Cymhorthydd Cynhwysiant Lefel 4 - Ysgol Brynrefail

Cyflog: Gweler Hysbyseb Swydd

Manylion
Hysbyseb Swydd

ADDYSG

YSGOLION UWCHRADD

YSGOL BRYNREFAIL, LLANRUG

(Gyfun 11 - 18 oed, 742 o ddisgyblion)

Yn eisiau: Medi 1af, 2026

Cymhorthydd Cynhwysiant (Lefel 4)

Cytundeb Parhaol

Oriau gwaith: 37 awr yr wythnos.

Cytundeb 39 wythnos, tymor Ysgol a dyddiau Hyfforddiant yn Unig

Mae Llywodraethwyr yr ysgol yn awyddus i benodi person brwdfrydig ac egnïol ar gyfer y swydd uchod sydd yn meddu ar y cymwysterau priodol a'r sgiliau addas. Gweler y swydd ddisgrifiad yn y pecyn hysbysebu am ragor o fanylion.

Graddfa Gyflog: Telir cyflog yn unol ag Amodau Gwaith ar gyfer Gweithwyr Llywodraeth Leol, Graddfa S1 pwyntiau 12-17 (sef £24,840 - £27,436) y flwyddyn, yn ôl profiad a chymhwyster.

Mae'r gallu i gyfathrebu'n effeithiol trwy gyfrwng y Gymraeg a'r Saesneg yn hanfodol ar gyfer y swydd yma. Mae'r ysgol yn gweithredu'n unol a'i Bolisi Iaith. Bydd angen i'r ymgeisydd gyrraedd y lefel ieithyddol sy'n cael ei nodi yn y Manylion Person.

Gwahoddir unrhyw un sydd â diddordeb neu sydd angen mwy o wybodaeth i gysylltu i drafod yn anffurfiol hefo'r Pennaeth Mr Dylan Jones, Rhif ffôn: 01286 672381

Gellir cyflwyno cais am y swydd yma ar-lein ar wefan Cyngor Gwynedd neu i'w cyflwyno i'r Rheolwr Busnes a Chyllid, Mrs Angharad Parry Davies, Ysgol Brynrefail, Ffordd Crawia, Llanrug, Caernarfon, Gwynedd, LL55 4AD. Rhif ffôn: 01286 672381; e-bost : sg@brynrefail.ysgoliongwynedd.cymru Os dymunir dychwelyd y cais drwy'r post, dylid ei ddychwelyd i'r cyfeiriad uchod erbyn y dyddiad cau.

DYDDIAD CAU: 9 Y BORE, DYDD MERCHER, 8fed O ORFFENNAF 2026.

Bydd y Cyngor yn gofyn am ddadleniad gan y Gwasanaeth Datgelu a Gwahardd a chadarnhad o gofrestriad gyda'r Cyngor Gweithlu Addysg ar gyfer yr ymgeisydd llwyddiannus cyn y gallent gychwyn yn y swydd yma.

Mae'r awdurdod hwn wedi ymrwymo i ddiogelu a hyrwyddo lles plant a phobl ifanc ac mae'n disgwyl y bydd pob un o'i staff a'i wirfoddolwr yn rhannu'r ymrwymiad hwn.

Manylion Person

Profiad

• Profiad o weithio gyda phlant o'r oedran briodol.

• Profiad o weithio gyda disgyblion gydag anghenion ychwanegol.

Cymwysterau

• Sgiliau rhif/llythrennedd ardderchog - cyfwerth ag NVQ Lefel 2 mewn Cymraeg, Saesneg a Mathemateg.

• Cyfarfod â safonau Cymhorthydd Addysgu Lefel Uwch neu gymhwyster neu brofiad cyfwerth.

Gwybodaeth/Sgiliau

• Gwybodaeth weithio lawn o bolisïau/côd ymarfer/deddfwriaeth berthnasol.

• Gwybodaeth weithio o'r Cwricwlwm Cenedlaethol a rhaglenni dysgu perthnasol eraill.

• Deall egwyddorion datblygiad plentyn a'r broses ddysgu ac, yn arbennig, rwystrau i ddysgu.

• Y gallu i gynllunio gweithredu effeithlon ar gyfer disgyblion sydd mewn perygl o dangyflawni.

• Deall ystod y gwasanaethau/darparwyr cynhaliaeth.

• Y gallu i hunanwerthuso anghenion dysgu a cheisio cyfleoedd dysgu.

• Y gallu i berthnasu'n dda â phlant ac oedolion.

• Gweithio'n adeiladol ac yn hyblyg fel rhan o dim, gan ddeall swyddogaethau a chyfrifoldebau dosbarth a'ch sefyllfa chi eich hun o fewn y rheini.

Swydd Ddisgrifiad

PWRPAS SWYDD

O dan gyfundrefn gytunedig o oruchwyliaeth, cymryd rhan arweiniol o fewn yr ysgol mewn ymateb i anghenion disgyblion sydd angen cymorth arbennig i oresgyn rhwystrau i ddysgu.

PRIF DDYLETSWYDDAU

Cefnogaeth i Ddisgyblion

• Cymryd rhan arweiniol mewn rheoli a chyflwyno cefnogaeth fugeiliol i ddisgyblion.

• Rheoli goruchwyliaeth disgyblion a eithrir o amserlen arferol, neu nad ydynt fel arall yn gweithio i amserlen arferol.

• Rhoi sylw i anghenion personol disgyblion a darparu cyngor i gynorthwyo yn eu datblygiad cymdeithasol

• Ymgymryd ag asesiadau cyfansawdd o'r disgyblion i benderfynu ar y rhai sydd angen cymorth arbennig.

• Cynorthwyo'r athro/athrawes gyda datblygu a gweithredu Cynlluniau Addysg Unigol/Ymddygiad/Cynnal/Mentora.

• Cymryd rhan arweiniol mewn darparu cefnogaeth i ddisgyblion gydag anghenion arbennig a trefnu a darparu sesiynau llythrennedd a rhifedd.

• Sefydlu perthynas weithio gynhyrchiol gyda disgyblion gan weithredu fel model rôl.

• Trefnu a datblygu trefniadau mentora un i un gyda disgyblion a darparu cefnogaeth i ddisgyblion gofidus.

• Cymryd rhan arweiniol mewn rheoli trosglwyddo disgyblion yn gyflym/effeithlon drwy gyfnodau ac i integreiddio'r rhai sydd wedi bod yn absennol.

• Darparu gwybodaeth a chyngor i alluogi disgyblion i wneud dewisiadau am eu dysgu/ymddygiad/presenoldeb.

• Herio a chymell disgyblion, hybu ac atgyfnerthu hunan-barch.

• Darparu adborth i ddisgyblion mewn perthynas â chynnydd, cyflawniad, ymddygiad, presenoldeb ayyb.

Cefnogaeth i Athrawon

• Rheoli cyswllt gydag ysgolion y dalgylch a chyrff perthnasol eraill i gasglu gwybodaeth am ddisgyblion.

• Cefnogi mynediad y disgyblion i ddysgu yn defnyddio strategaethau, adnoddau ayyb priodol.

• Gweithio gyda staff eraill mewn cynllunio, gwerthuso ac addasu gweithgareddau dysgu fel y bo'n briodol.

• Monitro a gwerthuso ymateb a chynnydd disgyblion yn erbyn cynlluniau gweithredu drwy arsylwi a chofnodi cynlluniedig.

• Darparu adborth ac adroddiadau gwrthrychol a chywir i staff eraill ar gyflawniad, cynnydd a materion eraill disgyblion fel bo angen, gan sicrhau fod tystiolaeth briodol.

• Rheoli cyfundrefnau a phrosesau cadw cofnodion.

• Cymryd rhan arweiniol mewn datblygu a gweithredu strategaethau rheoli ymddygiad priodol.

• Sefydlu perthynas adeiladol gyda rhieni/gofalwyr gan gyfnewid gwybodaeth, denu eu cefnogaeth i bresenoldeb, mynediad a dysgu eu plentyn a chefnogi cysylltiadau cartref ysgol a chymunedol.

• Cymryd rhan arweiniol mewn datblygu, gweithredu a monitro cyfundrefnau perthynol i bresenoldeb ac integreiddio e.e. cofrestru, triwantiaeth, cyfundrefnau bugeiliol ayyb.

• Cefnogaeth weinyddol e.e. ymdrin â gohebiaeth, casglu/dadansoddi/adrodd ar bresenoldeb, gwaharddiadau ayyb, gwneud galwadau ffon ayyb.

Cefnogaeth i'r Cwricwlwm

• Gweithredu gweithgareddau dysgu/rhaglenni addysgu cytun, gan addasu gweithgareddau yn ôl ymateb anghenion y disgybl.

• Ceisio gwybodaeth mewn perthynas â'r ystod o weithgareddau, cyrsiau, sefydliadau ac unigolyn, a defnyddio'r gweithgareddau er mwyn darparu cefnogaeth i'r disgyblion i ehangu a chyfoethogi eu dysgu.

• Penderfynu'r angen am offer, cynlluniau ac adnoddau arbenigol, eu paratoi a'u defnyddio i gefnogi disgyblion.

Cefnogaeth i'r Ysgol

• Cydymffurfio a chynorthwyo gyda datblygu polisïau a gweithdrefnau perthynol i amddiffyn plant, iechyd, diogelwch a diogeledd, cyfrinachedd ac amddiffyn data, gan adrodd am bob pryder i'r person priodol.

• Bod yn ymwybodol o wahaniaethau a'u cefnogi a sicrhau bod gan bob disgybl fynediad cyfartal i gyfleoedd dysgu a datblygu.

• Mynychu cyfarfodydd rheolaidd a chymryd rhan ynddynt.

• Cyfrannu at ethos/gwaith/amcanion cyffredinol yr ysgol.

• Adnabod hunan gryfderau a meysydd arbenigedd a defnyddio'r rhain i gynghori a chefnogi eraill.

• Bod yn gyfrifol am ddarparu gweithgareddau dysgu y tu allan i'r ysgol o fewn canllawiau a sefydlwyd gan yr ysgol.

• Cyfrannu at adnabod a gweithredu gweithgareddau dysgu priodol y tu allan i'r ysgol sy'n cadarnhau ac ymestyn gwaith yr ysgol.

• Sefydlu perthynas adeiladol a chyfathrebu gydag asiantaethau/proffesiynolwyr eraill, mewn cysylltiad â'r athro, i gefnogi cyflawniad a chynnydd y disgyblion.

• Cymryd rhan mewn hyfforddiant a gweithgareddau dysgu eraill fel bo'r gofyn.

Cyfrifoldebau Rheoli Llinell Lle bo'n Briodol

• Arwain cymorthyddion addysgu eraill.

• Bod yn gyswllt rhwng y rheolwr/yr athrawon a'r cymorthyddion addysgu.

• Ymgymryd â ranwytho/gwerthuso/hyfforddi/mentora cymorthyddion addysgu eraill.

• Gyd-gynnal cyfarfodydd tîm rheolaidd gyda'r CADY a'r cymorthyddion eraill.

• Cynrychioli cymorthyddion addysgu mewn cyfarfodydd staff addysgu/rheoli/priodol arall.

• Ceisio ar lein - Sut?
  
• Rhestr Swyddi