Swyddog Cyllid – Gwerthiannau CC/2823

Cyflog: £25,437 - £26,077

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Swyddog Cyllid (Gwerthiannau)

Lleoliad: Safle Llaneurgain

Math o Gontract: Parhaol/Llawn Amser

Cyflog: £25,437 - £26,077

Rydym yn chwilio am Swyddog Cyllid - Cyfriflyfr Gwerthiannau i ymuno â'n tîm Cyllid ar ein safle yn Llaneurgain. Fel y Swyddog Cyllid, byddwch chi'n gyfrifol am sicrhau bod yr holl daliadau sy'n cael eu gwneud i'r coleg yn cael eu postio a'u dosbarthu'n gywir mewn modd amserol. Mae cyfrifoldebau eraill yn cynnwys casglu dyledion a chyflawni'r gweithdrefnau o ddydd i ddydd sy'n gysylltiedig â chynnal systemau ariannol colegau.

Byddwch yn monitro cofnodion ariannol i sicrhau cydymffurfiaeth â rheoliadau a gweithdrefnau ariannol, a byddwch yn cysoni ac yn cynhyrchu datganiadau ariannol ac adroddiadau priodol a chysylltu â staff y coleg a phartïon allanol fel bo'r angen. Byddwch yn cynorthwyo gyda llunio gweithdrefnau a systemau ariannol ac yn ymgymryd â dyletswyddau gweinyddol cyffredinol y swyddfa i gynorthwyo gyda'r swyddogaeth Cyllid.

Felly, os oes gennych chi TGAU Saesneg a Mathemateg (Gradd C neu uwch) ynghyd â lefel Ganolradd AAT neu gymhwyster ariannol cyfwerth, yna efallai mai dyma'r cyfle perffaith i chi!

Nid yw profiad yn hanfodol - ond rydym yn gofyn eich bod yn gallu defnyddio rhaglenni Microsoft Office, a MS Word ac Excel ar lefel ganolradd, a bod gennych sgiliau datrys problemau ardderchog, sy'n eich galluogi i wneud penderfyniadau ariannol lefel isel sydd o fewn cyfyngiadau gweithdrefnau a rheoliadau ariannol. Bydd gofyn i chi fod yn rhagweithiol ac yn hunan-gymhellol hefyd, a bod gennych ddycnwch i allu cwblhau tasgau mewn pryd a'r gallu i roi sylw gofalus i fanylion, i'ch galluogi i groeswirio data yn fanwl gywir.

Gofynion Hanfodol

• TGAU gradd C neu uwch mewn Mathemateg a Saesneg
  
• Yn meddu ar gymhwyster ariannol Lefel Canolradd/cyfwerth AAT neu brofiad perthnasol
  
• Gwybodaeth weithredol dda o Microsoft Office, yn gallu defnyddio MS Word ac Excel i lefel Canolradd ac yn gymwys gyda Google.
  
• Gallu datrys problemau a gwneud penderfyniadau ariannol lefel isel sydd o fewn cyfyngiadau gweithdrefnau a rheoliadau ariannol
  
• Gallu rhoi sylw gofalus i fanylion a gallu croeswirio data yn fanwl gywir.
  
• Yn ddygn i allu cwblhau tasgau mewn pryd
  

Mae sgiliau Cymraeg yn ddymunol ar gyfer y swydd hon.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grŵp staff amrywiol fel rhan o hynny.

Mae diogelwch plant, pobl ifanc ac oedolion, y nodwyd eu bod yn 'agored i niwed', yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo llesiant yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Os byddwch yn llwyddiannus, efallai y bydd yn ofynnol i chi gofrestru gyda Chyngor y Gweithlu Addysg, yn ddibynnol ar y swydd yr ydych yn ymgeisio amdani.

Sylwer bod Coleg Cambria yn cadw'r hawl i gau ein swyddi gwag yn gynharach na'r dyddiad a nodwyd petaem yn derbyn nifer fawr o geisiadau. Byddem yn argymell eich bod yn cwblhau eich cais cyn gynted ag y bo modd os ydych yn dymuno cael eich ystyried ar gyfer y swydd.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar y safle

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai