Darlithydd Peirianneg Drydanol & Electronig

Cyflog: £24,049 - £44,011 / blwyddyn

Darlithydd Peirianneg Drydanol & Electronig
Application Deadline: 1 July 2024

Department: Peirianneg

Employment Type: Llawn Amser

Location: Campws Graig

Reporting To: Pennaeth Peirianneg a Chyfrifiadureg

Compensation: £24,049 - £44,011 / blwyddyn

DescriptionMae Bwrdd Cyfarwyddwyr Coleg Sir Gâr a Choleg Ceredigion wedi ymrwymo i benodi'r staff gorau posibl sy'n cyflawni rhagoriaeth yn eu gwaith. Gan weithio i'r gwerthoedd a'r ymddygiadau sy'n tanategu cynllun strategol a busnes y sefydliad, mae'r Coleg yn ceisio staff sy'n arddangos creadigrwydd ac arloesedd, tra'n gyrru eu perfformiad eu hunain, a pherfformiad eraill, i ddarparu'r profiad a'r gwasanaeth gorau posibl i ddysgwyr.

Mae Maes Cwricwlwm y ddarpariaeth Peirianneg yn rhan o Faes Cwricwlwm y Diwydiannau Creadigol, Chwaraeon, Technoleg a Pheirianneg ac mae'n eistedd o fewn Cyfarwyddiaeth Llanelli a weithredir o Gampws y Graig. Mae pob dysgwyr yn dilyn llwybrau Sgiliau Llythrennedd neu Rifedd ochr yn ochr â'u prif gymhwyster ynghyd â rhaglen diwtorial fugeiliol gref.

Rydyn ni'n chwilio am Ddarlithydd dynamig a phrofiadol mewn Peirianneg Drydanol ac Electronig gydag arbenigedd mewn cyd-destunau Addysg Uwch (AU) ac Addysg Bellach (AB). Mae'r swydd unigryw hon yn cynnig cyfle i ymgysylltu ag ystod amrywiol o ddysgwyr, o fyfyrwyr AB a phrentisiaid i fyfyrwyr AU sy'n dilyn cymwysterau lefel gradd. Bydd yr ymgeisydd llwyddiannus yn chwarae rôl hanfodol wrth siapio dyfodol peirianwyr uchelgeisiol, meithrin brwdfrydedd am y maes, a darparu'r sgiliau a'r wybodaeth iddynt ffynnu yn y diwydiant.

Cyfrifoldebau Allweddol Addysgu a Dysgu

• Cynllunio, datblygu a chyflwyno darlithoedd diddorol, tiwtorialau a sesiynau ymarferol wedi'u teilwra i gynulleidfaoedd AU ac AB hefyd mewn peirianneg drydanol ac electronig. Gallai testunau gynnwys: egwyddorion trydanol/electronig, electroneg ddigidol, technegau cyfathrebu analog a digidol, cyflyru signalau, cynllunio electronig a Rheolyddion Rhesymeg Rhaglenadwy (PLCs);
• Paratoi a rhoi ar waith deunyddiau cwricwlwm sy'n ateb anghenion dysgwyr ar wahanol lefelau addysgol, gan gynnwys mentrau Llywodraeth Cymru (ADCDF, Ethos Cymreig, Cyflogadwyedd), a sicrhau cam pontio didrafferth rhwng AB ac AU;
• Asesu a gwerthuso cynnydd myfyrwyr trwy amrywiol ddulliau, darparu adborth adeiladol a gosod targedau sy'n alinio gyda gofynion AB ac AU hefyd;
• Meithrin amgylchedd dysgu cadarnhaol a chynhwysol sy'n annog cyfranogiad myfyrwyr, meddwl yn feirniadol, a llwyddiant academaidd ar draws pob lefel;
• Croesawu technolegau digidol a strategaethau dysgu arloesol i wella'r profiad dysgu yng nghyd-destunau AB ac AU hefyd.

Datblygu'r Cwricwlwm

• Cymryd rhan weithredol wrth ddatblygu ac adolygu deunyddiau cwricwlwm, gan sicrhau aliniad â safonau diwydiant, y datblygiadau diweddaraf yn y maes, a gofynion penodol cymwysterau AB ac AU hefyd;
• Cyfrannu at gynllunio a gwella rhaglenni prentisiaeth, gan sicrhau eu bod yn bodloni gofynion diwydiant ac yn darparu llwybr i addysg uwch;
• Cadw ar y blaen i ddatblygiadau cwricwlwm, gwybodaeth bwnc, a datblygiadau diweddaraf o ran addysgu er mwyn cynnal safon uchel o addysg ar lefel AB ac AU yn ogystal.

Ymchwil a Gweithgarwch Ysgolheigaidd (Ffocws AU)

• Ymgymryd â gweithgareddau datblygiad proffesiynol ac ysgolheigaidd cysylltiedig â maes eich arbenigedd, gan wella eich gwybodaeth am y datblygiadau diweddaraf mewn peirianneg drydanol ac electronig;
• Cynnal/datblygu cysylltiadau â diwydiant a darparwyr AU eraill gyda chefnogaeth “Llwybr Diwydiant” y coleg;
• Mentora a goruchwylio myfyrwyr AU mewn gwersi, gweithgareddau ymarferol a phrosiectau ymchwil. Cefnogi Dysgwyr (AB ac AU) Darparu cymorth academaidd ac arweiniad i ddysgwyr ar bob lefel, a gweithredu fel tiwtor cwrs neu diwtor personol yn ôl y gofyn;
• Cynnig cymorth ychwanegol drwy sesiynau adolygu, cymorth astudio a mentora i helpu dysgwyr gyflawni eu potensial llawn;
• Hyrwyddo ymddygiad positif dysgwyr a rheoli ymddygiad yn unol â pholisïau'r coleg;
• Cefnogi gwaith trefnu a monitro lleoliadau gwaith myfyrwyr

Sgiliau Gwybodaeth ac ArbenigeddHanfodol:

• Gradd anrhydedd mewn Peirianneg Drydanol / Electronig, neu faes sy'n perthyn yn agos
• TGAU Saesneg a Mathemateg - o leiaf Gradd C neu Lefel O cyfwerth
• Tystiolaeth ddogfennol o Ddatblygiad Proffesiynol priodol
• Profiad diwydiannol mewn sector peirianegol perthnasol
• Sgiliau llythrennedd a rhifedd da a'r gallu i gyfathrebu'n effeithiol ar bob lefel ar lafar ac yn ysgrifenedig
• Dealltwriaeth gadarn o lythrennedd digidol
• Cyfathrebwr ardderchog â diplomyddiaeth a thact
• Sgiliau rhyngbersonol a threfniadol ardderchog
• Y gallu i weithio'n gytûn gyda myfyrwyr a chydweithwyr
• Y gallu i weithio dan bwysau ac i derfynau amser tynn

Dymunol:

• Cymhwyster addysgu (Os nad ydych yn meddu ar gymhwyster addysgu ar ddyddiad dechrau'r swydd, bydd hi'n ofynnol i chi ennill TAR o fewn 2 flynedd i'r dyddiad hwn)
• Cymhwyster addysgu cydnabyddedig (e.e., TAR, Tystysgrif mewn Addysg)
• Profiad addysgu perthnasol
• Dealltwriaeth dda o faterion perthnasol mewn addysg ôl 16
• Hanes profedig o lefelau uchel o gyrhaeddiad myfyrwyr
• Ymwybyddiaeth o ddangosyddion perfformiad allweddol
• Tystiolaeth o weithgareddau addysgu a dysgu arloesol
• Tystiolaeth o olrhain a monitro yn effeithiol
• Profiad o gymryd rhan weithredol yng ngofal bugeiliol pobl ifanc

Yr Iaith Gymraeg:

• Llefaredd Cymraeg (Gwrando/Siarad) - Lefel 0/1
• Llythrennedd Cymraeg (Ysgrifennu/Darllen) - Lefel 0/1

Gweler disgrifiadau iaith manwl ynghlwm.

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Am ddisgrifiad swydd llawn, cliciwch ynghlwm.

Buddion

• Byddwch yn cael 46 diwrnod o wyliau, ynghyd â gwyliau banc a phum diwrnod cau sef cyfanswm o 59 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein