Rheolwr Arholiadau a Gweithrediadau Chyrff Dyfarnu CC/2648

Cyflog: £52,374 - £58,610

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol. Ar ôl cael arolwg canmoliaethus gan Estyn yn ddiweddar, rydym yn teimlo bod hyn yn ddechrau da.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Rheolwr Arholiadau a Gweithrediadau Chyrff Dyfarnu

Lleoliad: Glannau Dyfrdwy (gyda'r gallu i deithio i bob safle)

Math o Gontract: Parhaol, Llawn Amser

Cyflog: £52,374 - £58,610

Mae Coleg Cambria yn chwilio am Reolwr Arholiadau a Gweithrediadau Cyrff Dyfarnu ymroddedig a phrofiadol i ymuno â'n tîm. Mae'r swydd hon yn hanfodol ar gyfer sicrhau bod cynllunio a chydlynu'r holl arholiadau ac asesiadau ar draws y coleg yn effeithiol, gan gadw at yr holl safonau ac arferion y mae'r cyrff dyfarnu a'r Cydbwyllgor Addysg yn eu gosod. Bydd yr ymgeisydd llwyddiannus yn gweithredu ar ran y coleg ym mhob mater sy'n ymwneud â gweinyddu arholiadau ac asesiadau'r cyrff dyfarnu, gan sicrhau bod dysgwyr yn cael profiad arholiad rhagorol ac yn cyrraedd eu llawn botensial.

Fel Rheolwr Arholiadau a Gweithrediadau Cyrff Dyfarnu, byddwch yn darparu gwasanaeth ymatebol a chynhwysfawr i gyrff dyfarnu, staff, dysgwyr a rhanddeiliaid eraill ynghylch holl arholiadau'r coleg. Byddwch yn rheoli pob ymholiad a chais yn effeithlon, gan gynnal safonau uchel i gynnal enw da'r coleg yn y sector addysg. Yn ogystal, byddwch yn gyfrifol am sicrhau bod pob dysgwr yn cael ei gofrestru ac wedi cael tystysgrif yn unol â rheoliadau cyrff dyfarnu.

Byddwch yn arwain y tîm Arholiadau, gan ymateb i flaenoriaethau presennol ac anghenion darpariaeth ar draws y coleg. Mae cyfrifoldebau allweddol yn cynnwys goruchwylio Arolygiadau Canolfannau Cyd-gyngor Cymwysterau (CGC), datblygu a hyrwyddo polisïau a gweithdrefnau arholiadau, a chynrychioli'r coleg mewn pwyllgorau allanol. Mae hyfforddiant a chymorth rheolaidd i staff, rhanddeiliaid a goruchwylwyr i sicrhau cydymffurfiaeth â'r CGC yn hanfodol.

Yn y swydd hon, byddwch yn rheoli storio deunyddiau arholiad cyfrinachol yn ddiogel, yn sicrhau cyfathrebu effeithiol a gwasanaethau i gwsmeriaid, ac yn cyd-weithio â rheolwyr ar draws y coleg. Byddwch hefyd yn datblygu targedau'r adran a dangosyddion perfformiad allweddol sy'n cyd-fynd â nodau strategol y coleg. Mae angen cefnogi'r Pennaeth Systemau Gwybodaeth i gyflawni amcanion yr adran ac arwain a rheoli rydych chi'n gyfrifol amdanynt trwy recriwtio, sefydlu, rheoli perfformiad a'u datblygu.

Mae nodweddion arbennig y swydd yn cynnwys y gallu i weithio oriau hyblyg, teithio i sawl safle yn ôl yr angen, a chymryd rhan yn Rhwydwaith Colegau Cymru ar gyfer Swyddogion/Rheolwyr Arholiadau. Os oes gennych gefndir cadarn mewn rheoli arholiadau, sgiliau arwain rhagorol, ac ymrwymiad i gynnal safonau uchel mewn addysg, rydym yn eich annog i wneud cais am y cyfle cyffrous hwn yng Ngholeg Cambria.

Gofynion Hanfodol

• Addysg at gymhwyster Lefel 4 o leiaf

• Cymhwyster Lefel 4/5 mewn Rheoli

• Profiad blaenorol a/neu'r gallu i arwain, hyfforddi ac ysbrydoli tîm.

• Gwybodaeth gynhwysfawr am y Cydbwyllgor Addysg a Chyrff Dyfarnu Arholiadau

• Gwybodaeth a dealltwriaeth o ddatblygu a gweithredu polisïau/strategaethau arholiadau

Mae sgiliau Cymraeg yn ddymunol ar gyfer y swydd hon.

Mae Coleg Cambria wedi ymrwymo i hyrwyddo proffil y Gymraeg.

Mae hyrwyddo'r Gymraeg yn rhan hanfodol o'n gwaith. Mae croeso i ymgeiswyr gyflwyno cais yn Gymraeg. Nid ydym yn trin cais a gyflwynwyd yn Gymraeg yn llai ffafriol na chais a chyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grwp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn 'agored i niwed' yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Byddai gofyn i chi hefyd gofrestru gyda'r Cyngor Gweithlu Addysg fel Athro Addysg Bellach.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig