Cymhorthydd Cefnogaeth Lefel 3 - Ysgol Eifionydd

Cyflog: £15,943 - £17,049 y flwyddyn

Manylion
Hysbyseb Swydd

ADDYSG

YSGOLION UWCHRADD

YSGOL EIFIONYDD, PORTHMADOG

(Ysgol Gyfun 11 - 16 oed, 369 o ddisgyblion)

Yn eisiau: 1af o Medi 2024.

CYMHORTHYDD CEFNOGAETH DYSGU LEFEL 3

Mae Llywodraethwyr yr ysgol yn awyddus i apwyntio person brwdfrydig ac egnïol ar gyfer y swydd uchod sydd yn meddu ar y cymwysterau priodol a'r sgiliau addas.

Oriau gwaith: 27.5 awr yr wythnos

(40 wythnos waith mewn blwyddyn ysgol sef 38 wythnos tymor ysgol, 5 diwrnod mewn hyfforddiant yn ogystal â bod ar gael i weithio cyfwerth a'ch oriau wythnosol yn ychwanegol tu hwnt i'r oriau arferol).

Graddfa Gyflog: Telir cyflog yn unol ag Amodau Gwaith ar gyfer Gweithwyr Llywodraeth Leol, Graddfa GS4 pwyntiau 7 - 11 (£15,943 - £17,049 y flwyddyn) yn ôl profiad a chymhwyster.

Mae'r gallu i gyfathrebu drwy gyfrwng y Gymraeg a'r Saesneg yn hanfodol ar gyfer y swydd hon. Mae'r ysgol yn gweithredu'n unol a'i Bolisi Iaith. Bydd angen i'r ymgeisydd gyrraedd y lefel ieithyddol sy'n cael ei nodi yn y Manylion Person.

Rydym yn annog pob ymgeisydd am swydd gyda'r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i'r ymgeisydd ystyried yn ofalus beth yw gofynion iaith y swydd a'r sefydliad ac a fyddai cyflwyno cais yn uniaith Gymraeg yn fwy addas).

Gwahoddir unrhyw un sydd â diddordeb a/neu angen mwy o wybodaeth i drafod yn anffurfiol â'r Pennaeth, Mr. Dewi Bowen B.Sc.

Gellir gyflwyno cais am y swydd yma ar-lein ar wefan Cyngor Gwynedd neu mae pecyn cais i'w cael gan Mrs. Marian Crowe, Rheolwr Busnes a Chyllid, Ysgol Eifionydd, Stryd Fawr, Porthmadog, Gwynedd, LL49 9HS (Rhif ffôn: 01766 512114, Ffacs 01766 514785); e-bost: sg@eifionydd.ysgoliongwynedd.cymru . Os dymunir ddychwelyd y cais drwy'r post, dylid ei ddychwelyd i'r cyfeiriad uchod erbyn y dyddiad cau.

DYDDIAD CAU: 10:00 Y.B, DDYDD LLUN, 29 O GORFFENNAF, 2024.

Bydd y Cyngor yn gofyn am gopi o'r dadleniad gan Wasanaeth Datgelu a Gwahardd a chadarnhad o gofrestriad gyda'r Cyngor Gweithlu Addysg gan yr ymgeisydd llwyddiannus cyn y gallent gychwyn yn yr Ysgol.

(The above is an advertisement for the post of a Level 3 Learning Support Assistant at Ysgol Eifionydd, Porthmadog for which the ability to communicate through the medium of Welsh and English is essential).

Mae'r awdurdod hwn wedi ymrwymo i ddiogelu a hyrwyddo lles plant a phobl ifanc ac mae'n disgwyl y bydd pob un o'i staff a'i wirfoddolwyr yn rhannu'r ymrwymiad hwn.

This authority is committed to safeguarding and promoting the welfare of children and young people and expects all staff and volunteers to share this commitment.

The Council will require a Disclosure and Barring Service Certificate and confirmation of registration with the Education Workforce Council for the successful applicant before they can start at the school.

Manylion Person

.

Swydd Ddisgrifiad

SWYDD: Uwch Cymhorthydd Cyflenwi ( Lefel 3)

ORIAU GWAITH: 27.5 awr yr wythnos
(38 wythnos tymor ysgol) 5 diwrnod HMS, a cyfwerth a wythnos gwaith yn ystod gwyliau.

YSTOD CYFLOG: Graddfa GS4 (Pwyntiau 7-11)

YN ATEBOL: Pennaeth

PWRPAS Y SWYDD

• Bydd yr Uwch Gymhorthydd Cefnogaeth Dysgu yn gyfrifol am oruchwylio dosbarthiadau yn unol â rhestr cyflenwi'r ysgol yn ystod absenoldebau staff dysgu.

• Sicrhau cefnogaeth i ddisgyblion unigol ac i grwpiau o ddisgyblion i alluogi mynediad i ddysgu. Gallai hyn gynnwys y rhai sydd angen gwybodaeth fanwl ac arbenigol mewn meysydd penodol.

• Cyfrannu at gylch cynllunio'r athro er mwyn sicrhau bod gan bob disgybl fynediad cyfartal i ddysgu.

Bydd yn gweithio fel rhan o dîm o staff ategol ac yn rhannu'r dyletswyddau canlynol:-

PRIF DDYLETSWYDDAU

Cefnogaeth dosbarth

• Cefnogi grwpiau penodol o ddisgyblion

• Sicrhau bod unrhyw waith sydd wedi cael ei osod i'r disgyblion gan yr athro/athrawes yn cael ei gwblhau yn ystod y wers.

• Sicrhau ymddygiad da yn y dosbarthiadau.

• Rhoi cymorth i ddisgyblion o fewn a thu allan i ddosbarthiadau gan ddilyn cyfarwyddiadau gan reolwyr yr ysgol.

• Paratoi'r ystafelloedd arholiadau mewn cydweithrediad gyda'r gofalwr a'r Swyddog Arholiadau /Pennaeth Cynorthwyol (Systemau) mewn da bryd cyn yr arholiad.

• Arolygu arholiadau mewnol ac allanol yr ysgol yn unol â'r rhestr ddyddiol gan sicrhau bod rheolau'r arholiad (gweler rheolau C.B.A.C. yn cael eu cadw'n gaeth.)

Cefnogaeth Ysgol

• Bod yn ymwybodol o'r polisïau a'r gweithdrefnau perthynol i gynhwysiad, amddiffyn plant, iechyd, diogelwch a diogeled, cyfrinachedd ac amddiffyn data, a chydymffurfio â hwy, gan adrodd am bob pryder wrth y person priodol.

• Cyfrannu at ethos/gwaith/amcanion cyffredinol yr ysgol, yn cynnwys y Cwricwlwm Newydd.

• Sefydlu perthynas bwrpasol a chyfathrebu gydag asiantaethau eraill, mewn cysylltiad â'r athro/athrawes, i gefnogi cyflawniad a chynnydd y disgyblion.

• Mynychu cyfarfodydd rheolaidd a chyfranogi ynddynt.

• Cymryd rhan mewn hyfforddiant a gweithgareddau dysgu eraill, fel y bo'n ofynnol.

• Adnabod cryfderau a meysydd arbenigedd yr hunan a defnyddio'r rhain i gynghori a chefnogi eraill.

• Darparu arweiniad a goruchwyliaeth briodol a chynorthwyo yn hyfforddiant a datblygiad staff cynhaliol eraill fel y bo'n briodol.

• Cymryd cyfrifoldeb am ddisgyblion ar deithiau addysgol ac mewn gweithgareddau yn yr ysgol.

• Dyletswydd cinio a iard yr ysgol yn ddyddiol a chadw golwg ar y drefniadaeth.

• Rheoli symudiadau'r disgyblion pan ar y coridorau

• Adrodd i'r Pennaeth / Penaethiaid Cynorthwyol ar unrhyw fater sy'n achosi pryder yn gyffredinol

• Unrhyw ddyletswyddau pellach ar gais y Pennaeth sydd yn gydnaws â'r swydd ddisgrifiad

• Ceisio ar lein - Sut?
  
• Rhestr Swyddi