Darlithydd Gwasanaethau Cyhoeddus/Amddiffynnol

Cyflog: £20.58 - £31.82 yr awr yn cynnwys hawl gwyliau, yn ddibynnol ar gymwysterau a phrofiad

Rydym yn awyddus i benodi darlithydd ym maes Gwasanaethau Cyhoeddus/Gwasanaethau Amddiffyn ar draws lefelau 1 (Cyflwyniad i Wasanaethau Cyhoeddus/Gwasanaethau Amddiffyn) hyd at Lefel 3 (cyfwerth â Safon Uwch). Gallech fod wedi gwasanaethu yn y Gwasanaethau Cyhoeddus/Amddifyn sydd â Gwisg Swyddogol megis y Fyddin, y Llynges, yr Awyrlu, yr Heddlu, Brigâd Dân, Ambiwlans, Parafeddygon, Tollau a Excise a Diogelwch, neu wedi gweithio'n agos gyda'r sector mewn rhyw ffordd, e.e. ymchwilio/cydweithio/gweithio mewn partneriaeth. Y diffiniad o wasanaethau amddiffyn sydd â gwisg swyddogol yw gwasanaethau arfog, yr heddlu, y gwasanaeth tân ac achub a'r gwasanaethau carchar. Byddem yn croesawu ceisiadau gennych os ydych wedi gwasanaethu yn y sector A/NEU wedi gweithio'n agos gyda'r sector hwn.

Bydd y swydd yn gyfle i chi ddatblygu fel darlithydd ym maes Gwasanaethau Cyhoeddus/Gwasanaethau Amddiffyn, o dan arweiniad a chyda chefnogaeth yr Arweinwyr Rhaglen sy'n gyfrifol am y ddarpariaeth yn yr adran. Byddai eich dyletswyddau yn cynnwys paratoi a chyflwyno darlithoedd diddorol i'n dysgwyr ynghyd â'r gwaith gweinyddu, asesu a dilysu sy'n gysylltiedig â'r dyletswyddau hyn. Anogwn y defnydd o ddulliau dysgu ac addysgu ymarferol a gweithredol er mwyn gwneud y dysgu'n ddiddorol. Byddwch yn gallu cymhwyso eich gwybodaeth a'ch profiad i'r dysgu a'r addysgu a gyflwynir. Bydd hyn yn sicrhau bod y dysgwyr yn ennill dealltwriaeth a gwerthfawrogiad trylwyr o'r dyletswyddau a'r swyddi y gall dilyn cyrsiau Gwasanaethau Cyhoeddus/Gwasanaethau Amddiffyn roi cyfle iddynt eu profi.

Byddai gan ein hymgeisydd delfrydol brofiad o addysgu a phrofiad o'r diwydiant, un ai yn y lluoedd arfog neu mewn gwasanaeth cyhoeddus/gwasanaeth amddiffyn arall. Fodd bynnag, croesewir ceisiadau hefyd gan arbenigwyr eraill o'r gwasanaethau cyhoeddus/gwasanaethau amddiffyn sy'n awyddus i gymryd eu camau cyntaf i'r maes addysgu.

Manylion Swydd
Cyfeirnod y Swydd
CM/294/24

Cyflog
£20.58 - £31.82 yr awr yn cynnwys hawl gwyliau, yn ddibynnol ar gymwysterau a phrofiad

Lleoliad Gwaith

• Llangefni

Hawl gwyliau
Hawl gwyliau wedi ei gynnwys yn y gradd yr awr a nodir uchod

Patrwm gweithio
Hyd at 16 awr yr wythnos

Dydd Llun - Tymor 2 (Nadolig i Haf) trwy'r prynhawn - pwnc -Gwaith Tîm ac Arweinyddiaeth

Dydd Mawrth - trwy'r flwyddyn trwy'r bore - pwnc Ymddygiad a Disgyblaeth

Dydd Mawrth - tymor 1 (Awst tan Ionawr) drwy'r prynhawn - pwnc -Gwaith Tîm ac Arweinyddiaeth

Dydd Gwener - trwy'r dydd, trwy'r flwyddyn - pwnc - Uned 5 Gwaith Tîm, Arwain a Chyfathrebu yn y Gwasanaethau Cyhoeddus mewn Lifrai

Hawliau Pensiwn
Cynllun Pensiwn Athrawon

Math o gytundeb
Rhan Amser a Delir wrth yr Awr

Dyddiad cau
07 Awst 2024
12:00 YH(Ganol dydd)