Athro/Athrawes Mathemateg (Ysgol Calon Cymru)

Cyflog: Blank

Athro/Athrawes Mathemateg (Ysgol Calon Cymru)
Swydd-ddisgrifiad
Athro/Athrawes Mathemateg
Llawn-amser
Contract Cyfnod Penodol am flwyddyn
Rydym yn chwilio am Athro/ Athrawes Mathemateg hynod o gymhellgar sy'n awyddus i wneud gwahaniaeth i addysg a phrofiadau dysgu ein holl fyfyrwyr. Mae'r rôl hon yn cynnig cyfle cyffrous i athro / athrawes ysbrydoledig i weithio mewn tîm cefnogol ac egniol a byddem yn croesawu ceisiadau gan athrawon profiadol ac athrawon
sydd newydd gymhwyso. Os oes gennych sgiliau trefniadol gwych a'r gallu i weithio ag eraill i godi cyrhaeddiad trwy gymell ac ysbrydoli myfyrwyr, yna hoffem glywed oddi wrthych. Rydym yn chwilio am arbenigwr medrus a brwdfrydig sy'n angerddol am alluogi'r holl fyfyrwyr i wneud cynnydd arwyddocaol o fewn eu pynciau. Rhaid i chi allu cynllunio gwersi
sy'n ymgysylltu a gweithio'n gydweithredol ochr yn ochr â staff dawnus a diwyd sy'n ymroddedig tuag at ddarparu cyfleoedd neilltuol i'n myfyrwyr.
Mae Ysgol Calon Cymru yn ysgol 11-18 sy'n gwasanaethu ardal wledig eang, wedi'i lleoli ar ddau gampws, gyda chweched dosbarth gweithgar. Mae Ysgol Calon Cymru yn elwa o dîm o athrawon a staff cymorth gweithgar, cymwys a phenderfynol. Mae'r ysgol yn meithrin ethos
cryf o barch at ei gilydd, ysbryd tîm a gweithio gyda'n gilydd er lles gorau'r disgyblion. Mae ein disgyblion yn ymddwyn yn dda, yn groesawgar, ac yn falch o'u hysgol. Maent yn gweithio ochr yn ochr â staff i gyflawni ein gweledigaeth gyffredin o bod y gorau y gallwn fod. Bydd eich ychwanegiad at y gymuned ddysgu yn ein helpu i gyflawni'r weledigaeth hon. Mae ein gwefan ysgol (https://www.ysgolcalon.cymru/) yn darparu amrywiaeth o wybodaeth am yr ysgol.
Arolygwyd yr ysgol ym mis Hydref 2022 a disgrifiwyd gan Estyn fel, 'Mae Ysgol Calon Cymru yn darparu amgylchedd dysgu tawel, gofalgar a chyfoethog lle mae llawer o ddisgyblion yn
datblygu fel unigolion hapus, hyderus a pharchus. Mae llawer o ddisgyblion yn ymddwyn yn
barchus tuag at ei gilydd, yn datblygu perthnasoedd cadarnhaol gyda staff yr ysgol ac yn
gyfeillgar gydag ymwelwyr.'
Mae'r gallu i ddefnyddio'r Gymraeg yn ddymunol ar gyfer y swydd hon.