Cymhorthydd Addysgu - Ysgol John Bright

Cyflog: GO4 gwirioneddol pro rata £ 22,366-£23,465 y flwyddyn

Ysgol John Bright

Cymhorthydd Addysgu yn ein Darpariaeth Engage

Cyflog GO4 gwirioneddol pro rata £ 22,366-£23,465 y flwyddyn Cyfwerth â £ 25,992-£27,269 llawn-amser y flwyddyn
Tymor ysgol yn unig 37 awr yr wythnos - yn dechrau Pasg 2025

Mae gennym gyfle cyffrous ar gyfer cynorthwyydd addysgu brwdfrydig, ymroddedig, profiadol i ymuno â'n tîm o staff llwyddiannus a blaengar. Rydym yn awyddus i recriwtio cydweithiwr sydd ag ymrwymiad, menter bersonol, brwdfrydedd, empathi ac egni, a fydd yn gweithio gyda ni i gefnogi a gwella dysgu ein myfyrwyr yn ein hysgol gyfeillgar ac ysbrydoledig.

Bydd gennych ddisgwyliadau uchel, y gallu i ysbrydoli, chwerthin a mwynhau heriau'r rôl. Byddwch yn chwaraewr tîm; byddwch yn mynd yr ail filltir i gefnogi ein myfyrwyr. Mae'r rôl hon wedi'i lleoli yn 'Engage', ein canolfan cynhwysiant ar y safle sy'n cefnogi grŵp bach o fyfyrwyr mewn ffordd bwrpasol, yn seiliedig ar eu hanghenion emosiynol, ymddygiadol a/neu les. Mae Engage yn cael ei arwain gan athro profiadol, gyda chymorth dau gynorthwyydd addysgu, ac un o'r rhain yw'r rôl a hysbysebir yma.

Y dyddiad cau a'r terfyn amser ar gyfer ceisiadau yw hanner nos Dydd Llun 3ydd Mawrth 2025

Cyfweliadau w/d 10fed Mawrth 2025

Byddwch :

• Wedi cael eich hyfforddi mewn strategaethau perthnasol i gefnogi dysgu a rheoli ymddygiad
• Yn hunan-gymhellol, yn hynod drefnus ac yn chwaraewr tîm da
• Yn meddu ar sgiliau rhyngbersonol rhagorol, yn enwedig gyda phobl ifanc
• Yn meddu ar sgiliau llythrennedd a rhifedd da
• Yn cynnig ymagwedd gynnes, ofalgar a hyblyg tuag at y rôl
• Yn gwerthfawrogi'r cyfraniad y mae eich rôl yn ei wneud i bobl ifanc.

Rydym yn cynnig:

• Cyfleoedd rhagorol i ddatblygu'n broffesiynol
• Ethos o ddisgwyliadau uchel ar gyfer myfyrwyr a staff
• Amgylchedd gwaith proffesiynol ysgogol a chefnogol
• Cyfleusterau o'r radd flaenaf mewn adeilad, ac ar safle, modern a deniadol
• Ffocws ar lesiant staff
• Ethos 'ffenestr ar y byd' sy'n cyfoethogi profiadau dysgu

Mae Ysgol John Bright wedi ymrwymo i ddiogelu a hyrwyddo lles plant a phobl ifanc. Mae'n hanfodol bod pob aelod o staff yn rhannu'r ymrwymiad hwn. Oherwydd natur y swydd byddwn yn gofyn am ddatgeliad gan y Gwasanaeth Datgelu a Gwahardd ar gyfer yr ymgeiswyr llwyddiannus. Mae'n ofynnol i'r ymgeisydd llwyddiannus gofrestru gyda Chyngor y Gweithlu Addysg cyn dechrau cyflogaeth. Mae'r gallu i gyfathrebu trwy gyfrwng y Gymraeg yn ddymunol.

This form is also available in English