Cynghorydd Sgiliau - Ysbrydoli Dyfodol

Cyflog: Grade 6 - £27,269 - £30,060

Cynghorydd Sgiliau - Ysbrydoli'r Dyfodol

Wedi'i ariannu ar hyn o bryd tan 31 Rhagfyr 2025 (estyniad yn amodol ar gyllid pellach)

Mae Gwaith yn yr Arfaeth yn chwilio am gynghorydd sgiliau hynod frwdfrydig a phrofiadol i ymuno â phrosiect Ysbrydoli'r Dyfodol, sef menter paratoi ar gyfer gwaith a phrofiad gwaith bwrpasol a addysgir sy'n cael ei chyflwyno i wella cyflogadwyedd pobl ifanc yn Sir Benfro.

Bydd yr ymgeisydd llwyddiannus yn frwd dros rymuso pobl ifanc wrth iddynt bontio i'r gweithlu a bydd yn chwarae rhan allweddol wrth wella'r cynigion profiad gwaith presennol, gan ganolbwyntio ar sgiliau cyflogadwyedd, lleoliadau gwaith, ac adeiladu partneriaethau hanfodol gyda sefydliadau a chyflogwyr lleol.

Mae'r prosiect wedi'i gynllunio i wella cyflogadwyedd a sgiliau trosglwyddadwy:

• disgyblion Blwyddyn 11-13 (15-18 oed) yn yr ysgol ac sy'n symud i fyd gwaith ôl-16 neu ddysgu sy'n canolbwyntio ar waith ac hefyd
• pobl ifanc 19-24 oed nad ydynt mewn addysg, gwaith na hyfforddiant sydd wedi'i chael hi'n anodd mynd i mewn i'r gweithle.

Cyfrifoldebau allweddol

Cyflwyno Cwrs Cyflogadwyedd a Sgiliau Trosglwyddadwy: Dylunio a chyflwyno cyrsiau rhyngweithiol a diddorol sy'n canolbwyntio ar sgiliau cyflogadwyedd allweddol, gan gynnwys cyfathrebu, gwaith tîm, datrys problemau, rheoli amser, proffesiynoldeb, rhwydweithio a sgiliau chwilio am swydd. Gan gynnwys achredu sgiliau galwedigaethol.

Cydweithio â phartneriaid i deilwra'r cwrs i ddiwallu anghenion penodol eu grwpiau. Cynnal ymweliadau allanol 'profiadau mewnwelediad' â chyflogwyr a busnesau, gan roi mewnwelediadau a phrofiadau gwerthfawr i bobl ifanc.

Cefnogi cyngor gyrfa: Cydweithio â chynghorwyr gyrfa Gyrfa Cymru i ddarparu cyngor ac arweiniad arbenigol ar yrfaoedd i bobl ifanc. Sefydlu llwybr i bobl ifanc gael mynediad at gyngor gyrfaoedd wyneb yn wyneb. Cynorthwyo unigolion i archwilio opsiynau gyrfa, datblygu cynlluniau gyrfa, nodi sgiliau angenrheidiol, a darparu strategaethau chwilio am swydd effeithiol.

Cydlynu profiad gwaith: Gweithio'n agos gyda swyddog cyswllt cyflogwyr a lleoliadau gwaith y prosiect gan gyfrannu at nodi cyflogwyr posibl a meithrin partneriaethau â busnesau lleol, sefydliadau di-elw ac asiantaethau'r llywodraeth sy'n fodlon cymryd rhan yn y cynllun lleoliadau gwaith. Datblygu meini prawf cymhwysedd ar gyfer pobl ifanc sy'n cymryd rhan a sefydlu amserlen ar gyfer y rhaglen profiad gwaith.

Cymwysterau a phrofiad

• Cymhwyster perthnasol neu brofiad cyfatebol mewn cyfarwyddyd gyrfaoedd, addysgu, neu faes cysylltiedig.
• Profiad blaenorol yn cyflwyno cyrsiau sgiliau cyflogadwyedd a chydlynu rhaglenni profiad gwaith.
• Profiad o achredu cymwysterau galwedigaethol.
• Dealltwriaeth gref o'r anghenion a'r heriau y mae pobl ifanc yn eu hwynebu wrth iddynt symud i fyd gwaith ôl-16.
• Sgiliau cyfathrebu a rhyngbersonol rhagorol, gyda'r gallu i ymgysylltu â phobl ifanc, cyflogwyr, a staff ysgolion / darparwyr partner yn effeithiol.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn hanfodol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.