Athro/Athrawes - Ysgol Wirfoddol a Reolir Gelliswick

Cyflog: Pay Scale Within: £33,731 - £51,942

Athrawes Dosbarth Derbyn - Ysgol Wirfoddol a Reolir Gelliswick

Prif raddfa gyflog/uwch raddfa gyflog; amser llawn, tymor penodol tan 31 Awst 2026.

Mae Ysgol Gynradd Gelliswick yn chwilio am athro amser llawn i ymuno â'n hysgol fywiog. Mae hwn yn gyfle gwych i ymarferydd ymroddgar, brwdfrydig a myfyriol sy'n ymrwymedig i wella ei addysgu. Byddwch yn ymuno â ni yn ystod cyfnod o ddatblygiad cyffrous yn Gelliswick, wrth i ni ddod ân gweledigaeth o gymuned ddysgu amrywiol a chynhwysol yn fyw: cymuned sy'n gwerthfawrogi pawb, sy'n darparu gobaith, ac sy'n cydweithio i wneud dyfodol pob plentyn yn well nag yr oedd yn ei feddwl oedd yn bosibl.

Mae Gelliswick yn ysgol gyfeillgar a chroesawgar sydd wedi ymrwymo i ddarparu gofal rhagorol i'n disgyblion a datblygiad proffesiynol o ansawdd uchel i'n staff. Fe gewch y buddion uniongyrchol o ymuno â thîm o staff ymrwymedig, cydweithredol ac ymroddgar, gan weithio mewn adeilad newydd sbon a agorwyd ym mis Ionawr 2018. Mae gan yr ysgol oddeutu 458 o ddisgyblion, gan gynnwys 25 o ddisgyblion ag anghenion cymhleth, sy'n mynychu'r ganolfan adnoddau dysgu mewn amgylchedd dysgu sydd â llawer o adnoddau.

Mae'r ysgol am benodi ymarferydd blaengar ac arloesol sy'n frwd dros y newidiadau ym maes addysg sy'n mynd rhagddynt yng Nghymru ar hyn o bryd, ac yr hoffai'r cyfle i drosi'r syniadau hyn yn addysgu ymarferol. Mae'r corff llywodraethu yn chwilio am unigolyn ysbrydoledig i weithio gyda thîm y Blynyddoedd Cynnar, gan arwain tîm o staff cymorth.

Rydym yn chwilio am rywun sy'n bodloni manyleb y person yn y swydd-ddisgrifiad ac sy'n bodloni'r canlynol:

• Yn ymarferydd dosbarth rhagorol gyda hanes o lwyddiannau y gellir eu dangos

• Yn angerddol ac yn wybodus am ddysgu ac am ddatblygiad plant, ac yn cymhwyso'r wybodaeth honno yn yr ystafell ddosbarth i sicrhau'r cynnydd gorau posibl i bob dysgwr
• Yn meddu ar wybodaeth a dealltwriaeth fanwl o addysgeg, ac yn ymwneud âr pedwar diben a'r profiadau dysgu sy'n ganolog i ddiwygiad presennol y cwricwlwm

• Yn meddu ar y sgiliau a phrofiad i reoli tîm bach, ac âr gallu i fod yn batrwm ar eu cyfer.

Os hoffech drafod y swydd neu ymweld âr ysgol, ffoniwch y pennaeth, Leanne Prevel, ar 01646 692894.

Y dyddiad cau ar gyfer ceisiadau yw dydd Iau 13 Tachwedd 2025

Bydd y rhestr fer yn cael ei llunio yr wythnos sy'n dechrau 17 Tachwedd 2025

Bydd y broses gyfweld yr wythnos sy'n dechrau 24 Tachwedd 2025

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.