Athro FTE 0.4 (Dros Dro) - Ysgol Gynradd Corneli

Cyflog: Graddfa Cyflog Athrawon

Athro FTE 0.4 (Dros Dro) - Ysgol Gynradd Corneli
Disgrifiad swydd
Dros dro hyd at 31 Awst 2026

Mae llywodraethwyr Ysgol Gynradd Corneli am benodi athro/athrawes ysgol gynradd uchel ei gymhelliant/uchel ei chymhelliant, arloesol a chreadigol i weithio'n rhan-amser (rhannu swydd) yng Ngham Cynnydd 2 neu 3. Yn y rôl hon, byddwch yn ysbrydoli meddyliau ifanc, yn meithrin cariad at ddysgu, ac yn creu amgylchedd ystafell ddosbarth difyr a llawn dychymyg. Os ydych yn ymrwymedig i feithrin potensial pob plentyn ac yn awyddus i ddod â syniadau ffres i'n cymuned ysgol, byddem wrth ein bodd yn clywed gennych! Mae hwn yn gyfle gwych i addysgwr ymroddedig ac angerddol gael effaith gadarnhaol ar gymuned ein hysgol.

Bydd angen i ymgeiswyr fod yn angerddol am arfer cynradd o ansawdd uchel, bod yn ymarferwyr gwych yn yr ystafell ddosbarth a gweithio'n effeithiol fel rhan o dîm. Rydym yn chwilio am rywun â diddordeb mewn cyfrannu at fywyd ehangach yr ysgol ac sy'n gallu cael effaith y tu hwnt i'w ystafell ddosbarth. Mae angen i ymgeiswyr fod â disgwyliadau uchel ar gyfer yr holl ddisgyblion yn academaidd ac o ran eu hymddygiad.

Dylai'r ymgeisydd llwyddiannus fod yn:

Angerddol am addysgu a dysgu a meddu ar ddisgwyliadau uchel;

Meddu ar wybodaeth a dealltwriaeth gref o'r cwricwlwm cynradd;

Yn meddu ar y gallu i weithio ar y cyd â'u partner rhannu swydd ac fel rhan o dîm;

Meddu ar sgiliau cyfathrebu a rhyngbersonol gwych;

Dangos ymrwymiad i ddatblygiad proffesiynol parhaus;

Dangos creadigrwydd ac arloesedd wrth gynllunio a chyflwyno gwersi;

Cymryd rhan weithredol yng nghymuned yr ysgol a chefnogi ei hethos.

Rydym yn cynnig ysgol hapus, greadigol a chynhwysol lle rydym yn gwerthfawrogi ein holl ddysgwyr a gweithio i sicrhau bod pob un yn cyrraedd ei botensial llawn.

Os ydych yn teimlo bod hon yn ysgol â'r heriau proffesiynol cywir i chi a'ch bod yn credu y gallwch ateb yr her honno rydym yn croesawu eich cais.

Mae'r gallu i gynnal sgwrs sylfaenol drwy gyfrwng y Gymraeg yn un o’r gofynion ar gyfer y swydd hon

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 18 Mehefin 2025

Dyddiad Llunio'r Rhestr Fer: 20 Mehefin 2025

Dyddiad y Cyfweliad: 3 Gorffennaf 2025

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person