Athro/Athrawes Mathemateg - Ysgol Gyfun Abersychan

Cyflog: MPS \/ UPS

Diolch am eich diddordeb yn swydd Athro Mathemateg yn Ysgol Abersychan. Mae hon yn swydd bwysig ar gyfer ein hysgol, wrth i ni barhau i anelu i wella ansawdd y ddarpariaeth, a chodi safonau yn y maes Mathemateg. Mae'r Adran Fathemateg yn dîm o athrawon cadarn a byddech yn ymuno â thîm angerddol. Mae Arweinydd sefydledig y Cwricwlwm ar gyfer Mathemateg yn arloesol ac yn flaengar, ac yn ymdrechu bob tro i ddatblygu'r cwricwlwm Mathemateg. Byddem yn croesawu ceisiadau gan bob ymgeisydd sy'n bodloni'r fanyleb person.

Mae Ysgol Abersychan yn ysgol gyfun i ddisgyblion rhwng 11 ac 16 oedd sy'n diwallu anghenion myfyrwyr o bob gallu. Rydyn ni'n ysgol sydd wedi ymrwymo i sicrhau bod ein holl bobl ifanc yn hapus, yn llwyddiannus ac yn barod at eu bywydau y tu hwnt i'r ysgol. Mae ein disgwyliadau a'n safonau yn uchel. Mae gennym staff ymroddgar a gofalgar sydd wedi ymrwymo i sicrhau bod pob plentyn yn cyflawni y gorau sydd o fewn eu gallu personol. Ar hyn o bryd mae gan yr ysgol 710 o fyfyrwyr, 40 o athrawon a 43 aelod o staff cynorthwyol. Mae'r ysgol yn gwasanaethu ardal o anfantais economaidd-gymdeithasol ac mae gan 31% o fyfyrwyr hawl i brydau ysgol am ddim. Mae 51% yn byw o fewn yr 20% uchaf o'r ardaloedd mwyaf difreintiedig yng Nghymru.

Cyflawnir nodau'r ysgol trwy system fugeiliol gref, ymrwymiad i ddarparu profiadau dysgu o ansawdd uchel ac ystod eang o weithgareddau chwaraeon, diwylliannol, cerddorol ac allgyrsiol. Mae myfyrwyr yn hapus ac yn gweithio'n galed ac mae ganddynt farn gadarnhaol am yr ysgol. Maen nhw'n ased go iawn i'n cymuned ac yn hynod gyfeillgar. Rydym yn ffodus bod gennym rieni a llywodraethwyr gwych sy'n gefnogol iawn ac yn gweithio mewn partneriaeth gyda ni i sicrhau bod pob myfyriwr yn cael yr addysg orau bosibl. Mae'r ysgol wedi cael canmoliaeth eang am wneud gwelliannau i ymddygiad a llesiant, ac rydym yn parhau i ymdrechu am y safonau uchaf trwy ddarpariaeth ragorol.

Mae'r Adran Fathemateg yn Ysgol Abersychan yn dîm llwyddiannus, gweithgar a deinamig sy'n rhannu cyd-weledigaeth i sicrhau bod pob myfyriwr yn cael addysgu a dysgu o'r ansawdd uchaf er mwyn cyflawni hyd eithaf eu gallu. Mae gan yr adran adnoddau da ac adnoddau addysgu digidol, sy'n cynnwys byrddau gwyn rhyngweithiol, camerâu dogfennau a Chromebooks. Mae'r tîm yn gweithio'n agos iawn gyda Gwasanaeth Gwella Ysgolion yr ALl (y GCA yn flaenorol) a'r clwstwr ysgolion cynradd i hyrwyddo dulliau addysgegol ar y cyd.

Rydyn ni'n chwilio am unigolyn neilltuol sydd â'r egni, yr ysgogiad, y gwydnwch a'r ymroddiad i ymuno â ni ar y cam allweddol hwn ar ein siwrnai i wella'r ysgol. Os ydych chi'n gyffrous wrth feddwl am y posibilrwydd o chwarae rhan bwysig wrth wireddu uchelgeisiau yr ysgol, os oes gennych gred ddi-baid y gall pob myfyriwr gyflawni, waeth beth yw eu cefndir a'u gallu, byddem wrth ein bodd i glywed gennych! Yn gyfnewid, rwy'n gwarantu'n bersonol y cewch y gefnogaeth orau bosibl.

I gael mwy o wybodaeth neu i drefnu ymweliad, cysylltwch â vicki.booton@abersychanschool.co.uk . Rhaid llenwi'r ffurflen gais trwy blatfform yr Awdurdod Lleol sydd wedi'i gysylltu â'r hysbyseb swydd ar eteach.

Dyddiad cau: 11:59pm, Dydd Iau 8 Hydref 2026

Cyfweliad: Dydd Mawrth 13 Hydref 2026

Mae'n hanfodol eich bod yn dangos sut rydych yn bodloni'r meini prawf Hanfodol a restrir yn y Fanyleb Person atodol, er mwyn sicrhau cyfweliad: Sut i wneud cais Canllaw i ymgeiswyr Cyngor Bwrdeistref Sirol Torfaen .

Mae angen cofrestru gyda Chyngor y Gweithlu Addysg ar gyfer y swydd hon.

Mae'r swyddhon wedi' iheithrio o Ddeddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a fydd yn cynnwys gwiriad Manwl gyda'r Gwasanaeth Datgelua Gwahardd.

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn. Rydym yn gwerthfawrogi'r ystod o brofiadau a ddaw yn sgil gweithlu amrywiol ac felly rydym yn croesawu ceisiadau gan bobl o bob cefndir a grwpiau sy'n cael eu tangynrychioli.

Mae sgiliau iaith Gymraeg yn ddymunol ar gyfer y rôl hon ond nid ydynt yn hanfodol.Mae croeso i chi gyflwyno eich ffurflen gais yn Gymraeg neu yn Saesneg. Bydd pob cais yn cael ei drin yn gyfartal.

Rydyn ni wedi cofrestru fel ArweinyddHyderus o ran Anabledd, ac ymrwymo i gyflogi a datblygu gyrfaoedd pobl anabl. Mae ein Cynllun Gwarantu Cyfweliad yn gwarantu y bydd pobl ag anableddau yn cael eu gwahodd i gyfweliad, ar yr amod eu bod yn bodloni'r gofynion hanfodol ar gyfer y rôl. Os oes gennych gyflwr iechyd, os ydych yn niwroamrywiol, neu'n defnyddio Iaith Arwyddion Prydain, a hoffech drafod addasiadau rhesymol, cysylltwch â'r rheolwr recriwtio. Gallwn weithio gyda chi i drefnu addasiadau os ydym yn gwybod pa ofynion sydd gennych, cyn i chi gyflwyno'ch cais, sefyll prawf neu ddod i gyfweliad.

Gwnewch yn siŵr mai drwy wefan swyddi gwag Cyngor Torfaen yn unig yr ydych chi'n gwneud cais am y swydd hon. Nid ydym yn derbyn CVs na cheisiadau sy'n cael eu cyflwyno ar unrhyw wefannau eraill.