Cynorthwyydd Cymorth Dysgu 1:1 (Lefel 1) – Ysgol Gymunedol Neyland

Cyflog: Grade 3 - £24,027 pro rata

Cynorthwyydd Addysgu 1:1 (Lefel 1) - Canolfan Adnoddau Dysgu Cynradd

Parhaol (yn amodol ar y disgybl yn parhau ar y gofrestr) - swydd amser llawn (32 awr yn ystod y tymor)

O ddydd Llun, 5 Mai 2025

Gradd 3 - £24,027 am 32 awr yr wythnos yn ystod y tymor yn unig am 45.8 wythnos y flwyddyn sy'n cyfateb i £18,253.34 pro rata yn codi i 46.8 wythnos, £18,651.88 pro rata y flwyddyn ar ôl 5 mlynedd o wasanaeth.

Mae llywodraethwyr Ysgol Gymunedol Neyland yn awyddus i benodi cynorthwyydd cymorth dysgu brwdfrydig i weithio un i un gyda disgybl ag anghenion dysgu a meddygol cymhleth yng nghanolfan adnoddau dysgu newydd ein hysgol gynradd.

Byddai disgwyl i'r ymgeisydd llwyddiannus weithio'n unig gyda disgybl ag anghenion dysgu a meddygol cymhleth. Byddai hyn yn golygu sicrhau bod y disgybl yn ddiogel, yn cael gofal da a bod ei anghenion meddygol yn cael eu diwallu.

Fel gofalwr byddwch yn gyfrifol am y canlynol:

• Monitro a rheoli lefelau glwcos yn y gwaed, gan gynnwys rhoi inswlin yn ôl y gofyn.
• Rheoli prydau a byrbrydau yn unol ag anghenion deietegol.
• Darparu gofal a chymorth cyson, anogol, wedi'u teilwra i anghenion datblygiadol penodol y plentyn.
• Cyfathrebu'n effeithiol gan ddefnyddio dulliau amgen fel cymhorthion gweledol neu system arwyddo 'Signalong', i ennyn diddordeb y plentyn a'i gefnogi.
• Dilyn trefn arferol strwythuredig a chydweithio â rhieni i sicrhau amgylchedd diogel a chefnogol.

Gofynion ar gyfer y swydd:

• Profiad neu barodrwydd i hyfforddi i reoli diabetes math 1, gan gynnwys rhoi inswlin.
• Profiad o weithio gyda phlant ag awtistiaeth, yn enwedig y rhai dieiriau.
• Byddai meddu ar wybodaeth am ddulliau cyfathrebu amgen yn ddymunol iawn.
• Tystysgrif cymorth cyntaf gyfredol, gan gynnwys cymorth cyntaf pediatrig, neu barodrwydd i hyfforddi.
• Agwedd ofalgar, amyneddgar a hyblyg tuag at roi gofal.
• Gallu gweithio dan arweiniad y staff addysgu a/neu uwch staff.
• Gallu cynorthwyo gyda datblygu a gweithredu cynlluniau addysg/ymddygiad unigol a rhaglenni gofal bugeiliol.

Bydd yr ymgeisydd llwyddiannus yn llawn cymhelliant ac yn meddu ar ddisgwyliadau uchel am ofal disgyblion.

Gallwn gynnig cymuned ysgol gynnes, feithringar wedi'i thanategu gan ethos cryf a chefnogaeth tîm o staff a llywodraethwyr ymroddedig a gweithgar. Mae hwn yn gyfle gwych i fod yn rhan o'n Canolfan Adnoddau Dysgu sydd newydd ei sefydlu.

Nododd ein harolygiad llwyddiannus diweddar gan Estyn (Mawrth 2023) lawer o gryfderau:

Mae Ysgol Gymunedol Neyland yn fan lle mae disgyblion, staff a theuluoedd yn teimlo eu bod yn cael eu croesawu a'u cefnogi.

Cryfder nodedig yn yr ysgol yw'r ethos gofalgar cryf a'r ymddiriedaeth a'r parch rhwng disgyblion a staff. Mae arweinwyr yr ysgol wedi datblygu diwylliant cadarnhaol o waith tîm ymhlith y staff a'r gymuned leol. Mae'r ysgol yn darparu ystod gyfoethog, eang a chytbwys o brofiadau dysgu a darpariaeth ychwanegol.

Yn ein hysgol, rydym yn siarad am 'fynd yr ail filltir' ac yn dangos hyn yn weithredol i'n plant, ein teuluoedd a'n cymuned. Mae'n allweddol bod yr ymgeisydd llwyddiannus yn rhan o hyn ac yn arddangos sgiliau i ddod yn rhan weithredol o'n hethos cadarnhaol a gofalgar tra'n darparu profiadau dysgu cyfoethog i'n disgyblion.

Os oes arnoch angen rhagor o wybodaeth am y rôl cysylltwch â'r Pennaeth Cynorthwyol/Cydlynydd Anghenion Dysgu Ychwanegol ar 01646 600659 i drefnu ymweliad.

Cymerwch olwg hefyd ar wefan ein hysgol https://neylandcommunity-school.co.uk/home a'n tudalen Facebook i ddysgu mwy am ein hysgol effeithiol.

Dyddiad cau: Dydd Llun, 3 Mawrth 2025

Llunio'r rhestr fer: Dydd Mawrth, 4 Mawrth 2025

Cyfweliadau: Dydd Gwener, 21 Mawrth 2025

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg ddim yn hanfodol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.