Pennaeth - Ysgol Gynradd Cwm Ogwr

Cyflog: Graddfa arweinyddiaeth L15 – L21* £71,523.00 - £82,047.00*

Pennaeth - Ysgol Gynradd Cwm Ogwr
Disgrifiad swydd
32.5 awr yr wythnos

Mae Ysgol Gynradd Cwm Ogwr wedi'i lleoli i'r gogledd o Ben-y-bont ar Ogwr a ger cyffordd 36 traffordd yr M4. Mae'r ysgol yn gwasanaethu dalgylch amrywiol ac mae'n ganolog i'r gymuned leol gyda staff cyfeillgar. Mae'r ysgol ar daith ddatblygiadol ac mae ganddi 300 o ddisgyblion ar y gofrestr.

A chithau'n Bennaeth, Dirprwy Bennaeth neu'n weithiwr proffesiynol ym myd addysg, bydd gennych brofiad rheoli sylweddol gyda sgiliau arweinyddiaeth, sefydliadol a rhyngbersonol profedig. Byddwch yn ymroddedig i arwain drwy esiampl a gweithio mewn partneriaeth â disgyblion, staff, rhieni a llywodraethwyr, a'r gymuned leol i ddarparu amgylchedd lle mae'r staff a'r disgyblion yn cael eu cynorthwyo i ffynnu a chyflawni eu potensial llawn.

Rydym yn chwilio am Bennaeth â gweledigaeth glir i barhau'r ymgyrch i sicrhau safonau uchel yn yr ysgol. Bydd yn ofynnol i chi ddarparu arweinyddiaeth i'r ysgol i gynnal ei llwyddiant ac i sicrhau addysg o safon uchel i bob disgybl a pharhau i godi safonau cyflawniad.

Rhaid i ymgeiswyr sy'n gwneud cais am eu penodiad cyntaf yn Bennaeth feddu ar y CPCP.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 30 Ebrill 2025

Dyddiad Llunio'r Rhestr Fer: 03 Mai 2025

Dyddiad y Cyfweliad: 12 & 13 Mai 2025

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person