Pennaeth Bwyd a Maeth - Ysgol Bro Gwaun

Cyflog: Pay Scale Within: £32,433 - £49,944

PENNAETH BWYD A MAETH- TLR 2a

Llawn Amser/Parhaol

Tâl: Prif Raddfa

Ar gyfer mis Medi 2025.

Ydych chi'n addysgwr angerddol ac arloesol sy'n barod i arwain ac ysbrydoli'r genhedlaeth nesaf o gogyddion, maethegwyr a defnyddwyr gwybodus?

Mae Ysgol Bro Gwaun yn chwilio am Bennaeth Bwyd a Maeth deinamig ac ymroddedig i ymuno â'n tîm bywiog. Mae hwn yn gyfle gwych i athro brwdfrydig arwain adran ffyniannus a chwarae rhan allweddol wrth lunio cwricwlwm a phrofiadau myfyrwyr. Mae Bwyd a Maeth yn bwnc poblogaidd yn yr ysgol.

Mae Ysgol Bro Gwaun yn ysgol uwchradd gyfun ddwyieithog 11-16 wedi'i lleoli ar safle hardd sy'n edrych dros Harbwr Abergwaun. Rydym yn ysgol boblogaidd a gor-danysgrifiedig. Mae ein hadeilad pwrpasol gwerth £14 miliwn yn cynnig y cymysgedd perffaith rhwng mannau dysgu traddodiadol ac arloesol, gan greu amgylchedd dysgu gwirioneddol yr 21ain Ganrif gyda chyfleusterau eithriadol.

Mae'r gallu i ddysgu trwy gyfrwng y Gymraeg yn ddymunol.

Am sgwrs anffurfiol ynglŷn â'r swydd hon, cysylltwch â Mr Paul Edwards, Pennaeth yr ysgol head.teacher@ysgolbrogwaun.com neu 01348 872268.

Dyddiad cau: 24 Ebrill 2025

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.