Ymgynghorydd Cysylltiol Cefnogi Addysg

Cyflog: £58,400 - £61,271

Ynglŷn â'r swydd wag

Cyfeirnod y Swydd Wag: 3723

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Parhaol Amser Llawn

Lleoliad:

Sir Gaerfyrddin

Gradd:

Ymgynghorwyr Cymorth Addysg Cyswllt (13-15)

Cyflog:

£58,400 - £61,271

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£30.27 - £31.76

Oriau Contract:

37 awr

Soulbury SPA Points:

Dewch i ymuno â'n tîm

Ymgynghorydd Cysylltiol Cefnogi Addysg (Llythrennedd - Cymraeg)

Parhaol

Gradd Soulbury - 13-15 + pwyntiau SPA

I ddechrau ym mis Hydref 2026 neu cyn gynted â phosibl wedi hynny.

Rydym am benodi ymarferydd rhagorol ac ysbrydoledig sydd â phrofiad arweinyddiaeth cryf mewn Iaith, Llythrennedd a Chyfathrebu (Cymraeg) i ymuno â'n Tîm Gwella Ysgolion fel Ymgynghorydd Cysylltiol Cefnogi Addysg.

Mae hwn yn gyfle gwych i ymarferydd hynod effeithiol ymestyn ei d/ddylanwad y tu hwnt i'w ysgol ei hun a chyfrannu at welliant system-gyfan mewn canlyniadau llythrennedd, yn enwedig darllen, ysgrifennu a llafaredd, ar draws ein hysgolion.

Dros y ddwy flynedd nesaf, bydd ffocws strategol penodol ar wella darllen ar draws yr Awdurdod Lleol, a bydd yr ymgeisydd llwyddiannus yn chwarae rhan allweddol wrth yrru'r flaenoriaeth hon ymlaen.

Gan weithio fel rhan o Dîm Gwella Ysgolion yr Awdurdod Lleol, byddwch yn cefnogi darparu addysg deg o ansawdd uchel yn unol â Chwricwlwm i Gymru, gan gydweithio ag arweinwyr ysgolion i gryfhau addysgu, dysgu, arweinyddiaeth a chanlyniadau dysgwyr.

Cyfrifoldebau Allweddol

• Arweinyddiaeth Llythrennedd (Cymraeg) Arwain a chefnogi gwelliant Iaith, Llythrennedd a Chyfathrebu (Cymraeg), gyda ffocws penodol ar godi safonau mewn darllen, ochr yn ochr ag ysgrifennu a llafaredd.
• Gwella Ysgolion ar y Cyd Gweithio ochr yn ochr â phenaethiaid ac uwch arweinwyr i gefnogi hunan werthuso, cynllunio gwelliant a chynnydd cynaliadwy mewn canlyniadau llythrennedd.
• Dysgu Proffesiynol ac Adeiladu Gallu Dylunio, hwyluso a modelu dysgu proffesiynol o ansawdd uchel, yn enwedig mewn addysgeg darllen, asesu ac ymyrraeth.
• Cwricwlwm i Gymru Darparu canllawiau arbenigol i gefnogi dylunio a chyflwyno darpariaeth llythrennedd gydlynol a blaengar sy'n cyd-fynd â Chwricwlwm i Gymru.
• Addysgu a Dysgu Gweithio'n uniongyrchol gydag ymarferwyr trwy hyfforddi, modelu a chefnogaeth yn y dosbarth i wella ansawdd addysgu ac ymgysylltiad dysgwyr.
• Arweinyddiaeth System Cyfrannu at flaenoriaethau'r Awdurdod Lleol, gan weithio ar y cyd ar draws ysgolion, clystyrau a phartneriaid i sicrhau aliniad ac effaith.

Pwy Rydym yn Chwilio Amdano

• Ymarferydd ystafell ddosbarth ac arweinydd hynod effeithiol mewn Iaith, Llythrennedd a Chyfathrebu (Cymraeg), gydag effaith amlwg ar ganlyniadau dysgwyr.
• Hanes profedig o arwain gwelliant ysgolion, yn enwedig wrth godi safonau mewn llythrennedd.
• Dealltwriaeth gref o Gwricwlwm i Gymru, asesu a dilyniant.
• Profiad o arwain dysgu proffesiynol, hyfforddi neu gefnogi gwelliant y tu hwnt i'ch ystafell ddosbarth eich hun.
• Cyfathrebwr medrus gyda'r gallu i ddylanwadu, herio a chefnogi arweinwyr ac ymarferwyr ysgolion.
• Ymrwymiad cryf i degwch, cynhwysiant a gwella canlyniadau i bob dysgwr.
• Y gallu i gyfathrebu'n effeithiol yn y Gymraeg a'r Saesneg er mwyn cefnogi ysgolion a rhanddeiliaid ar draws yr Awdurdod Lleol.

Am drafodaeth anffurfiol, cysylltwch â:

Craig Davies

Arweinydd Gwella Ysgolion

07584 003550

cradavies@carmarthenshire.gov.uk

Dyddiad cau: 16/09/2026

Llunio rhestr fer: 17/09/2026

Cyfweliadau: 25/09/2026

Disgrifiad Swydd:

Job Profile - Associate ESA - 015106.pdf - 206KB ~~EFORM_FILE_NEW_WINDOW~~

Dyddiad disgwyliedig y cyfweliad:

25 Medi 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 16/09/2026, 12:00

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.