Darlithydd Prentisiaethau Iau mewn Adeiladu 0.6

Cyflog: £20,157 - £31,158 / blwyddyn

Darlithydd Prentisiaethau Iau mewn Adeiladu 0.6
Application Deadline: 25 March 2026

Department: Adeiladu

Employment Type: Parhaol - Rhan Amser

Location: Campws Rhydaman

Reporting To: Deon Cyfadran a Phennaeth Cwricwlwm

Compensation: £20,157 - £31,158 / blwyddyn

DescriptionMae Bwrdd Cyfarwyddwyr Coleg Sir Gâr a Choleg Ceredigion wedi ymrwymo i benodi'r staff gorau posibl sy'n cyflawni rhagoriaeth yn eu gwaith. Gan weithio yn ôl y gwerthoedd a'r ymddygiadau sy'n sail i gynllun strategol a busnes y sefydliad, mae'r Coleg yn ceisio staff sy'n arddangos creadigrwydd ac arloesedd, tra'n gyrru eu perfformiad eu hunain, a pherfformiad eraill.

Mae'r Rhaglen Prentisiaethau Iau yn rhan o ddarpariaeth 14-16 a gyflwynir o fewn fframwaith addysg orfodol. Mae dysgwyr yn aros ar gofrestr eu hysgol gartref ac yn mynychu'r Coleg fel rhan o raglen statudol. O'r herwydd, mae'r rôl hon yn wahanol i ddarpariaeth AB ôl-16 safonol ac mae'n dwyn cyfrifoldebau ychwanegol mewn perthynas â diogelu, ymddygiad, presenoldeb ac ymgysylltiad.

Bydd dysgwyr fel arfer yn mynychu mewn carfannau bach o hyd at bymtheg a gallant gynnwys pobl ifanc sydd wedi ymddieithrio o addysg brif ffrwd neu sydd angen amgylchedd dysgu hynod strwythuredig, cyson a chefnogol. Felly, disgwylir i ddeiliad y swydd fabwysiadu dulliau addysgu a rheoli ymddygiad adferol, cynhwysol ac sy'n seiliedig ar drawma.

Bydd y Darlithydd Prentisiaethau Iau mewn Adeiladu yn cyflwyno addysgu ac asesu galwedigaethol o ansawdd uchel, gan weithredu fel model rôl cadarnhaol i ddysgwyr ifanc a chefnogi eu dilyniant i addysg bellach, prentisiaethau neu gyflogaeth. Mae'r rôl yn rhan o dîm Prentisiaethau Iau ehangach, gan gydweithio'n agos â'r Anogwr Prentisiaethau Iau sy'n darparu cefnogaeth fugeiliol o ddydd i ddydd yn y dosbarth, goruchwyliaeth amser egwyl a threfnu lleoliadau gwaith.

Cyfrifoldebau Allweddol

• Cyflwyno addysgu ac asesu ar gyfer cymhwyster galwedigaethol E3/L1 dynodedig sy'n addas ar gyfer dysgwyr 14-16 yn unol â gofynion y corff dyfarnu a'r Coleg
• Cynllunio a chyflwyno gwersi strwythuredig, diddorol sy'n hyrwyddo presenoldeb, cyfranogiad ac ymddygiad cadarnhaol
• Paratoi deunyddiau addysgu, dysgu ac asesu o ansawdd uchel sy'n briodol i ddysgwyr
• Cynnal asesiadau, cofnodi ac olrhain cynnydd dysgwyr gan ddefnyddio systemau'r Coleg
• Cyfrannu at brosesau gwirio mewnol a sicrhau ansawdd
• Sicrhau bod yr holl fannau addysgu a gweithgareddau ymarferol yn cydymffurfio â gofynion iechyd a diogelwch a diogelu
• Gweithio'n agos gyda'r Anogwr Prentisiaethau Iau er mwyn ymgorffori sgiliau cyflogadwyedd, ymddygiadau proffesiynol a disgwyliadau yn y gweithle yn weithredol ar draws addysgu ac asesu, gan sicrhau eu bod yn cyd-fynd yn glir â lleoliadau profiad gwaith y dysgwyr
• Sefydlu cyfathrebu cyson a rhagweithiol gydag ysgolion, rhieni a gofalwyr i gefnogi gweithgareddau recriwtio ac i fonitro cynnydd, ymddygiad a phresenoldeb dysgwyr ar y cyd, gan sicrhau ymyrraeth gynnar lle nodir pryderon
• Trefnu a chynnal ymweliadau a theithiau addysgol, yn unol â Pholisi Ymweliadau Addysgol y Coleg, sy'n cyfoethogi'r cwricwlwm ac yn ymestyn dysgu y tu hwnt i'r ystafell ddosbarth
• Cefnogi dysgwyr i gynllunio llwybrau dilyniant clir i brentisiaethau, cyfleoedd Twf Swyddi Cymru+ neu astudio pellach, gan gydweithio â thimau cwricwlwm, cyflogwyr a gwasanaethau dilyniant

Sgiliau Gwybodaeth ac ArbenigeddYr Iaith Gymraeg:

• Llefaredd Cymraeg (Gwrando/Siarad) - Lefel 3/4 Hanfodol
• Llythrennedd Cymraeg (Ysgrifennu/Darllen) - Lefel 3/4 Hanfodol

Gweler disgrifiadau iaith manwl ynghlwm.

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Hanfodol

• Gradd berthnasol neu gymhwyster Addysg Uwch/Lefel Uwch cyfwerth
• Cymhwyster addysgu
• TGAU Saesneg ac Mathemateg - o leiaf Gradd C neu Lefel O cyfwerth
• Tystiolaeth ddogfennol o Ddatblygiad Proffesiynol parhaus priodol
• Profiad o addysgu dysgwyr 14-16
• Profiad o addysgu a dysgu galwedigaethol neu seiliedig ar waith
• Dealltwriaeth o ddarpariaeth 14-16
• Gwybodaeth a phrofiad o weithio gyda dysgwyr ag anghenion ymddygiadol neu ymgysylltiol
• Sgiliau llythrennedd a rhifedd da a'r gallu i gyfathrebu'n effeithiol ar bob lefel ar lafar ac yn ysgrifenedig
• Sgiliau rhyngbersonol a threfniadol ardderchog
• Y gallu i weithio'n gytûn gyda dysgwyr a chydweithwyr
• Y gallu i weithio dan bwysau ac i derfynau amser tynn
• Prydlondeb ardderchog a'r gallu i weithio'n hyblyg
• Trwydded yrru gyfredol a defnydd o gar
• Parodrwydd i yrru bws mini'r coleg
• Parodrwydd i gymryd rhan mewn hyfforddiant Prentisiaethau Iau
  
  

Dymunol

• Ymwybyddiaeth o ddangosyddion perfformiad allweddol
• Tystiolaeth o weithgareddau addysgu a dysgu arloesol
• Tystiolaeth o olrhain a monitro perfformiad dysgwyr yn effeithiol
• Profiad o gymryd rhan weithredol yng ngofal bugeiliol pobl ifanc
• Dealltwriaeth gadarn o lythrennedd digidol
• Parodrwydd i gyfrannu at ddatblygu gweithgareddau allgyrsiol

Buddion

• Byddwch yn cael 27.6 diwrnod o wyliau, ynghyd â gwyliau banc a phum diwrnod cau sef cyfanswm o 40.6 diwrnod o wyliau y flwyddyn.
• Cynllun pensiwn hynod o hael gyda 23.68% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein