Athro/Athrawes - Ysgol Gynradd Waldo Williams (Cyfnod Penodol)

Cyflog: Pay Scale Within: £32,433 - £49,944

Mae hon yn swydd cyfnod penodol (32.5 awr yr wythnos) hyd at 30 Ebrill 2026, yn cyflenwi ar gyfer cyfnod sabothol athro.

Mae Ysgol Gynradd Waldo Williams yn ysgol fywiog a chynhwysol ag ymrwymiad cryf i feithrin potensial pob plentyn. Rydym yn ymfalchïo mewn creu amgylchedd cadarnhaol a gofalgar lle gosodir disgwyliadau uchel er mwyn rhoi'r cyfle gorau posibl i'n disgyblion i lwyddo. Rydym yn gwerthfawrogi'r cydberthynasau rhagorol yr ydym wedi'u meithrin â phlant, rhieni, a'r gymuned leol, ac mae'n staff ymroddedig yn chwarae rhan ganolog wrth sicrhau bod y cysylltiadau hyn yn parhau'n gadarnhaol a chynhyrchiol.

Mae ein corff llywodraethu yn awyddus i benodi athro dosbarth eithriadol ac arloesol sy'n rhannu ein hethos ac sy'n frwdfrydig dros gofleidio egwyddorion Cwricwlwm i Gymru. Bydd yr ymgeisydd llwyddiannus yn ymuno â'n tîm proffesiynol sy'n gyfeillgar, yn brofiadol, ac yn ymroddedig.

Rydym yn chwilio am unigolyn sydd:

• Yn ymrwymo i ddarparu addysg a gofal cynhwysol o ansawdd uchel sy'n cyffroi ac yn ennyn diddordeb pob disgybl.
• Yn ymroddedig i sbarduno cynnydd a chodi safonau ar draws pob maes dysgu.
• Yn fedrus wrth gynllunio a chyflwyno gwersi difyr sy'n adlewyrchu pedwar diben y cwricwlwm, gan feithrin llythrennedd, rhifedd, a sgiliau digidol o ansawdd uchel ar draws yr holl Feysydd Dysgu a Phrofiad.
• Yn frwdfrydig, yn llawn cymhelliant, ac yn arloesol yn ei ymagwedd at addysgu a dysgu.
• Yn hyblyg, yn deg, ac yn ymatebol i anghenion datblygiadol plant.
• Yn gyfathrebwr cryf sy'n ffynnu fel rhan o dîm cydweithredol.
• Yn gallu meithrin a chynnal cydberthynasau cadarnhaol â'r holl randdeiliaid.
• Yn barod i gymryd rhan mewn gweithgareddau allgyrsiol i gyfoethogi cymuned yr ysgol.
• Â diddordeb mewn datblygu addysg awyr agored, maes yr ydym yn awyddus i'w ehangu.
• Yn ymrwymo i'w ddatblygiad proffesiynol ei hun a dysgu parhaus.

Yn gyfnewid, gallwn gynnig canlynol i chi:

• Cefnogaeth a chyfleoedd parhaus ar gyfer datblygiad proffesiynol
• Corff llywodraethu cefnogol ac ymrwymedig
• Amgylchedd dynamig, ysgogol, a heriol i weithio ynddo.
• Y cyfle i weithio gyda phlant chwilfrydig a brwdfrydig a theuluoedd cefnogol.

Os ydych chi'n frwd dros wneud gwahaniaeth ac yn meddu ar y rhinweddau rydym yn chwilio amdanynt, byddem wrth ein bodd yn clywed gennych chi.

Fideo Addysgu Sir Benfro: Fideo - Cyngor Sir Penfro

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg ddim yn hanfodol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.