Cynorthwyydd Addysgu Lefel Uwch - Ysgol Gynradd Dinbych-y-pysgod

Cyflog: Grade 6 - £28,142 - £31,022 pro rata

Cynorthwyydd Addysgu Lefel Uwch yn ein Canolfan Adnoddau Dysgu ar gyfer disgyblion ag anghenion cymhleth

Gradd 6 - £28,142 am 29 awr yr wythnos yn ystod y tymor yn unig am 45.8 wythnos y flwyddyn, sy'n cyfateb i £19,375.18 pro rata

Mae'r corff llywodraethu yn dymuno penodi ymarferwr medrus a llawn cymhelliant i addysgu ac i gefnogi athrawon yn ystafelloedd dosbarth ein Canolfan Adnoddau Dysgu. Estynnwyd ein Canolfan Adnoddau Dysgu yn ddiweddar o 12 i 24 o leoedd. Mae'n uned anghenion cymhleth ar gyfer disgyblion â chyflwr sbectrwm awtistiaeth, anghenion lleferydd ac iaith ac anghenion ymddygiadol ac emosiynol. Bydd yr ymgeisydd llwyddiannus yn ymuno â dau athro, y mae un ohonynt eisoes yn Gydlynydd Anghenion Dysgu Ychwanegol ein hysgol, i weithio yn y Ganolfan Adnoddau Dysgu yn Ysgol Gynradd Dinbych-y-pysgod.

Bydd ef/hi yn gweithio gyda'r Cydlynydd ADY, y pennaeth a'r staff i sicrhau dysgu ac addysgu rhagorol yn ein Canolfan Adnoddau Dysgu. Mae ein hysgol wedi'i lleoli yn nhref glan môr hardd Dinbych-y-pysgod, sy'n cynnig lleoliad rhagorol i weithio ac addysgu ein disgyblion ynddo.

Gallwn gynnig cymuned ysgol gynnes, feithringar, ag ethos teuluol a Christnogol cryf yn sail iddi; cefnogaeth tîm gweithgar, ymroddedig o staff a llywodraethwyr, a phlant hapus sy'n awyddus i ddysgu. Mae hwn yn gyfle gwych i lywio arferion ein Canolfan Adnoddau Dysgu yn y dyfodol ac i gyfrannu'n ehangach at lwyddiannau parhaus ein hysgol wych.

Gall y swydd wag hon gynnwys cyfrifoldebau addysgu dosbarth cyfan am gyfran o bob wythnos, ynghyd â chyfrifoldebau am arwain grwpiau a darparu cefnogaeth unigol ar adegau eraill. Darperir amser i gynllunio a pharatoi os oes disgwyl i'r ymgeisydd addysgu dosbarth cyfan.

Bydd yr ymgeisydd llwyddiannus yn cael ei gyflogi o 1 Medi 2026 ymlaen ar radd 6 Y Cyd-gyngor Cenedlaethol ar gyfer Gwasanaethau Llywodraeth Leol, am gyfnod penagored.

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.