Clerc i'r Llywodraethwyr - Ysgol Bro Dinefwr

Ynglŷn â'r swydd wag

Cyfeirnod y Swydd Wag: 3201

Sefydliad:

Ysgolion

Nifer y swyddi gwag:

1

Math o gontract:

Achlysurol

Lleoliad:

Llandeilo

Gradd:

Gradd D

Cyfradd yr awr:

£13.45 (Gan gynnwys Tâl Atodol Cyflog Byw Gwirioneddol)

Oriau Contract:

Achlysurol

Dewch i ymuno â'n tîm

Mae Ysgol Bro Dinefwr yn chwilio am Glerc i'r Corff Llywodraethol trefnus, rhagweithiol a phroffesiynol i gefnogi gwaith llywodraethu'r ysgol o fis Gorffennaf 2026. Dyma gyfle gwerthfawr i chwarae rhan allweddol yn cefnogi llywodraethu cadarn ac effeithiol mewn ysgol flaengar sy'n ymrwymedig i ddwyieithrwydd, tryloywder, cydymffurfiaeth a gwelliant parhaus er budd dysgwyr, staff a'r gymuned ehangach.

Fel Clerc i'r Corff Llywodraethol, byddwch yn:

• Cefnogi'r Cadeirydd, y Pennaeth a'r Llywodraethwyr drwy drefnu cyfarfodydd, paratoi agendâu a phapurau, a chynhyrchu cofnodion manwl, cywir ac amserol.
• Darparu cyngor dibynadwy ac wrthrychol ar weithdrefnau llywodraethu, deddfwriaeth berthnasol a gofynion statudol.
• Sicrhau parhad busnes y Corff Llywodraethol drwy gynnal cofnodion, dogfennau statudol a gwybodaeth lywodraethu mewn modd trefnus a chyfrinachol.
• Cefnogi llywodraethu effeithiol trwy feithrin perthnasoedd gwaith cadarnhaol gyda Llywodraethwyr a phartneriaid allanol.

Rydym yn chwilio am unigolyn sydd â safonau proffesiynol uchel, sylw rhagorol i fanylion a dealltwriaeth gadarn o rôl strategol y Corff Llywodraethol. Byddwch yn gyfathrebwr effeithiol, yn gweithio gyda disgresiwn ac uniondeb, ac yn cyfrannu'n uniongyrchol at lywodraethu cadarn, diwylliant cadarnhaol a gweledigaeth uchelgeisiol yr ysgol.

Bydd y penodiad yn cael ei wneud drwy gyfweliad yn seiliedig ar gymhwysedd. Am ragor o wybodaeth neu sgwrs anffurfiol am y rôl, cysylltwch â Mr Emyr Davies, ar Emyr.Davies@brodinefwr.org.uk.

Os ydych yn frwdfrydig am wneud effaith barhaol ar brofiadau dysgwyr a bywyd yr ysgol, byddem wrth ein bodd yn clywed gennych

Disgrifiad Swydd:

Pceyn Recriwtio Terfynnol Clerc y Llywodraethwyr - Final Clerk to the Governors Recruitment pack.pdf - 3968KB ~~EFORM_FILE_NEW_WINDOW~~

Lefel DBS:

Bydd gwiriad manwl gan y Gwasanaeth Datgelu a Gwahardd yn ofynnol ar gyfer y swydd hon

Lefel Sgiliau Cymraeg - Siarad:

Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 13/09/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.