Athro/Athrawes Uned Cyfeirio Disgyblion

Cyflog: 32,433 - 49,944 *

Ynglŷn â'r rôl
Sylwch fod y cyflog a hysbysebir ar gyfer y swydd hon yn amodol ar ddyfarniad cyflog sydd ar ddod. Bydd y cyflog terfynol yn cael ei addasu yn unol â'r dyfarniad cyflog a gytunwyd yn genedlaethol.

Mae'r rôl hon yn cynnig cyfle cyffrous i wneud gwahaniaeth go iawn i fywydau pobl ifanc o fewn ein cymuned. Fel rhan o'n tîm penodol, cewch gyfle i wella deilliannau addysgol o fewn amgylchedd sydd wedi'i deilwra'n benodol i ganolbwyntio ar unigolion.

Mae'r cyfrifoldebau o ddydd i ddydd yn cynnwys cynnal safonau dysgu ac addysgu uchel, cydlynu pecynnau cymorth ar gyfer disgyblion gydag Anghenion Dysgu Ychwanegol, a sicrhau iechyd, diogelwch a lles pob myfyriwr. Mi fyddwch chi hefyd yn darparu gofal bugeiliol o safon uchel, yn meithrin amgylchedd cynhwysol a deniadol, ac yn arwain y gwaith o fewn Maes Dysgu a Phrofiad i gyd-fynd â'r Cwricwlwm i Gymru Newydd.

Rydym yn chwilio am unigolyn gyda sgiliau cyfathrebu, trafod a rheoli ymddygiad cryf, yn ogystal ag agwedd bositif a chynhwysol tuag at amrywiaeth. Dylech allu uniaethu'n dda â phobl ifanc agored i niwed/heriol, gweithio'n effeithiol ar eich liwt eich hun ac fel rhan o dîm, ac arddangos hyblygrwydd, y gallu i ddatrys problemau, ac ymrwymiad i ddysgu a datblygiad parhaus.

Mae gwybodaeth am bolisïau a gweithdrefnau perthnasol, creadigrwydd wrth gynorthwyo ieuenctid agored i niwed, sgiliau trefnu, ac agwedd broffesiynol tuag at gynnal perthnasoedd hefyd yn briodweddau hanfodol ar gyfer y rôl hon.

Er bod rhuglder yn y Gymraeg yn ofynnol, bydd ymgeiswyr sydd heb y sgil hon yn derbyn cymorth llawn i ddod yn hyfedr os cânt eu penodi.

Disgrifiad Swydd a Manyleb Person

Am fwy o wybodaeth, cysylltwch â Gareth Lewis: LewisG245@hwbcymru.net

Cynhelir cyfweliadau yn Mai 2025

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnaublaenorolo reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Aberaeron Mae Aberaeron yn dref harbwr brydferth ac mae'n un o gyrchfannau gwyliau mwyaf poblogaidd Ceredigion gyda llefydd poblogaidd i aros a bwyta.
Darllen mwy