Pennaeth (Ysgol Gynradd Gymunedol Aber-Miwl)

Cyflog: ISR: 7-13

Pennaeth (Ysgol Gynradd Gymunedol Aber-Miwl)
Swydd-ddisgrifiad
YSGOL GYNRADD GYMUNEDOL ABER-MIWL

PENNAETH

Angenrheidiol ar gyfer 1 Medi 2026 neu'n gynharach os yn bosibl.

Bydd y rôl hon yn cynnwys ymrwymiad addysgu rheolaidd.

ISR: 7-13

NOR: 78

32.5 awr, Parhaol

Yn dilyn cyfnod o newid ac ansicrwydd, mae'r Corff Llywodraethol yn ceisio penodi Pennaeth newydd i arwain yr ysgol ymlaen trwy ei cham nesaf o ddatblygiad. Daw'r cyfle cyffrous hwn ar adeg bwysig o drawsnewid i'r ysgol sy'n barod am arweinyddiaeth a chyfarwyddyd newydd gan Bennaeth ysbrydoledig a thosturiol.

Saif ein hysgol yng nghanol cymuned glos. Mae'n fan lle mae plant yn cael eu hadnabod fel unigolion, lle mae teuluoedd yn cael eu croesawu, a lle mae perthnasoedd yn wirioneddol bwysig. Er bod yr ymdeimlad hwnnw o gyfeillgarwch a pherthyn yn parhau'n gryf, rydym yn gwybod bod yr ysgol wedi colli rhywfaint o'i disgleirdeb yn ystod y blynyddoedd diwethaf - ac rydym yn barod am arweinydd a all ei helpu i ddisgleirio eto.

Mae'r rôl hon yn ddelfrydol ar gyfer athro sy'n awyddus i wneud ei farc: rhywun sydd â'r weledigaeth, yr egni a'r creadigrwydd i lunio dyfodol yr ysgol, gan barchu a meithrin y gwerthoedd sy'n ei gwneud yn arbennig. Bydd gan yr ymgeisydd llwyddiannus gefnogaeth lawn y corff Llywodraethol a'r rhyddid i gyflwyno syniadau newydd, codi dyheadau a safonau, ac ail-egnïo addysgu a dysgu - heb golli'r cynhesrwydd, yr hygyrchedd a'r ysbryd cymunedol sy'n ein diffinio.

Bydd gan y person cywir:

• Hanes profedig fel arweinydd, rheolwr ac athro deinamig rhagorol, sy'n ysbrydoli ac yn grymuso'r rhai o'u cwmpas.
• Gweledigaeth glir i ddatblygu'r ysgol ymhellach, a'r sgiliau a'r penderfyniad i gyflawni'r weledigaeth honno gyda chefnogaeth staff, rhieni a llywodraethwyr.
• Y gallu i arwain a chymell disgyblion, staff a'r gymuned ehangach i greu diwylliant effeithiol a chynhwysol o ddysgu gydol oes.
• Y gred ym manteision partneriaeth agos rhwng yr ysgol a'r gymuned ehangach.
• Y gallu i weithio ar y cyd ac yn effeithiol gyda rhwydweithiau clwstwr, rhanbarthol a chenedlaethol.
• Angerdd dros addysgu a dysgu, gan ddangos ymrwymiad cryf i'r plant a'r staff, gyda disgwyliadau uchel ym mhob agwedd ar fywyd yr ysgol.
• Deall pwysigrwydd y Cydlynydd Anghenion Dysgu Ychwanegol. Bydd yr ymgeisydd naill ai'n ymgymryd âl hon yn bersonol neu bydd yn rheolwr llinell ar y gyfryw rôl.
• Gwybodaeth gyfoes am Gwricwlwm Cymru, ynghyd â blaenoriaethau lleol a chenedlaethol.

Arolygwyd yr ysgol gan Estyn y tro diwethaf yn y flwyddyn 2019, pan dderbyniodd adroddiad cadarnhaol iawn. Mae copi o'r adroddiad hwnnw ar gael drwy glicio ar y ddolen hon.

I gael blas o'n hysgol, edrychwch ar dudalen ein gweplyr - facebook page neu ar ein gwefan - website ; ac am ragor o wybodaeth neu i drefnu ymweliad âr ysgol, cysylltwch â chadeirydd y corff llywodraethol - sef y Cynghorydd Alan Meredith-Jones, drwy gyfrwng cyfeiriad ei e-bost: Meredith-JonesA5@Hwbcymru.net

Mae'r cymhwyster NPQH wedi ei restru fel un Hanfodol ond bydd y Corff Llywodraethol yn ystyried ceisiadau gan ymgeiswyr sydd wedi cael eu dewis ar gyfer neu sydd yn y broses o gwblhau'r rhaglen NPQH.

Rhagwelir y bydd y cyfarfod llunio rhestr fer a'r cyfweliadau ar y dyddiadau canlynol:

Dyddiad Cau: 25 Chwefror 2026 am 5.00 yp

Llunio Rhestr Fer: 2 Mawrth 2026

Cyfweliadau: 17 a 18 Mawrth 2026

Mae'r swydd hon yn destun gwiriad DBS manwl