Ymgynghorydd Cefnogi Ysgolion

Cyflog: 61,106 - 67,133 *

Ynglŷn â'r rôl
Sylwch fod y cyflog a hysbysebir ar gyfer y swydd hon yn amodol ar ddyfarniad cyflog sydd ar ddod. Bydd y cyflog terfynol yn cael ei addasu yn unol â'r dyfarniad cyflog a gytunwyd yn genedlaethol.

Soulbury 16-21 (i gynnwys SPA 1, 2 +3 )

Dwyieithrwydd: Hanfodol

Mae Gwasanaeth Ysgolion Cyngor Sir Ceredigion yn chwilio am unigolyn deinamig a brwdfrydig iawn i fod yn Ymgynghorydd Cefnogi Ysgolion. Dyma gyfle cyffrous i ymuno â Gwasanaeth Ysgolion blaengar lle byddwch yn arweinydd allweddol ar y strategaethau i wella ysgolion yng Ngheredigion.

Mewn cydweithrediad â'r Rheolwr Corfforaethol Gwella Ysgolion a'r Swyddog Corfforaethol Dysgu Gydol Oes, Ysgolion a Diwylliant, byddwch yn cyfrannu at welliant addysgol trwy gefnogi, cynghori a herio ysgolion a phartneriaid i gyrraedd a chyflawni'r safonau uchaf. Mae Ceredigion yn rhan o Barterniaeth Addysg Canolbarth Cymru, ac yn cyd-weithio gyda Phowys i ddatblygu blaenoriaethau cytûn .

Disgwylir i'r ymgeisydd llwyddiannus:

• ymgymryd â gwaith ymgynghorol mewn ysgolion a chyda phartneriaid eraill o fewn yr awdurdod ac, o bryd i'w gilydd, ar draws awdurdodau eraill
• cyfrannu at waith y Tîm Gwella Ysgolion gan arwain ar faes penodol
• rheoli gwelliant mewn meysydd addysgol penodol yn sirol gan fynychu fforymau perthnasol ar lefel leol, gyda Pharneriaeth Canolbarth Cymru a chyda'r Llywodraeth
• cyfrannu at ddatblygu cymorth ysgol i ysgol drwy helpu i nodi arfer arloesol ac effeithiol a chefnogi cydweithio rhwng ysgolion
• cyfrannu at frocera a chydlynu cymorth i ddiwallu anghenion ysgolion
• cynghori a chynorthwyo gwaith un o'r pwyllgorau talaith
• bod yn Reolwr Llinell ar aelodau staff penodol, gan fonitro a hybu eu datblygiad proffesiynol
• cyfrannu yn ôl y gofyn i bob agwedd o yrru gwelliant mewn ysgolion

Disgrifiad Swydd a Manyleb Person

Cyfweliad

Cynhelir cyfweliadau ar y 29ain o Ebrill.

Ar ddechrau'r cyfweliad, bydd gofyn i chi gyflwyno, am ddeg munud ar y mwyaf, ar "Eich gweledigaeth am wella ysgolion yng Ngheredigion dros y 3 blynedd nesaf"

Am sgwrs anffurfiol, cysylltwch Rhianydd James, Rheolwr Corfforaethol Gwella Ysgolion ar 07811 593801 neu drwy e-bost rhianydd.james@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Canolfan Rheidol Mae ein swyddfa yn Aberystwyth, Canolfan Rheidol, yn adeilad sydd wedi ennill gwobrau. Mae'r swyddfa, gyda'i dyluniad cynllun agored, yn darparu lle rhagorol ar gyfer gweithio ar y cyd.
Darllen mwy Aberystwyth Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll. Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy