Pennaeth ( Ysgol Gynradd yr Eglwys yng Nghymru Llanfechain)

Cyflog: ISR L6 – L12

Pennaeth ( Ysgol Gynradd yr Eglwys yng Nghymru Llanfechain)
Swydd-ddisgrifiad
CYNGOR SIR POWYS

Gofynnol ar gyfer Medi 2025

Pennaeth

Ysgol Gynradd yr Eglwys yng Nghymru Llanfechain

Nifer ar y Gofrestr - 44 o ddisgyblion

Swydd 3 diwrnod wythnos

ISR L6 - L12

Mae Corff Llywodraethwyr Ysgol Gynradd yr Eglwys yng Nghymru Llanfechain yn chwilio am unigolyn brwdfrydig, arloesol ac ymroddedig, sydd â lefel uchel o hunangymhelliant, i arwain cyfle addysg unigryw ym Mhowys. Mae'r Llywodraethwyr yn cynnig swydd pennaeth tri diwrnod yr wythnos.

Prif ffocws y swydd fydd arweinyddiaeth a rheolaeth strategol o fewn yr ysgol gyda hanner diwrnod yr wythnos o gyfrifoldeb addysgu i ddechrau.

Amlygodd ein harolygiad Estyn diweddar (Gorffennaf 2024) ein hysgol fel "cymuned ddysgu hapus, gefnogol ac ysbrydoledig "lle mae'r disgyblion yn "falch o'u hysgol ac yn gwerthfawrogi'r gofal a'r anogaeth a gânt." Mae hyn yn sail i lawer o'r hyn a wnawn. Nododd Estyn hefyd ein "cwricwlwm diddorol a chytbwys" sy'n adlewyrchu anghenion ein disgyblion yn ogystal â gwerthoedd a chyd-destun ein hysgol. Bydd yr ymgeisydd llwyddiannus yn bennaeth a fydd yn adeiladu ar hyn ochr yn ochr â'r tîm cydwybodol ac ymroddedig o staff i barhau i gyflawni'r gorau posibl i'r disgyblion a chymuned yr ysgol.

Yn gyfnewid, gallwn gynnig i chi:

• Staff brwdfrydig ac ymroddedig
• Corff Llywodraethu cefnogol
• Plant sy'n cael eu gwerthfawrogi, sy'n hapus ac yn awyddus i ddysgu
• Amgylchedd gwaith a dysgu deniadol a dymunol

Mae'r cyfrifoldebau penodol yn cynnwys:

• darparu arweinyddiaeth a chyfeiriad strategol o fewn yr ysgol
• sicrhau safonau uchel a chysondeb darpariaeth addysgol;
• mentora datblygiad proffesiynol staff;
• meithrin a datblygu partneriaethau agos gyda disgyblion, staff, rhieni, llywodraethwyr, cymunedau ysgol, busnesau lleol ac ysgolion uwchradd lleol.

Bydd angen i'r ymgeisydd llwyddiannus:

• gyda NPQH, Bennaeth Cyfredol, Pennaeth sy'n Dychwelyd neu yn gwneud cais am y rhaglen NPQH,
• bod yn gwbl gyfarwydd â'r cwricwlwm newydd i Gymru;
• meddu ar brofiad o arweinyddiaeth a rheolaeth effeithiol;
• disgwyliadau uchel;
• sgiliau rhyngbersonol a chydweithredol effeithiol;
• tystiolaeth o godi cyflawniad;
• y gallu i fod yn egnïol, brwdfrydig, creadigol ac ysbrydoledig;
• ymrwymiad i ddatblygiad proffesiynol parhaus;
• ymrwymiad i ddatblygu'r Gymraeg a diwylliant Cymru.

Croesewir ymweliadau â'r ysgolion drwy apwyntiad gyda'r ysgol rhwng y 4ydd a'r 18fed o Fawrth. Cysylltwch ag Emma Williams ar 01691 828537 i drefnu .

Dyddiad cau: 20 Mawrth 2025

Rhagwelir y bydd rhestr fer a chyfweliadau'n digwydd fel a ganlyn:

Rhestr fer: 24 Mawrth 2025

Cyfweliadau: 2 Ebrill 2025

Mae'n bosibl y bydd y dyddiadau hyn yn newid.

Dylid dychwelyd ffurflenni wedi'u cwblhau i'r Gwasanaethau Cyflogaeth, Adnoddau Dynol, Neuadd y Sir, Llandrindod, Powys LD1 5LG erbyn

Dydd Iau 20 Mawrth 2025, heb fod yn hwyrach na 5pm.

Mae gofyn bod â Gwiriad Manwl y Gwasanaeth Datgelu a Gwahardd (DBS).