Athro/Athrawes - Cyfnod Mamolaeth

Cyflog: MPR/UPR

Ynglŷn â'r Rôl
Mae Corff Llywodraethol Ysgol Barker's Lane yn dymuno penodi athro/athrawes ddosbarth cynradd rhagorol i addysgu dosbarth Blwyddyn 1/2 yn ystod cyfnod mamolaeth.

Mae'r swydd yn llawn amser ar gontract cyfnod penodol o 1 Rhagfyr 2026 hyd at 31 Mai 2027 yn y lle cyntaf. Nid oes hawl i wyliau yn ystod y tymor.

Mae Barker's Lane yn gymuned ysgol ofalgar sydd yn cyflawni safonau uchel o ran dysgu'r disgyblion ac yn hyrwyddo ymdeimlad cryf o les.

Bydd yr ymgeisydd llwyddiannus yn gweithio ochr yn ochr â thîm ymroddedig o staff ac yn:

Hyrwyddo dyheadau uchel a meithrin penderfyniad cryf i lwyddo ymhlith pob plentyn.

Dangos arloesedd, hyblygrwydd a lefelau uchel o gymhelliant, gan ysbrydoli disgyblion ar draws yr ysgol.

Cyfathrebu'n effeithiol, dangos mentergarwch a'r gallu i weithio'n gydweithredol fel rhan o dîm.

Cynnal gwybodaeth gyfredol am addysgeg, diwygio ADY, a datblygiadau'r cwricwlwm yng Nghymru.

Dangos ymrwymiad cryf i ddatblygu sgiliau Cymraeg disgyblion yn ogystal â'u sgiliau eu hunain.

Darparu cwricwlwm cyfoethog, dilys ac wedi'i arwain gan y dysgwr sy'n datblygu llythrennedd, rhifedd a chymhwysedd digidol.

Creu amgylchedd dysgu effeithiol sy'n annog creadigrwydd, datrys problemau ac annibyniaeth.

Cyfrannu at ddiwylliant cefnogol a chynhwysol sy'n hyrwyddo cydraddoldeb, parch a lles cadarnhaol.

Rhannu sgiliau ac arbenigedd i wella a datblygu ystod eang o weithgareddau allgyrsiol.

Mae sgiliau / diddordeb brwd mewn datblygu cerddoriaeth yn ddymunol ond nid yn hanfodol.

Mae'r Cyngor yn croesawu ceisiadau gan ymgeiswyr cymwys beth bynnag fo'u hil, rhywedd, anabledd, rhywioldeb, cred grefyddol neu oedran.

Mae'r Cyngor wedi ymrwymo i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg.

Mae angen gwiriad manwl gan y Gwasanaeth Datgelu a Gwahardd a chofrestriad Cyngor y Gweithlu Addysg ar gyfer y swydd hon.
Amdanom Ni
Amdanom ni - Cyngor Bwrdeistref Sirol Wrecsam

Mae Cyngor Bwrdeistref Sirol Wrecsam yn gweinyddu gwasanaethau amrywiol sy'n helpu i wella bywydau trigolion Wrecsam a'r cymunedau o'n cwmpas. Rydym yn ymrwymedig i ddarparu gwasanaethau o safon uchel drwy gydweithredu gyda phartneriaid lleol a chenedlaethol. Gyda phwyslais ar ddatblygiad cynaliadwy, lles y gymuned a chyfleoedd cyfartal i bawb, mae Wrecsam yn lle gwych i weithio, byw a dysgu.

Yn y Cyngor, rydym yn gwerthfawrogi amrywiaeth, cefnogi twf personol a phroffesiynol, ac yn darparu amgylchedd gwaith hyblyg a chefnogol. Ymunwch â ni i wneud gwahaniaeth gwirioneddol i fywydau pobl Wrecsam a thros y rhanbarth ehangach.

About Us - Wrexham County Borough Council

Wrexham County Borough Council delivers a wide range of services aimed at improving the lives of Wrexham residents and surrounding communities. We are committed to providing high-quality services through collaboration with local and national partners. With a focus on sustainable development, community wellbeing, and equal opportunities for all, Wrexham is a fantastic place to work, live, and learn.

At the Council, we value diversity, support personal and professional growth, and offer a flexible and supportive working environment. Join us to make a real difference in the lives of people in Wrexham and the wider region.