Swyddog Hyfforddi Corfforaethol - eDdysgu

Cyflog: 37,938 - 39,513 *

Ynglŷn â'r rôl
Sylwch fod y cyflog a hysbysebir ar gyfer y swydd hon yn amodol ar ddyfarniad cyflog sydd ar ddod. Bydd y cyflog terfynol yn cael ei addasu yn unol â'r dyfarniad cyflog a gytunwyd yn genedlaethol.

Ydych chi'n berson profiadol sy'n medru creu modiwlau eDdysgu ac yn awyddus i wneud gwahaniaeth cadarnhaol?

Ymunwch â'n Tîm Dysgu a Datblygu prysur a'n helpu i sicrhau bod gan weithlu'r Cyngor y sgiliau a'r wybodaeth i ddarparu gwasanaethau rhagorol ar gyfer dinasyddion Ceredigion.

Rydym yn chwilio am aelod newydd o'r tîm sy'n gallu dylunio a darparu atebion dysgu deniadol sy'n diwallu anghenion hyfforddi statudol ac yn cefnogi datblygiad staff ar draws y Cyngor.

Byddwch yn arwain ar greu cynnwys dysgu digidol, yn rheoli ein System Rheoli Dysgu, ac yn gweithio gyda rhanddeiliaid i sicrhau bod ein gweithlu yn fedrus, yn cydymffurfio ac yn cael ei gefnogi.

Os ydych chi'n angerddol am ddysgu digidol ac eisiau helpu i lunio dyfodol datblygu'r gweithlu, byddem wrth ein bodd yn clywed gennych.

Am ragor o wybodaeth, cysylltwch â: Victoria Foale, Victoria.foale@ceredigion.gov.uk

Ein cynnig i chi

Rydym wedi ymrwymo i ddatblygu ein pobl a byddwn nid yn unig yn darparu cymorth i'ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â'ch gyrfa gyda ni.

Yn gyfnewid am eich sgiliau a'ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles.

Gellir cael mwy o wybodaeth am ein hystod eang o fuddion gweithwyryma.

Disgrifiad Swydd a Manyleb Person

Noder: Cedwir yr hawl i ymestyn y dyddiadcau.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Pobl a Threfniadaeth
Rydym yn cynnig cymorth i'r sefydliad er mwyn denu, datblygu a chadw gweithlu ystwyth sy'n perfformio'n dda, gan weithio mewn amgylchedd diogel, sy'n gallu darparu gwasanaethau o'r safon uchaf i ddinasyddion Ceredigion nawr ac yn y dyfodol. Ein prif swyddogaeth yw:

• Cyngor a Gweinyddu Adnoddau Dynol: Absenoldeb; Arfarniadau; Cytundebau; Disgyblu; Cwyno; Gwerthuso Swyddi; Rheoli Newid; Recriwtio ac Ar-fyrddio.
• Iechyd, Diogelwch a Lles: Cyngor; Cydymffurfio; Asesiadau risg.
• Dysgu a Datblygu: E-ddysgu; Digwyddiadau; Panel cymwysterau; Hyfforddiant.
• Ymgysylltu a Lles: Ceri +; Cyfathrebu Mewnol; Marchnata Recriwtio
• Tâl a Budd-daliadau: Cyflogres; Pensiynau; Taflenni amser.
• Systemau: Datblygiad a System Ceri; Data ac Adrodd.

Canolfan Rheidol Mae ein swyddfa yn Aberystwyth, Canolfan Rheidol, yn adeilad sydd wedi ennill gwobrau. Mae'r swyddfa, gyda'i dyluniad cynllun agored, yn darparu lle rhagorol ar gyfer gweithio ar y cyd.
Darllen mwy Aberystwyth Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll. Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy