Ymarferydd Dyscalcwlia (I weithio o fewn y Tîm Allgymorth Lleferydd, Iaith a Llythrennedd)

Cyflog: £31,683

Ynglŷn â'r Rôl
Rydym yn falch iawn o gyhoeddi ein bod yn recriwtio Ymarferydd Arbenigol mewn Dyscalculia i gefnogi ysgolion ledled Wrecsam i wella canlyniadau i ddysgwyr sydd â phroblemau dysgu mathemategol sylweddol a pharhaus. Mae'r rôl newydd hon yn cael ei hariannudrwy grant tan ddiwedd Mawrth 2027 ac yn cynnig cyfle prin i lunio darpariaeth o ansawdd uchel, wedi'i seilio ar dystiolaeth, ar gyfer rhifedd a dyscalculia ar draws y sir.

Sylwch, er bod y disgrifiad swydd ynghlwm wedi'i ysgrifennu ar gyfer rôl yr Ymarferydd Iaith, Lleferydd a Llythrennedd, mae'r swydd hon yn adlewyrchu'r un strwythur, cyfrifoldebau a disgwyliadau, ond gyda ffocws arbenigol ar fathemateg, datblygiad rhifedd a dyscalculia. Felly, dylai'r ymgeisydd llwyddiannus feddu ar gymhwyster perthnasol Lefel 5 neu Lefel 7 mewn Dyscalculia, ac allu dangos dealltwriaeth gadarn o ddyscalculia a phroblemau dysgu mathemategol.

Yn y rôl hon, byddwch yn cynnal asesiadau, cynllunio a darparu ymyriadau targedig, modelu strategaethau effeithiol yn yr ystafell ddosbarth, ac yn gweithio'n agos gyda thîm yr ysgol - gan gynnwys athrawon, ALNCoau a staff cefnogi - i wreiddio arferion cynhwysol cynaliadwy ym maes mathemateg. Byddwch hefyd yn chwarae rhan allweddol wrth feithrin gallu ysgolion drwy hyfforddiant, hyfforddiant un‑i‑un, ac ati, ynghyd â datblygu adnoddau ymarferol sy'n cryfhau'r broses o adnabod anghenion yn gynnar ac o gefnogi dysgwyr â dyscalculia.

Mae hwn yn gyfle cyffrous i rywun sy'n angerddol am wella canlyniadau rhifedd, sydd wedi ymrwymo i addysg gynhwysol, ac sy'n awyddus i wneud gwahaniaeth gwirioneddol ar draws ysgolion Wrecsam. Os hoffech wybod mwy, cysylltwch â [email protected] (Arweinydd y Gwasanaeth).

Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg
Amdanom Ni
Amdanom ni - Cyngor Bwrdeistref Sirol Wrecsam

Mae Cyngor Bwrdeistref Sirol Wrecsam yn gweinyddu gwasanaethau amrywiol sy'n helpu i wella bywydau trigolion Wrecsam a'r cymunedau o'n cwmpas. Rydym yn ymrwymedig i ddarparu gwasanaethau o safon uchel drwy gydweithredu gyda phartneriaid lleol a chenedlaethol. Gyda phwyslais ar ddatblygiad cynaliadwy, lles y gymuned a chyfleoedd cyfartal i bawb, mae Wrecsam yn lle gwych i weithio, byw a dysgu.

Yn y Cyngor, rydym yn gwerthfawrogi amrywiaeth, cefnogi twf personol a phroffesiynol, ac yn darparu amgylchedd gwaith hyblyg a chefnogol. Ymunwch â ni i wneud gwahaniaeth gwirioneddol i fywydau pobl Wrecsam a thros y rhanbarth ehangach.

About Us - Wrexham County Borough Council

Wrexham County Borough Council delivers a wide range of services aimed at improving the lives of Wrexham residents and surrounding communities. We are committed to providing high-quality services through collaboration with local and national partners. With a focus on sustainable development, community wellbeing, and equal opportunities for all, Wrexham is a fantastic place to work, live, and learn.

At the Council, we value diversity, support personal and professional growth, and offer a flexible and supportive working environment. Join us to make a real difference in the lives of people in Wrexham and the wider region.