Swyddog Cynhwysiad a Lles - Ysgol Brynfrefail

Cyflog: Gweler Hysbyseb Swydd

Manylion
Hysbyseb Swydd

ADDYSG

YSGOLION UWCHRADD

YSGOL BRYNREFAIL, LLANRUG

(Gyfun 11 - 18 oed, 742 o ddisgyblion)

Yn eisiau: Medi 1af, 2026

Swyddog Chynhwysiant a Lles

Cytundeb Parhaol

Oriau gwaith: 37 awr yr wythnos.

Cytundeb 39 wythnos, tymor Ysgol a dyddiau Hyfforddiant Mewn Swydd yn Unig

Mae Llywodraethwyr yr ysgol yn awyddus i benodi person brwdfrydig ac egnïol ar gyfer y swydd uchod sydd yn meddu ar y cymwysterau priodol a'r sgiliau addas. Gweler y swydd ddisgrifiad yn y pecyn hysbysebu am ragor o fanylion.

Graddfa Gyflog: Telir cyflog yn unol ag Amodau Gwaith ar gyfer Gweithwyr Llywodraeth Leol, Graddfa S1 pwyntiau 12-17 (sef £24,840 - £27,436) y flwyddyn, yn ôl profiad a chymhwyster.

Mae'r gallu i gyfathrebu'n effeithiol trwy gyfrwng y Gymraeg a'r Saesneg yn hanfodol ar gyfer y swydd yma. Mae'r ysgol yn gweithredu'n unol a'i Bolisi Iaith. Bydd angen i'r ymgeisydd gyrraedd y lefel ieithyddol sy'n cael ei nodi yn y Manylion Person.

Gwahoddir unrhyw un sydd â diddordeb neu sydd angen mwy o wybodaeth i gysylltu i drafod yn anffurfiol hefo'r Pennaeth Mr Dylan Jones, Rhif ffôn: 01286 672381

Gellir cyflwyno cais am y swydd yma ar-lein ar wefan Cyngor Gwynedd neu i'w cyflwyno i'r Rheolwr Busnes a Chyllid, Mrs Angharad Parry Davies, Ysgol Brynrefail, Ffordd Crawia, Llanrug, Caernarfon, Gwynedd, LL55 4AD. Rhif ffôn: 01286 672381; e-bost : sg@brynrefail.ysgoliongwynedd.cymru Os dymunir dychwelyd y cais drwy'r post, dylid ei ddychwelyd i'r cyfeiriad uchod erbyn y dyddiad cau.

DYDDIAD CAU: 9 Y BORE, DYDD MERCHER, 8fed O ORFFENNAF 2026.

Bydd y Cyngor yn gofyn am ddadleniad gan y Gwasanaeth Datgelu a Gwahardd a chadarnhad o gofrestriad gyda'r Cyngor Gweithlu Addysg ar gyfer yr ymgeisydd llwyddiannus cyn y gallent gychwyn yn y swydd yma.

Mae'r awdurdod hwn wedi ymrwymo i ddiogelu a hyrwyddo lles plant a phobl ifanc ac mae'n disgwyl y bydd pob un o'i staff a'i wirfoddolwr yn rhannu'r ymrwymiad hwn.

Manylion Person

Profiad

• Profiad o weithio gyda phlant o'r oedran briodol.

• Profiad o weithio gyda disgyblion gydag anghenion ychwanegol.

Cymwysterau

• Sgiliau rhif/llythrennedd ardderchog - cyfwerth ag NVQ Lefel 2 mewn Cymraeg, Saesneg a Mathemateg.

• Cyfarfod â safonau Cymhorthydd Addysgu Lefel Uwch neu gymhwyster neu brofiad cyfwerth.

Gwybodaeth/Sgiliau

• Gwybodaeth weithio lawn o bolisïau/côd ymarfer/deddfwriaeth berthnasol.

• Gwybodaeth weithio o'r Cwricwlwm Cenedlaethol a rhaglenni dysgu perthnasol eraill.

• Deall egwyddorion datblygiad plentyn a'r broses ddysgu ac, yn arbennig, rwystrau i ddysgu.

• Y gallu i gynllunio gweithredu effeithlon ar gyfer disgyblion sydd mewn perygl o dangyflawni.

• Deall ystod y gwasanaethau/darparwyr cynhaliaeth.

• Y gallu i hunanwerthuso anghenion dysgu a cheisio cyfleoedd dysgu.

• Y gallu i berthnasu'n dda â phlant ac oedolion.

• Gweithio'n adeiladol ac yn hyblyg fel rhan o dim, gan ddeall swyddogaethau a chyfrifoldebau dosbarth a'ch sefyllfa chi eich hun o fewn y rheini.

Swydd Ddisgrifiad

PWRPAS SWYDD

O dan gyfundrefn gytunedig o oruchwyliaeth, cymryd rhan arweiniol o fewn yr ysgol mewn ymateb i anghenion disgyblion sydd angen cymorth arbennig i oresgyn rhwystrau i ddysgu.

PRIF DDYLETSWYDDAU

Delio â materion ac ymwelwyr mewn modd sensitif, ffurfio rhan o'r tîm sy'n cydweithio o fewn swyddfa'r ysgol.

Cyfrannu at gynllunio, datblygu a threfnu systemau/gweithdrefnau/polisïau gwasanaeth cymorth;

Goruchwylio, hyfforddi a datblygu staff fel y bo'n briodol;

Yn gyfrifol am weinyddu'r polisïau a'r gweithdrefnau presenoldeb.

Cydweithio ag asiantaethau allanol, gan fod yn brif gyswllt ar gyfer swyddog lles yr Ysgol

Cydlynu cefnogaeth i blant a'u teuluoedd sydd â phresenoldeb isel, i gynnwys cydlynu'r cynllun cefnogi presenoldeb a chynlluniau bugeiliol.

Darparu cefnogaeth ac arweiniad i blant â phresenoldeb isel a materion bugeiliol eraill.

Darparu cymorth gweinyddol i'r tîm ADY a Chynhwysiant; e.e. gweinyddu a monitro gwaharddiadau, cymorth gweinyddol i CDU, mynychu cyfarfodydd yn ôl yr angen.

Arwain y broses weinyddol ar gyfer y seremonïau ffarwelio / diwedd cyfnod.

Rheoli systemau cofnodi gwybodaeth i gynnwys systemau fel Satchel One ond heb fod yn gyfyngedig i systemau fel Satchel One.

Monitro a adolygu defnydd o gyllid a bennir i'r maes cyfrifoldeb.

Dadansoddi a gwerthuso data/gwybodaeth a chynhyrchu adroddiadau/gwybodaeth/data, yn ôl yr angen;

Ymgymryd â theipio a phrosesu geiriau a thasgau TG cymhleth;

Darparu cymorth personol (gweinyddol a sefydliadol) i Staff eraill;

Darparu cymorth gweinyddol a sefydliadol i'r Corff Llywodraethu;

Ymgymryd â gweinyddu gweithdrefnau cymhleth;

Cyflenwi gwersi mewn achosion o brinder staff.

Gweithredu offer perthnasol / pecynnau TGCh cymhleth;

Darparu cyngor ac arweiniad i staff, disgyblion ac eraill ar faterion yn ymwneud a llesiant disgyblion.

Cynorthwyo gyda marchnata a hyrwyddo'r ysgol;

Cydymffurfio a chynorthwyo gyda datblygu polisïau a gweithdrefnau sy'n ymwneud ag Amddiffyn Plant, Iechyd a Diogelwch, Cyfrinachedd a Diogelu Data, ac adrodd pob pryderon i berson priodol;

Bod yn ymwybodol o'r gwahaniaeth a'i gefnogi, a sicrhau cyfle cyfartal i bawb;

Cyfrannu at ethos/gwaith/nodau cyffredinol yr ysgol;

Sefydlu perthnasoedd adeiladol a chyfathrebu ag asiantaethau / gweithwyr proffesiynol eraill;

Mynychu a chymryd rhan mewn cyfarfodydd rheolaidd;

Cymryd rhan mewn hyfforddiant a gweithgareddau dysgu eraill a datblygu perfformiad, yn ôl yr angen;

Cydnabod cryfderau a meysydd arbenigedd eu hunain, a defnyddio'r rhain i gynghori a chefnogi eraill.

• Ceisio ar lein - Sut?
  
• Rhestr Swyddi