Athro/ Athrawes Saesneg (Ysgol Uwchradd Llanidloes)

Athro/ Athrawes Saesneg (Ysgol Uwchradd Llanidloes)
Swydd-ddisgrifiad
Mae Ysgol Uwchradd Llanidloes yn un o'r ysgolion mwyaf hapus a llwyddiannus yng Nghymru. Rydym wedi'n bendithio â diwylliant dysgu bywiog a llewyrchus, ethos gofalgar a thîm staff ymroddedig dros ben. Dyma gyfle arbennig ar gyfer athro/ athrawes Saesneg ysbrydoledig i ymuno ag ysgol ofalgar, wedi'i gordanysgrifio, yng Nghanolbarth Cymru wledig, hardd.

Bydd yr ymgeisydd llwyddiannus:

• yn ofalgar am les a llwyddiant academaidd pob disgybl;
• yn medru addysgu Saesneg iaith a llenyddiaeth yn effeithiol hyd at a chan gynnwys Lefel A;
• yn weithgar, yn ysbrydoli cariad tuag at ddysgu ac yn sicrhau bod pob disgybl yn cyrraedd y safon academaidd uchaf posibl;

• yn ddynamig yn y dosbarth ac yn cynnal safonau uchel iawn o addysgu a dysgu;

• â sgiliau rhyngbersonol rhagorol, yn aelod da o dîm ac yn medru gweithio'n annibynnol;
• â sgiliau trefniadol gwych ac agwedd ddiwyd tuag at y gwaith;
• yn cyfrannu'n llawn tuag at ddarparu cyfleoedd allgyrsiol;
• ag agwedd bositif tuag at ddatrys problemau.

Rydym am benodi athro Saesneg llawn amser. Gallai'r rôl gynnwys cyfle i fod yn Rheolwr Dysgu Cynorthwyol ac Arweinydd Llythrennedd. Gan weithio'n agos gyda'r Rheolwr Dysgu a'r adran, bydd yr ymgeisydd llwyddiannus yn helpu i godi safonau ac yn parhau i wella darpariaeth llythrennedd a chynnydd ar draws yr ysgol.

Rydym wedi estyn y dyddiad cau tan 07/04/2024