ002702 Dyddiad postio 02/10/2026 Dyddiad cau ceisiadau 16/10/2026 Cyflog Graddfa Gyflog Soulbury 2 - 5 £38,607 - £43,115 Oriau gwaith 37 Ar sail Amser Llawn Categori/math o swydd Addysg - Heb fod yn Addysgu Atodiadau Ffeil Temporary Assistant Educational Psychologist.pdf Seicolegydd Addysg Cynorthwyol Dros Dro.pdf

Seicolegydd Addysg Cynorthwyol Dros Dro

Disgrifiad Swydd
ADDYSG A DYSGU GYDOL OES RHONDDA CYNON TAF

GWASANAETH MYNEDIAD A CHYNHWYSIANT

Seicolegydd Addysg Cynorthwyol 1.0 - 3 swydd

(Dros dro o Dachwedd 2026 tan Awst 2027)

Graddfa Soulbury i Seicolegwyr Addysg Cynorthwyol 2-5

Mae Gwasanaeth Mynediad a Chynhwysiant Rhondda Cynon Taf eisiau penodi Seicolegydd Addysg Cynorthwyol llawn amser i weithio ochr yn ochr â Seicolegydd Addysg cymwys i gefnogi dysgu, datblygiad a lles emosiynol plant a phobl ifainc (0-25).

Bydd gyda chi gyfle i weithio ar y cyd ag ystod o weithwyr proffesiynol i ddatblygu strategaethau fydd yn gwella ansawdd bywydau, dysgu a lles plant, pobl ifainc a theuluoedd. Bydd y swydd, o bosibl, yn cynnwys gwaith prosiect, ymchwil sy'n seiliedig ar weithredu, hyfforddiant, yn ogystal â gwaith uniongyrchol gydag ysgolion.

Bydd Gwasanaeth Seicoleg Addysg Rhondda Cynon Taf yn darparu goruchwyliaeth unigol a grŵp reolaidd, yn ogystal ag amrywiaeth o gyfleoedd DPP.

Dyma swydd dros dro hyd at fis Awst 2027. Bydd y swyddi ar gael o fis Tachwedd 2026.

Mae modd cael sgwrs anffurfiol gyda Dr Rob Kempson, Pennaeth y Gwasanaeth Seicoleg Addysg ar (01443) 744333.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Yn rhan o amcanion hirdymor y Cyngor mewn perthynas â'r Gymraeg a'i Strategaeth Cynllunio'r Gweithlu, mae wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, fe'ch gwahoddir i gyfweliad os byddwch chi'n dewis cymryd rhan yn y cynllun.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro hwn. Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i'r sawl sy'n penodi sicrhau bod ymgeiswyr sydd wedi datgan eu bod nhw'n aelodau o'r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy'n cwrdd â'r meini prawf hanfodol yn y fanyleb person, yn cael cynnig cyfweliad.

Unigolion â Phrofiad o fod mewn Gofal - Cynllun Gwarantu Cyfweliad

Yn rhan o rôl rhianta corfforaethol y Cyngor, mae wedi ymrwymo i gefnogi unigolion â phrofiad o fod mewn gofal. Dyma unigolion sydd wedi treulio amser yn y system ofal ar unrhyw adeg yn ystod eu bywyd. Rydyn ni'n annog ceisiadau gan unigolion â phrofiad o fod mewn gofal i'w galluogi nhw i gael mynediad at gyflogaeth, addysg, profiadau a chyfleoedd gwirfoddoli.

Bydd y Cyngor yn gwarantu cyfweliad ar gyfer unigolion â phrofiad o fod mewn gofal sy'n dymuno cymryd rhan yn y cynllun ac sy'n bodloni meini prawf hanfodol y swydd.