Cynorthwyydd Dysgu Lefel 3

Cyflog: £27,478 - £31,508

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 774

Sefydliad: Cyngor Sir Caerfyrddin

Adran: Gwasanaethau Ymddygiad

Nifer y swyddi gwag: 2

Math o gontract: Parhaol - Yn Ystod y Tymor yn Unig

Lleoliad: Sir Gaerfyrddin

Gradd: Gradd F +4%

Cyflog: £27,478 - £31,508

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr: £14.24 - £16.33

Oriau Contract: 32.5

Dewch i ymuno â'n tîm
Rydym yn ceisio cyflogi Cynorthwyydd Addysgu Lefel 3 yng Nghanolfan Addysgu a Dysgu Uwchradd Sir Gâr (CADUSG), bydd y rôl wedi'i lleoli'n bennaf yng Nghanolfan y Gors ym Mhwll, ond mae disgwyl i'r ymgeisydd llwyddiannus hefyd weithio mewn safleoedd yng Nghaerfyrddin a Phorth Tywyn. Mae CADUSG yn cynnwys tair canolfan sy'n addysgu disgyblion oedran uwchradd sy'n dangos anawsterau cymdeithasol, emosiynol ac ymddygiadol. Bydd yr ymgeisydd llwyddiannus yn darparu cefnogaeth lles emosiynol wrth fynd i'r afael ag anghenion disgyblion sydd angen cymorth penodol i oresgyn rhwystrau i ddysgu. Fel Cynorthwyydd Addysgu Lefel 3 bydd y swydd hefyd yn cynnwys goruchwylio disgyblion 1:1 lle bo angen yn ogystal â gweithio gyda grwpiau bach o ddisgyblion i ddarparu cymorth academaidd, cefnogaeth fugeiliol ac arwain rhaglenni lles. Bydd disgwyl hefyd i ddarparu cymorth allgymorth i fyfyrwyr a allai fod ei angen yn eu cartrefi neu o fewn y gymuned leol. Bydd hyn hefyd yn golygu gweithio ochr yn ochr â theuluoedd ac asiantaethau eraill i deilwra cefnogaeth.

Am sgwrs anffurfiol cysylltwch â Josie Chapman ar 01554 744249.

Disgrifiad Swydd: 013640.pdf - 185KB ~~EFORM_FILE_NEW_WINDOW~~

Lefel DBS: Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad: Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 07/10/2024, 23:55

Y Buddion

Rydym yn cynnig pecyn buddion ardderchog, gan gynnwys:

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.