Cynorthwyydd Cymorth Therapi Iaith a Lleferydd

Cyflog: 25,584 - 26,835 *

Ynglŷn â'r rôl
Rydym am recriwtio cynorthwyydd cymorth therapi iaith a lleferydd (SALTSA) i ymuno â'r tîm ADY yn barhaol am 34 awr yr wythnos.

Bydd y rôl yn cynnwys darparu sesiynau therapi iaith a lleferydd i ddisgyblion unigol o dan arweiniad y Therapydd Iaith a Lleferydd yn ystod amseroedd tymor ysgol yn unig. Rhagwelir y bydd y sesiynau yn cael eu cynnal wyneb yn wyneb yn bennaf yn ysgolion cynradd Ceredigion.

O ddydd i ddydd byddwch yn:

• ymweld a disgyblion ysgolion Ceredigion
• darparu cefnogaeth unigol i ddisgyblion penodol ag anawsterau lleferydd ac iaith
• defnyddio sgiliau/hyfforddiant/profiad arbenigol i ddarparu cefnogaeth allgymorth i ddisgyblion ag anawsterau lleferydd ac iaith
• sefydlu perthnasoedd adeiladol gyda'r disgyblion a rhyngweithio â nhw yn unol ag anghenion unigol
• sefydlu perthnasoedd adeiladol gyda rhieni/gofalwyr
• rhoi adborth manwl a rheolaidd i'r athro a therapydd lleferydd ac iaith ar gyflawniad, cynnydd, problemau ac ati disgyblion
• paratoi, cynnal a defnyddio offer/adnoddau i atgyfnerthu rhaglenni Therapi Lleferydd ac Iaith
• mynychu a chymryd rhan mewn cyfarfodydd a hyfforddiant perthnasol a gweithgareddau dysgu eraill a datblygu perfformiad yn ôl yr angen

Rydym am recriwtio unigolyn sydd â:

• phrofiad o weithio gyda phlant oed cynradd neu ofalu amdanynt
• sgiliau TGCh effeithiol i gefnogi'r dysgu
• y gallu i hunanwerthuso anghenion dysgu a mynd ati i chwilio am gyfleoedd dysgu
• y gallu i gysylltu'n dda gyda phlant ac oedolion
• y gallu i weithio'n adeiladol ac yn hyblyg fel rhan o dîm, gan ddeall rolau a chyfrifoldebau a'ch safle eich hun yn y rhain
• y gallu i deithio'n annibynnol
• y gallu i gyfathrebu'n rhugl yn y Gymraeg ar lafar

Disgrifiad Swydd a Manyleb Person

Am wybodaeth bellach, cysylltwch â Cathrin Edwards: Cathrin.edwards@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Penmorfa Penmorfa yw ein swyddfa fwyaf canolog, dyma lle mae ein Prif Weithredwr a'n Cynghorwyr wedi'i leoli.
Darllen mwy Aberaeron Mae Aberaeron yn dref harbwr brydferth ac mae'n un o gyrchfannau gwyliau mwyaf poblogaidd Ceredigion gyda llefydd poblogaidd i aros a bwyta.
Darllen mwy