Therapydd Sba CC/2651

Cyflog: £25,064 - £26,842

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol. Ar ôl cael arolwg canmoliaethus gan Estyn yn ddiweddar, rydym yn teimlo bod hyn yn ddechrau da.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Therapydd Sba

Lleoliad: Iâl

Math o Gontract: Parhaol / Llawn Amser

Cyflog: £25,064 - £26,842

Mae Coleg Cambria yn chwilio am Therapydd Sba angerddol ar gyfer ein safle Iâl. Yn y swydd hon, byddwch yn darparu triniaethau sba eithriadol i gleientiaid wrth fentora ein myfyrwyr mewn amgylchedd sba yn y byd go iawn. Byddwch yn arwain dysgwyr, gan sicrhau eu bod yn bodloni safonau proffesiynol, ac yn rhoi adborth i'w helpu i ddatblygu eu sgiliau cyflogadwyedd.

Mae'r cyfrifoldebau'n cynnwys rheoli apwyntiadau cleientiaid, cefnogi ymgyrchoedd hyrwyddo gan yr adran, a chael y wybodaeth ddiweddaraf am y cynhyrchion a'r triniaethau sba diweddaraf. Byddwch yn cydweithio ag addysgwyr cwricwlwm a staff Sba i sicrhau profiad dysgu cydlynol a gweithio gyda grwpiau cymunedol i ddatblygu gweithdai a sesiynau rhwydweithio.

Bydd gan yr ymgeisydd delfrydol sgiliau cyfathrebu cryf, y gallu i feithrin perthynas â chleientiaid a chydweithwyr, ac agwedd ragweithiol at ddatblygiad personol a phroffesiynol. Byddwch yn cynorthwyo i gynnal cyflenwadau sba, cynyddu archebion, a chyflawni targedau manwerthu ac ail-archebu a osodwyd gan y Rheolwr Trin Gwallt a Harddwch Masnachol.

Ymunwch â'n tîm deinamig yng Ngholeg Cambria, a helpwch i greu profiad rhagorol ac unigryw i ddysgwyr wrth wneud y mwyaf o gyfleoedd masnachol. Gwnewch gais rŵan i gyfrannu at dwf a llwyddiant ein myfyrwyr a'r sba.

Gofynion Hanfodol

• Diploma Lefel 4 neu gymhwyster cyfatebol mewn Therapi Sba (neu Lefel 3 yn gweithio tuag at Lefel 4)

• Graddau A-C mewn TGAU Mathemateg a Saesneg neu gymwysterau cyfwerth

• Profiad blaenorol o hwyluso neu fentora mewn cyd-destun sba neu lesiant

• Profiad helaeth o weithio yn y diwydiant gwallt a harddwch

• Dealltwriaeth o'r heriau tegwch a chynhwysiant y mae'r diwydiant Gwallt a Harddwch yn eu hwynebu

Mae sgiliau Cymraeg yn ddymunol ar gyfer y swydd hon.

Mae Coleg Cambria wedi ymrwymo i hyrwyddo proffil y Gymraeg.

Mae hyrwyddo'r Gymraeg yn rhan hanfodol o'n gwaith. Mae croeso i ymgeiswyr gyflwyno cais yn Gymraeg. Nid ydym yn trin cais a gyflwynwyd yn Gymraeg yn llai ffafriol na chais a chyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grwp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn 'agored i niwed' yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Byddai gofyn i chi hefyd gofrestru gyda'r Cyngor Gweithlu Addysg fel Athro Addysg Bellach.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig