Dirprwy Bennaeth - Ysgol Iau Hen Golwyn

Cyflog: L3 £50,441 - L7 £55,776 y flwyddyn

YSGOL IAU HEN GOLWYN

Church Walks, Hen Golwyn, Bae Colwyn, Conwy LL29 9RU

Rhif ffôn: (01492) 516 258

Pennaeth: Mr. R Jones, rhifau o disgyblion - 205

Yn eisiau ar gyfer mis Medi 2024 neu cyn gynted â phosibl wedi hynny

DIRPRWY BENNAETH

Cyflog: L3 £50,441 - L7 £55,776 y flwyddyn

Oriau: Llawn Amser

" Mae Ysgol Iau Hen Golwyn yn gymuned glos, gefnogol a gofalgar lle mae disgyblion yn teimlo'n hapus a diogel . "

Estyn Mis Ionawr 2023

Mae'r Llywodraethwyr yn dymuno penodi unigolyn brwdfrydig a llawn cymhelliant ar gyfer swydd Dirprwy Bennaeth yn ein hysgol cyfrwng Saesneg dynodedig. Bydd gan yr ymgeisydd llwyddiannus:

• gymhwyster addysgu perthnasol a chyfredol
• sgiliau ystafell ddosbarth ardderchog a phrofiad o ddangos arfer da.
• ymrwymiad i wella'r ysgol a mynd i'r afael â phrif flaenoriaethau addysgol Llywodraeth Cymru.
• sgiliau cyfathrebu rhagorol
• ymrwymiad i les pawb
• sgiliau rheoli ac arweinyddiaeth cadarn
• cefndir hybu safonau uchel
• gallu gweithio'n effeithiol gyda staff, rhieni a llywodraethwyr
• gallu helpu i gynnal a datblygu safonau uchel ac arferion da a sefydlwyd eisoes yn yr ysgol
• y gallu i ymateb yn gadarnhaol i heriau a rhannu gweledigaeth gadarnhaol yr ysgol.
• gallu ymgymryd â thasgau a chyfrifoldebau a ddyrannwyd gan y Pennaeth

Byddwn ni'n cynnig:

• plant hapus a chyfeillgar sy'n frwdfrydig dros addysg a dysgu;
• ethos cefnogol a gofalgar
• grŵp ymroddedig a gweithgar o staff cymorth ac addysgu;
• Corff Llywodraethu proffesiynol sy'n herio ac yn cefnogi;
• safle eang llawn adnoddau;
• cyfleoedd datblygu proffesiynol a gyrfa ardderchog
• cyfle cyffrous i fod yn rhan o ysgol flaengar

Mae ymweliadau â'r ysgol wedi eu trefnu ar gyfer 06/06/24 a 11/06/24 am 4:30pm. Mae croeso i ymgeiswyr sydd am wybod mwy am yr ysgol neu'r swydd fynychu. Cysylltwch â Miss J Leon (Ysgrifennydd) i drefnu hyn. (01492) 516258

Oherwydd natur y swydd, bydd yr ymgeisydd llwyddiannus yn destun datgeliad y Gwasanaeth Datgelu a Gwahardd.

Mae'n ofynnol i'r ymgeisydd llwyddiannus gofrestru gyda Chyngor y Gweithlu Addysg cyn dechrau gweithio.

Noder nad yw'r awdurdod yn rhoi ffurflenni cais bellach, nac yn derbyn CVs.

Dyddiad cau: Hanner nos, Dydd Llun , 17 eg Mehefin 2024

Mae Conwy wedi ymrwymo i ddiogelu - bydd cymwysterau a geirdaon yn cael eu gwirio.

Os na chewch glywed o fewn 3 wythnos o'r dyddiad cau, dylai ymgeiswyr gymryd nad ydynt wedi cyrraedd y rhestr fer am gyfweliad ac felly ni fyddwch yn derbyn gwybodaeth ysgrifenedig. Wrth fynd ati i hyrwyddo cyfle cyfartal, mae Conwy yn croesawu ymgeiswyr o bob rhan o'r gymuned. Bydd pob ymgeisydd anabl sy'n bodloni gofynion hanfodol y swydd yn cael cyfweliad.

This form is also available in English.