Athro Dosbarth (Ysgol yr Eglwys yng Nghymru Llandysilio)

Cyflog: Blank

Athro Dosbarth (Ysgol yr Eglwys yng Nghymru Llandysilio)
Swydd-ddisgrifiad
Dyddiad Cychwyn: Dydd Mawrth 1 Medi 2026
Mae Corff Llywodraethol Ysgol yr Eglwys yng Nghymru Llandysilio am benodi athro angerddol, ymroddedig ac ysbrydoledig i ymuno â'n hysgol gynhwysol, ffyniannus sy'n meithrin disgyblion. Yn y lle cyntaf, mae hon yn swydd cyfnod penodol am un flwyddyn 0.6 (3 diwrnod yr wythnos). Fodd bynnag, efallai y bydd lle i gynyddu diwrnodau'r contract.
Amdanom ni
Mae Ysgol yr Eglwys yng Nghymru Llandysilio yn ysgol fywiog, hapus gydag ethos Cristnogol unigryw i blant pedair i un ar
ddeg oed ym mhentref hardd Llandysilio. Rydym yn ysgol fach, wledig yng nghanol ein cymuned sy'n ymdrechu i ddarparu'r safonau dysgu uchaf posibl.
Rydym yn dîm bach, deinamig o weithwyr proffesiynol ymroddedig sy'n gweithio'n gydlynol i ddarparu'r cyfleoedd gorau gan roi sylfaen ardderchog i addysg pob plentyn. Ein nod yw ymgysylltu â'n cymuned, codi dyheadau a chefnogi anghenion ein holl ddysgwyr er mwyn iddynt ffynnu.
Yn ystod ein Harolygiad Estyn ym mis Tachwedd 2025, adroddodd yr Arolygwyr:
"Mae'r ysgol yn darparu amgylchedd dysgu tawel sy'n meithrin disgyblion ac yn hyrwyddo eu datblygiad personol,
cymdeithasol ac emosiynol yn effeithiol. Mae staff yn sefydlu perthynas gynnes â disgyblion, gan fodelu disgwyliadau uchel ar gyfer ymddygiad ac ymgysylltu yn ystod gwersi. Mae bron pob disgybl yn dangos agweddau cadarnhaol tuag at ddysgu. Maent yn ymddwyn yn dda ac yn teimlo'n ddiogel ac yn cael eu gwerthfawrogi yng nghymuned gynhwysol yr ysgol. Mae'r parch a'r gofal sydd gan ddisgyblion at ei gilydd yn gryfder i'r ysgol." Rydym yn chwilio am rywun i ymuno â'n hysgol lwyddiannus, ac a fydd yn:
• gyfrifol am ddarparu addysgu a dysgu o ansawdd uchel sy'n ysbrydoli, herio a chefnogi pob disgybl.
• yn cyfrannu'n gadarnhaol at ethos, bywyd a datblygiad ehangach yr ysgol a'r gymuned.
• yn cefnogi twf academaidd, emosiynol, cymdeithasol ac ysbrydol disgyblion.
• wedi ymrwymo i ddarparu amgylchedd hapus, sy'n meithrin, lle mae pob plentyn yn cael ei gefnogi i gyflawni ei
botensial llawn drwy'r Cwricwlwm ar gyfer Llandysilio.
Mae ein hysgol wedi ymrwymo'n llwyr i ddiogelu a hyrwyddo lles plant. Bydd yr ymgeisydd llwyddiannus yn destun
geirdaon boddhaol, gwiriad DBS uwch, a phob cliriad cyn-gyflogaeth perthnasol arall.
Dyddiad cau ar gyfer ceisiadau: Dydd Llun 11Mai 2026
Rhestr Fer: Dydd Iau 14Mai 2026
Cyfweliadau: Dydd Iau 21Mai 2026
Gwahoddir ymgeiswyr sydd â diddordeb i ymweld â'r ysgol neu gysylltu â'r Pennaeth Dros Dro, Mr Rich Andrews, am
drafodaeth anffurfiol ar 01691 830339.
Dylid cyflwyno ceisiadau ar-lein.