Aseswr Dysgu yn y Gweithle - Gofal Plant, Plant a Phobl Ifanc, Cytundeb Cyfnod pendol hyd at 31 Awst 2026

Cyflog: £18.44-£20.00 yr awr, sy'n cynnwys hawl gwyliau. Yn ddibynnol ar gymwysterau a phrofiad

Pwrpas y swydd

Mae'r adran gofal plant yn cynnig ystod o gymwysterau sef gofal plant, plant a phobl ifanc, cynorthwyydd addysgu a hefyd mewn gwaith chwarae. Golyga'r swydd hon fod yn gyfrifol am recriwtio, cadw a rheoli llwyth achosion safonol o ddysgwyr sydd wedi dewis cofrestru ar gyfer cymhwyster plant a phobl ifanc.

Mae'r Asesydd yn gyfrifol am ddarparu hyfforddiant, asesu, a sicrhau ansawdd gwaith y dysgwyr. Bydd yr asesydd yn goruchwylio dealltwriaeth a chymhwysedd ymarferol y dysgwyr yn y gweithle.

Bydd disgwyl i'r aseswr recriwtio, cefnogi ac annog gweithgareddau marchnata yn unol â maes y Rhaglen, ac ymgysylltu â digwyddiadau ymgysylltu â chyflogwyr ar gyfer amrywiaeth o gymwysterau mewn Gofal Plant, Cynorthwywyr Addysgu, Plant a Phobl ifanc a Gwaith Chwarae a chefnogi cyd-aseswyr. Mae'n rhaid i'r aseswr gefnogi a monitro cynnydd y dysgwyr a chwblhau'n amserol, a mynychu cyfarfodydd Maes Rhaglen a safoni.

O ddydd i ddydd bydd y swydd yn golygu cyfarfod â dysgwyr a chyflogwyr mewn lleoliadau gwaith gwahanol. Ar y cyfan, bydd hyn yn digwydd yn ddigidol ond bydd peth teithio'n ddisgwyliedig, gan weithio'n annibynnol i sicrhau cydymffurfiaeth â gofynion cymwysterau.

Bydd gofyn i'r asesydd feddu ar y sgiliau i gynllunio ymweliadau mewn modd rhesymegol o ran cyfyngu ar deithio a gwneud y defnydd gorau o amser. Yn ogystal, bydd yn darparu adnoddau a chefnogaeth i fodloni anghenion unigol pob dysgwr yn ei ddewis iaith.

Bydd yr asesydd yn cynrychioli tîm aseswyr Gofal Plant Busnes@GLLM a bydd disgwyl iddo hyrwyddo'r cyrsiau a gynigir er mwyn annog dysgwyr i gofrestru arnynt. Byddai'r gallu i addysgu grwpiau bach mewn sesiynau gweithdy ym maes gwasanaethau i gwsmeriaid, y cyfryngau cymdeithasol a marchnata digidol yn fanteisiol. Bydd yr asesydd yn sicrhau bod y gwasanaeth a ddarperir i'r dysgwyr:

• O'r ansawdd uchaf posibl

• Yn darparu gwerth am arian

• Yn diwallu anghenion y cyflogwr ac anghenion y myfyrwyr sy'n derbyn hyfforddiant

• Yn adlewyrchu cenhadaeth, gwerthoedd ac amcanion y coleg

Manylion Swydd
Cyfeirnod y Swydd
BD/119/26

Cyflog
£18.44-£20.00 yr awr, sy'n cynnwys hawl gwyliau. Yn ddibynnol ar gymwysterau a phrofiad

Lleoliad Gwaith

• Bangor
• Dolgellau
• Gweithio gartref
• Llanelwy

Hawl gwyliau

• 28 diwrnod y flwyddyn, yn codi i 32 diwrnod ar ôl pum mlynedd lawn o wasanaeth di-dor (01 Medi i 31 Awst).

• Yr holl wyliau cyhoeddus arferol, i'w pennu'n flynyddol.

• Hyd at 5 diwrnod effeithlonrwydd / diwrnod y trefnwyd i'r safle fod ar gau bob blwyddyn, i'w pennu'n flynyddol.

• Bydd gan y rhai ar gontractau Rhan-amser hawl pro rata i'r hyn a nodir uchod

Bydd gan y rhai ar gontractau Amser Tymor hawl pro rata i'r hyn a nodir uchod a delir fel rhan o'r cyflog blynyddol.

Patrwm gweithio
22.5 awr yr wythnos (Patrwm gwaith i'w gytuno gyda'r ymgeisydd llwyddiannus)

Hawliau Pensiwn
Cynllun Pensiwn Llywodraeth Leol

Math o gytundeb
Rhan Amser a Delir wrth yr Awr

Dyddiad cau
05 Chwef 2026
12:00 YH(Ganol dydd)